ແມນຢູ ກຽມທາບທາມ ຊີດານ ເປັນຜູ້ຈັດການຄົນໃໝ່ ຫາກສັ່ງປົດ ມູຣິນໂຢ່

129 02 ສ.ຫ. 2018 ວົງຈອນກີລາ
ແມນຢູ ກຽມທາບທາມ ຊີດານ ເປັນຜູ້ຈັດການຄົນໃໝ່ ຫາກສັ່ງປົດ ມູຣິນໂຢ່

ສໍານັກຂ່າວເດິະຊັນ ລາຍງານວ່າ ແມນເຊສເຕີ ຢູໄນເຕັດ ແຫ່ງພຣີເມຍລີກ ອັງກິດ ໄດ້ວາງຕົວ ຊີເນີດີນ ຊີດານ ຜູ້ຈັດການຊາວຝຣັ່ງເປັນເປົ້າໝາຍທໍາອິດໃນການດຶງມາເປັນຜູ້ຈັດການທີມຄົນໃໝ່ ຫາກຕັດສິນໃຈປົດ ໂຈເຊ ມູຣິນໂຢ່ ຜູ້ຈັດການໃຫຍ່ຊາວປອກຕຸຍການອອກຈາກຕໍາແໜ່ງ.

        ໄລຍະອຸ່ນເຄື່ອງກຽມເປີດລະດູການນີ້ ມູຣິນໂຢ່ ເບິ່ງເໝືອນວ່າຈະມີບັນຫາຫຼາຍຢ່າງ ທັງຜົນການແຂ່ງຂັນອຸ່ນເຄື່ອງທີ່ບໍ່ດີປານໃດ ແຖມຜູ້ກ່ຽວຍັງໃຫ້ສໍາພາດໂຈມຕີອົງການບໍລິຫານ ແລະ ນັກເຕະທີ່ຂັດໃຈ ເຮັດໃຫ້ມີຂ່າວວ່າຕອນນີ້ບັນຍາກາດພາຍໃນແຄັມເກັບຕົວຂອງທີມບໍ່ດີເລີຍ.

          ດ້ວຍເຫດຜົນຫຼາຍປະການ ເຮັດໃຫ້ຕອນນີ້ ເຖິງແມ່ນແຕ່ບໍລິສັດຮັບພະນັນຖືກກົດໝາຍຕ່າງແດນ ຍັງເຊື່ອວ່າມູຣິນໂຢ່ ບໍ່ໜ້າໄດ້ຢູ່ຕໍ່ດົນປານໃດ ເຖິງກັບຕັ້ງລາຄາຂຶ້ນຕົວເກງອັນດັບ 1 ວ່າຈະເປັນຜູ້ຈັດເການຄົນທໍາອິດທີ່ຖືກປົດໃນລະດູການໃໝ່ນີ້ເລີຍ.

          ລາຍງານຂ່າວລະບຸວ່າ ຕອນນີ້ແມນຯຢູໄນເຕັດໄດ້ເພັ່ງເລັງ ຊີດານ ເປັນຕົວເລືອກທໍາອິດທີ່ຈະເຂົ້າມາຮັບໜ້າທີ່ແທນຫາກປົດມູຣິນໂຢ່ ຫຼັງຜູ້ຈັດການໃຫຍ່ຊາວຝຣັ່ງສ້າງຜົນງານນຳ ຣິວ ມາດຣິດ ຂອງລາ ລີກາ ແອັດສະປາຍ ຄວ້າແຊັມຢູຟ່າ ແຊັມປຽນ ລີກ 3 ສະໄໝຊ້ອນ ຊຶ່ງຕອນນີ້ ກໍາລັງວ່າງງານຫຼັງຕັດສິນໃຈລາອອກຈາກຕຳແໜ່ງ.

ຂ່າວທີ່ກ່ຽວຂ້ອງ