ຂ່າວຫຼ້າສຸດ

ມູຣິນໂຢ່ ເປັນຕົວເກງຖືກປົດຄົນທໍາອິດຂອງລີກອັງກິດ

188 02 ສ.ຫ. 2018 ວົງຈອນກີລາ
 ມູຣິນໂຢ່ ເປັນຕົວເກງຖືກປົດຄົນທໍາອິດຂອງລີກອັງກິດ

ໂຈເຊ ມູຣິນໂຢ່ ຜູ້ຈັດການທີມ ແມນເຊສເຕີ ຢູໄນເຕັດ ທີມຍິ່ງໃຫຍ່ແຫ່ງເວທີພຣີເມຍລີກ ອັງກິດ ກາຍເປັນຕົວເກງອັນດັບຕົ້ນໆທີ່ຈະກາຍເປັນຜູ້ຈັດການຄົນທໍາອິດໃນລີກສູງສຸດຂອງອັງກິດ ທີ່ມີອັນຕ້ອງພົ້ນຈາກຕໍາແໜ່ງໃນລະດູການນີ້ ຫຼັງຜູ້ກ່ຽວພາທີມສ້າງຜົນງານໄດ້ບໍ່ດີເທົ່າທີ່ຄວນ ໃນໄລຍະຂອງການອຸ່ນເຄື່່ອງກຽມເປີດລະດູການທີ່ສະຫະລັດອາເມຣິກາ ແຖມຍັງໃຫ້ສໍາພາດໃນເຊີງຕຳໜິລູກທີມ ລວມເຖິງບັນດາຜູ້ບໍລິຫານຂອງສະໂມສອນທີ່ດຳເນິນງານຊັກຊ້າຈົນ ແມນຢູ ຫາກໍຈະໄດ້ນັກເຕະໃໝ່ມາເສີມທັບໃນໄລຍະພັກຮ້ອນນີ້ພຽງແຕ່ 3 ຄົນເທົ່ານັ້ນ.

            ແມນຢູ ສ້າງຜົນງານໄດ້ບໍ່ດີປານໃດ ໃນການເຕະອຸ່ນເຄື່ອງທີ່ສະຫະລັດອາເມຣິກາ ເລີ່ມຈາກສະເໝີ ຄລັບ ອາເມຣິກາ 1-1 ຕາມດ້ວຍສະເໝີ ຊານ ໂຮເຊ ເຮີດເຄວ 0-0 ກ່ອນຈະເລີ່ມຕົ້ນເກມ “ໄອຊີຊີ 2018” ດ້ວຍການເອົາຊະນະ ເອຊີ ມິລານ ໃນການເຕະຈຸດໂທດ ກ່ອນຈະພ່າຍແພ້ ລິເວີພູນ ຂາດລອຍ 1-4 ໃນເກມຫຼ້າສຸດ ໂດຍຫຼັງເກມ ມູຣິນໂຢ່ ໃຫ້ສໍາພາດໃນເຊິງຕຳໜິລູກທີມ ລວມເຖິງອົງການບໍລິຫານຢ່າງດຸເດືອດ ເປັນເຫດໃຫ້ຮ້ານຮັບພະນັນຖືກກົດໝາຍຫຼາຍແຫ່ງປັບອັດຕາຕໍ່ລອງວ່າຜູ້ກ່ຽວຈະຕົກຕໍາແໜ່ງເປັນຄົນທໍາອິດ ໂດຍ ແລດໂບຣກສ໌ ຍົກໃຫ້ຜູ້ຈັດການໃຫຍ່ແມນຢູ  ເປັນຕົວເກງເບີ 2 ທີ່ຈະຖືກປົດເປັນຄົນທໍາອິດໃນອັດຕາ 7/1 (ແທງ 1 ຈ່າຍ 7 ບໍ່ລວມທຶນ) ເປັນຮອງແຕ່ ຄາບີ ກຣາເຊຍ ຜູ້ຈັດການທີມ ວັດຟອດ ຄົນດຽວເທົ່ານັ້ນ ສ່ວນ ສະກາຍ ເບດ ອອກອັດຕາວ່າຜູ້ກ່ຽວຈະຖືກປົດເປັນຄົນທໍາອິດຢູ່ທີ່ 11/2 (ແທງ 2 ຈ່າຍ 11 ບໍ່ລວມທຶນ) ຂະນະທີ່ຮ້ານຮັບພະນັນຢ່າງ ໂຄຣັນ, ຢູນິເບດ ລວມເຖິງອີກຫຼາຍແຫ່ງ ຕ່າງປັບໃຫ້ຜູ້ຈັດການຊາວປອກຕຸຍການເປັນຕົວເກງອັນດັບ 1 ທີ່ຈະຕ້ອງຖືກປົດອອກຈາກຕໍາແໜ່ງເປັນຄົນທໍາອິດ.

ຂ່າວທີ່ກ່ຽວຂ້ອງ