ຂ່າວຫຼ້າສຸດ

ອັງກິດກຽມພ້ອມຂໍຈັດເຕະບານໂລກ 2030

316 02 ສ.ຫ. 2018 ວົງຈອນກີລາ
ອັງກິດກຽມພ້ອມຂໍຈັດເຕະບານໂລກ 2030

"ອັງກິດ" ກຽມພ້ອມສະເໜີຕົວເປັນເຈົ້າພາບເຕະບານໂລກ 2030 ໂດຍມີຄູ່ແຂ່ງເປັນປະເທດຈາກອາເມຣິກາໃຕ້ ແລະ ອາຟຣິກາ.

          ສະມາຄົມເຕະບານອັງກິດ ເປີດເຜີຍວ່າກໍາລັງພິຈາລະນາເລື່ອງການສະເໜີຕົວຂໍເປັນເຈົ້າພາບເຕະບານໂລກ 2030 ໂດຍລະຫວ່າງນີ້ ທຸກຢ່າງຍັງຢູ່ໃນຂັ້ນຕອນຂອງການກຽມວຽກ.

          ສໍາລັບລາຍການລະດັບໃຫຍ່ຄັ້ງຫຼ້າສຸດທີ່ຈັດຂຶ້ນໃນອັງກິດ ຄືເຕະບານເອີໂຣ 1996 ແລະ ຫາກພວກເຂົາປະສົບຄວາມສໍາເລັດໃນການຂໍເປັນເຈົ້າພາບເຕະບານໂລກ 2030 ກໍຈະເປັນຄັ້ງທີ 2 ໃນປະຫວັດສາດທີ່ມະຫະກໍາເຕະບານໂລກຖືກຈັດຂຶ້ນໃນອັງກິດ ທີ່ເຄີຍເປ້ນເຈົ້າພາບມາແລ້ວຄັ້ງໜື່ງໃນເຕະບານໂລກ 1966 ທີ່ພວກເຂົາຄວ້າແຊັມໂລກມາຄອງໄດ້ເປັນຄັ້ງທໍາອິດ ແລະ ຄັ້ງດຽວກະທັ່ງປັດຈຸບັນ.

           ທັ້ງນີ້ ນອກຈາກອັງກິດແລ້ວ ອາກຊັງຕິນ, ປາຣາກວາຍ ແລະ ອຸຣຸກວາຍ ກໍວາງແຜນຈະສະເໜີຕົວຂໍເປັນເຈົ້າພາບຮ່ວມເຕະບານໂລກ 2030 ເຊັ່ນກັນ ຂະນະທີ່ ໂມຣົກ ກໍກຽມຈະກັບມາລຸ້ນອີກຄັ້ງ ໂດຍອາດຈະຂໍເປັນເຈົ້າພາບຮ່ວມກັບ ຕູນິຊີ ແລະ ອານຈີເລ.

ຂ່າວທີ່ກ່ຽວຂ້ອງ