ຂ່າວຫຼ້າສຸດ

ຝ່າຍຈັດອາຊຽນເກມສ໌ອິນໂດເນເຊຍ ເຊີນຜູ້ນໍາ ສປປ ເກົາຫຼີ ຮ່ວມພິທີເປີດ

136 02 ສ.ຫ. 2018 ວົງຈອນກີລາ
ຝ່າຍຈັດອາຊຽນເກມສ໌ອິນໂດເນເຊຍ ເຊີນຜູ້ນໍາ ສປປ ເກົາຫຼີ ຮ່ວມພິທີເປີດ

ຝ່າຍຈັດການແຂ່ງຂັນກີລາອາຊຽນເກມສ໌ 2018 ແຫ່ງປະເທດອິນໂດເນເຊຍ ໄດ້ສົ່ງບັດເຊີນໄປເຖິງທ່ານ ຄິມ ຈອງ-ອຶນ ຜູ້ນຳສູງສຸດຂອງ ສປປ ເກົາຫຼີ ໃຫ້ເຂົ້າຮ່ວມໃນພິທີເປິດມະຫະກໍາກີລາຄັ້ງນີ້ ຊຶ່ງຈະແຂ່ງຂັນກັນລະຫວ່າງວັນທີ 18 ສິງຫາ ເຖິງ 2 ກັນຍານີ້.

          ທ່ານ ປູອັນ ມາຮາຣານີ ລັດຖະມົນຕີກະຊວງວັດທະນະທໍາ ແລະ ພັດທະນາການເຊື່ອມໂຍງມະນຸດ ຊຶ່ງເປັນແກນນຳຄະນະຜູ້ແທນຝ່າຍຈັດການແຂ່ງຂັນ ເປິດເຜີຍວ່າໄດ້ເດີນທາງໄປເຖິງ ສປປ ເກົາຫຼີ ເພື່ອສົ່ງບັດເຊີນໃຫ້ຜູ້ນຳສູງສຸດ ສປປ ເກົາຫຼີໂດຍສະເພາະ.

          “ເຫດຜົນຫຼັກທີ່ເຮົາໄປຢ້ຽມຢາມ ສປປ ເກົາຫຼີິ ແມ່ນເພື່ອສົ່ງຄໍາເຊີນຢ່າງເປັນທາງການເຖິງຜູ້ນຳສູງສຸດ ສປປ ເກົາຫຼີໃຫ້ເຂົ້າຮ່ວມພິທີເປິດອາຊຽນເກມສ໌”d

          ກ່ອນໜ້ານີ້ ທາງອິນໂດເນເຊຍໄດ້ສົ່ງບັດເຊີນໄປເຖິງທ່ານ ມຸນ ແຈ-ອິນ ປະທານາທິບໍດີ ສ ເກົາຫຼີ ໃຫ້ເຂົ້າຮ່ວມພິທີເປິດຄັ້ງນີ້ດ້ວຍເຊັ່ນກັນ ຊຶ່ງປະທານາທິບໍດີມຸນ ແຈ-ອິນ ກ່າວວ່າຈະພິຈາລະນາຄໍາເຊີນດັ່ງກ່າວ ໂດຍໃນອາຊຽນເກມສ໌ຄັ້ງນີ້ 2 ເກົາຫຼີມີການລວມທີມແຂ່ງຂັນກັນໃນກີລາບາງປະເພດດ້ວຍ.

          ທາງດ້ານ ຊົນ ຮຶງ-ມິນ ກອງໜ້າທີມຊາດ ສ ເກົາຫຼີ ຈະພາດການລົງສະໜາມໃຫ້ທີມຊາດໃນ 2 ເກມທໍາອິດຂອງກີລາເຕະບານເພດຊາຍອາຊຽນເກມສ໌ຄັ້ງນີ້ ຕາມຂໍ້ຕົກລົງກັບທັອຕແນມ ຮັອດສະເປີ ຕົ້ນສັງກັດແຫ່ງພຣີເມຍລີກ ອັງກິດ.

          ໂດຍສະເປີ ຕ້ອງການເກັບຕົວ ຊົນ ຮຶງ ມິນ ໄວ້ຊ່ວຍທີມໃນນັດເປິດລະດູການໃໝ່ ທີ່ຈະພົບນິວຄາສເຊິນ ຢູໄນເຕັດ ວັນທີ 11 ສິງຫາ ຊຶ່ງຖືວ່າ ສະເປີຍອມຜ່ອນຜັນໃຫ້ ເນື່ອງຈາກທໍາອິດຢາກຖ່ວງຕົວໄວ້ຈົນເຖິງນັດພົບຟູແລມວັນທີ 18 ສິງຫາ ແລະນັ້ນຈະເຮັດໃຫ້ຕ້ອງພາດຮອບແບ່ງກຸ່ມອາຊຽນເກມສ໌ທັງໝົດ.

ຂ່າວທີ່ກ່ຽວຂ້ອງ