ຂ່າວຫຼ້າສຸດ

ທ່ານ ເປເຣຊ ກຽມໄປລອນດອນເພື່ອເຈລະຈາຊື້ ແຮຣີ ເຄນ

168 02 ສ.ຫ. 2018 ວົງຈອນກີລາ
ທ່ານ ເປເຣຊ ກຽມໄປລອນດອນເພື່ອເຈລະຈາຊື້ ແຮຣີ ເຄນ

        ທ່ານ ຟລໍເຣນຕິໂນ່ ເປເຣຊ ປະທານສະໂມສອນ ຣິວ ມາດຣິດ ຕົກເປັນຂ່າວວ່າພ້ອມເດີນທາງໄປນະຄອນຫຼວງລອນດອນໄລຍະອາທິດໜ້າ ເພື່ອເຈລະຈາຊື້ ແຮຣີ່ ເຄນ ກອງໜ້າທີມຊາດອັງກິດ ຂອງ ສະເປີ ໄປຮ່ວມທີມໃນໄລຍະພັກຮ້ອນນີ້ ດ້ວຍຄ່າຕົວສູງເຖິງ 215 ລ້ານເອີໂຣ ຕາມການກ່າວອ້າງຂອງ “ດອນ ບາລອນ” ສື່ອອນລາຍຂອງປະເທສດແອັດສະປາຍເມື່ອວັນຈັນທີ່ຜ່ານມາ.

          ແຮຣີ ເຄນ ກອງໜ້າໄວ 25 ປີ ເປັນໜື່ງໃນກອງຫນ້າທີ່ສ້າງຜົນງານຮ້ອນແຮງທີ່ສຸດໃນປັດຈຸບັນ ຫຼັງຍິງ 140 ປະຕູຈາກການລົງຫຼິ້ນທຸກລາຍການ 213 ເກມກັບ ສະເປີ ຊຶ່ງດາວຍິງທີມຊາດອັງກິດ ຫາກໍເຊັນສັນຍາ 6 ປີມູນຄ່າ 62,4 ລ້ານປອນກັບທີມສະເປີເມື່ອບໍ່ດົນຜ່ານມານີ້.

          ຂະນະທີ່ ຣິວ ມາດຣິດ ຕົກເປັນຂ່າວວ່າສົນໃຈ ເຄນ ມາເປັນເວລາຍາວນານ ຫຼ້າສຸດ “ດອນ ບາລອນ” ອ້າງວ່າ ຣິວ ມາດຣິດ ພ້ອມຂົນເງິນກ້ອນໃຫຍ່ເຖິງ 215 ລ້ານເອີໂຣ ເພື່ອດຶງກອງໜ້າໄວ 25 ປີອອກໄປຈາກສະເປີ ໂດຍທ່ານ ຟລໍເຣນຕິໂນ່ຈະເດີນທາງໄປລອນດອນເພື່ອເຈລະຈາດ້ວຍຕົວເອງ.

           ຕາມລາຍງານຂ່າວອ້າງວ່າ ຈາກຂໍ້ສະເໜີດັ່ງກ່າວຂອງ ຣິວ ມາດຣິດ ອາດເຮັດໃຫ້ ສະເປີ ບໍ່ອາດປະຕິເສດໄດ້ຫຼັງສະໂມສອນໃຊ້ຈ່າຍເງິນໄປຈຳນວນມະຫາສານເພື່ອສ້າງສະໜາມແຂ່ງຂັນໃໝ່.

ຂ່າວທີ່ກ່ຽວຂ້ອງ