ກຸ່ມບໍລິສັດດາວເໜືອ ຊ່ວຍເຫຼືອຜູ້ປະສົບໄພຢູ່ແຂວງອັດຕະປື

187 02 ສ.ຫ. 2018 ຂ່າວໜ້າ​ໜຶ່ງ
ກຸ່ມບໍລິສັດດາວເໜືອ ຊ່ວຍເຫຼືອຜູ້ປະສົບໄພຢູ່ແຂວງອັດຕະປື

    ເຫດ­ການ​ສັນ​ເຂື່ອນ​ອ່າງ­ເກັບ­ນ້ຳ​ສຳ­ຮອງ​ເຂື່ອນ​ເຊ​ປຽນ-ເຊ​ນ້ຳ​ນ້ອຍ ຢູ່​ເມືອງ​ສະ­ໜາມ​ໄຊ ແຂວງ​ອັດ​ຕະ​ປື ແຕກ ໃນ​ວັນ​ທີ 23 ກໍ­ລະ­ກົດ 2018 ໄດ້​ສົ່ງ​ຜົນ​ກະ­ທົບ​ຢ່າງ​ຮ້າຍ​ແຮງ​ຕໍ່​ຊີ­ວິດ ຊັບ​ສິນ ເຮືອນ​ຊານ​ບ້ານ​ຊ່ອງ ເນື້ອ­ທີ່​ທຳ​ການ​ຜະ­ລິດ​ຂອງ​ປະ­ຊາ­ຊົນ ລວມ​ເຖິງ​ພື້ນ­ຖານ​ໂຄງ​ລ່າງ ສິ່ງ​ອຳ­ນວຍ​ຄວາມ​ສະ­ດວກ​ຕ່າງໆ​ຂອງ​ລັດ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ­ໜ່ວງ ປັດ­ຈຸ­ບັນ​ທາງ​ພາກ​ລັດ ອົງ​ການ­ຈັດ­ຕັ້ງ​ຕ່າງໆ ລວມ​ເຖິງ​ບັນ­ດາ​ປະ­ເທດ​ເພື່ອນ​ມິດ​ກໍ່​ກຳ­ລັງ​ສືບ­ຕໍ່​ຊອກ​ຫາ​ຜູ້​ທີ່​ຍັງ​ຊອກ​ບໍ່​ເຫັນ​ຢ່າງ​ຮີບ​ດ່ວນ.

   ເພື່ອ​ແນ­ໃສ່​ປະ­ກອບ­ສ່ວນ​ຊ່ວຍ​ບັນ­ເທົາ​ທຸກ​ໃຫ້​ຜູ້​ໄດ້​ຮັບ​ຜົນ​ກະ­ທົບ​ຈາກ​ເຫດ­ການ​ດັ່ງ­ກ່າວ ກຸ່ມ​ບໍ­ລິ­ສັດ​ດາວ ເໜືອກ​ຣຸບ ໄດ້​ນຳ​ເອົາ​ເຄື່ອງ​ອຸ­ປະ­ໂພກ-ບໍ­ລິ­ໂພກ​ເຊັ່ນ: ເຂົ້າ­ສານ​ໜຽວ 120 ເປົາ ນ້ຳ​ດື່ມ 1.000 ແພັກ ເສື້ອ​ຍືດ 200 ໂຕ ແລະ ຖ້ວຍ+ຈານ 600 ໃບ ລວມ​ມູນ​ຄ່າ​ທັງ​ໝົດ 100 ລ້ານ​ກີບ ໄປ​ມອບ​ໃຫ້​ແຂວງ​ອັດ​ຕະ​ປື  ພິ­ທີ​ມອບ​ໄດ້​ຈັດ​ຂຶ້ນ​ວັນ​ທີ 27 ກໍ­ລະ­ກົດ 2018 ຢູ່​ຕໍ່­ໜ້າ​ກຸ່ມ​ບໍ­ລິ­ສັດ​ດັ່ງ­ກ່າວ ນະ­ຄອນ­ຫຼວງ​ວຽງ​ຈັນ ກ່າວ​ມອບ​ໂດຍ​ທ່ານ ໄຊ​ປັນ­ຍາ ຫຼວງ​ຫາ​ນຸ ປະ­ທານ​ກຸ່ມ​ບໍ­ລິ­ສັດ ດາວ​ເໜືອກ​ຣຸບ ຈາກ​ນັ້ນ ກໍ່​ໄດ້​ມອບ​ຕໍ່­ໃຫ້​ພະ­ນັກ­ງານ​ຂອງ​ກຸ່ມ​ບໍ­ລິ­ສັດ ດາວ​ເໜືອກ​ຣຸບ ລົງ​ໄປ​ມອບ​ຕໍ່­ໃຫ້​ອຳ­ນາດ​ການ​ປົກ­ຄອງ​ແຂວງ​ອັດ​ຕະ​ປື.

ຂ່າວທີ່ກ່ຽວຂ້ອງ