ຂ່າວຫຼ້າສຸດ

ຄູ-ອາຈານ ນັກສຶກສາ ຮັບຟັງການເຕີບໃຫຍ່ຂະຫຍາຍຕົວຂອງກີລາລາວ

137 02 ສ.ຫ. 2018 ວົງຈອນກີລາ
ຄູ-ອາຈານ ນັກສຶກສາ ຮັບຟັງການເຕີບໃຫຍ່ຂະຫຍາຍຕົວຂອງກີລາລາວ

   ພະ­ນັກ­ງານ ຄູ-ອາ­ຈານ ແລະ ນັກ​ສຶກ​ສາ ຄະ­ນະ​ວິ​ທະ ຍາ​ສາດ​ການ​ກີ­ລາ-ກາ​ຍະ​ກຳ (ຄວກ) ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ຮັບ​ຟັງ​ປະ­ຫວັດ ແລະ ການ ເຕີບ​ໃຫຍ່​ຂະ­ຫຍາຍ­ຕົວ​ຂອງ​ວົງ​ການ​ກີ­ລາ​ລາວ ເນື່ອງ​ໃນ​ໂອ ກາດ​ສະ­ເຫຼີມ­ສະ­ຫຼອງ​ວັນ​ສ້າງ ຕັ້ງ​ກີ­ລາ-ກາ​ຍະ​ກຳ​ແຫ່ງ​ຊາດ ຄົບ­ຮອບ 52 ປີ (13 ກໍ­ລະ­ກົດ 1966-13 ກໍ­ລະ­ກົດ 2018) ເຊິ່ງ ໄດ້​ຈັດ​ຂຶ້ນ​ໃນ​ວັນ​ທີ 27 ກໍ­ລະ­ກົດ 2018 ຜ່ານ​ມາ ທີ່​ມະ­ຫາ​ວິ​ທະ ຍາ​ໄລ​ແຫ່ງ​ຊາດ.

   ໃຫ້​ກຽດ​ບັນ​ລະ​ຍາຍ​ຂອງ ທ່ານ ສົມ​ພູ ພົງ­ສາ ຜູ້​ຊ່ວຍ​ລັດ­ຖະ­ມົນ­ຕີ ກະ­ຊວງ​ສຶກ​ສາ​ທິ​ການ ແລະ ກີ­ລາ ທັງ​ເປັນ​ຮອງ​ປະ­ທານ ແລະ ເລ­ຂາ­ທິ­ການ ຄະ ນະ​ກຳ­ມະ­ການ​ໂອ​ແລມ​ປິກ​ແຫ່ງ​ຊາດ​ລາວ ໂດຍ​ທ່ານ​ໄດ້​ຍົກ​ໃຫ້​ເຫັນ​ເຖິງ​ປະ­ຫວັດ​ຄວາມ​ເປັນ​ມາ​ຂອງ​ກີ­ລາ​ລາວ ບາງ​ຕອນ​ໃຫ້​ຮູ້​ວາ: ການ​ເຕີບ​ໃຫຍ່​ຂະ­ຫຍາຍ­ຕົວ​ຂອງ​ກີ­ລາ​ລາວ​ແຕ່​ລະ​ໄລ­ຍະ ແມ່ນ​ມີ​ອົງ­ການ​ກີ­ລາ​ທີ່​ລາວ​ເຮົາ​ເຂົ້າ​ຮ່ວມ​ການ­ເຄື່ອນ­ໄຫວ ແລະ ເປັນ​ສະ­ມາ­ຊິກ ມີ​ຄະ­ນະ​ກຳ­ມະ­ການ​ໂອ​ແລມ​ປິກ​ແຫ່ງ​ຊາດ​ລາວ (ຄອລ) IOC OCA SEAGF ເຊິ່ງ ຄອລ ຖືກ​ສ້າງ­ຕັ້ງ​ຂຶ້ນ​ໃນ​ປີ 1978 ປະ­ກອບ​ມີ 7 ສະ­ຫະ­ພັນ​ກີ­ລາ​ແຫ່ງ​ຊາດ ຄື: ແລ່ນ-ລານ ບານ­ບ້ວງ ມວຍ​ສາ ກົນ ເຕະ­ບານ ຍິງ​ປືນ ປິ່ງ​ປ່ອງ ແລະ ບານ­ສົ່ງ ສະ­ຫະ­ພັນ​ກີ­ລາ​ມະ­ຫາ​ວິ​ທະ­ລາ​ໄລ (ສກມລ) ປະ ກອບ​ມີ ຂອງ​ໂລກ ແລະ ຂອງ ອາ​ຊຽນ ກົມ​ພະ­ລະ ແລະ ສິ­ລະ​ປະ​ສຶກ​ສາ ກະ­ຊວງ​ສຶກ​ສາ​ທິ​ການ ແລະ ກີ­ລາ ປະ­ກອບ​ມີ ນັກ­ຮຽນ​ອາ​ຊຽນ ແລະ ສະ­ຫະ­ພັນ​ກີ­ລາ​ແຫ່ງ​ຊາດ ປະ­ກອບ​ມີ ສະ­ມາ­ຊິກ​ຂອງ​ສະ­ຫະ­ພັນ​ກີ­ລາ​ອາ​ຊຽນ (ASEAN Sport Federation) ສະ­ຫະ­ພັນ​ກີ­ລາ​ເອ​ເຊຍ (Asian Sport Federation) ແລະ ສະ­ຫະ­ພັນ​ກີ­ລາ​ສາ­ກົນ (International Sport Federation).

   ສ່ວນ​ສະ​ຖາ​ບັນ​ກີ­ລາ ແລະ ອົງ​ກອນ​ກີ­ລາ​ທີ່​ເປັນ​ແຫຼ່ງ​ຜະ­ລິດ ແລະ ຍົກ​ລະ­ດັບ​ບຸ​ຄະ­ລາ​ກອນ​ກີ­ລາ​ໃນ ສປປ ລາວ ປະ­ກອບ​ມີ ຄະ­ນະ​ວິ­ທະ­ຍາ­ສາດ​ການ​ກີ­ລາ-ກາ​ຍະ​ກຳ ມະ­ຫາ­ວິ­ທະ­ຍາ­ໄລ​ແຫ່ງ​ຊາດ ວິ­ທະ­ຍາ­ໄລ​ພະ­ລະ ສຶກ​ສາ ກະ­ຊວງ​ສຶກ​ສາ​ທິ​ການ ແລະ ກີ­ລາ ກົມ​ວິ­ຊາ​ການ​ກີ­ລາ​ໃນ​ກະ­ຊວງ​ສຶກ​ສາ​ທິ​ການ ແລະ ກີ­ລາ (ໃນ​ຮູບ​ແບບ​ການ​ຈັດ​ສຳ​ມະ​ນາ) ຄະ­ນະ​ກຳ­ມະ­ການ​ໂອ​ແລມ​ປິກ​ແຫ່ງ​ຊາດ ສະ­ຫະ­ພັນ​ກີ­ລາ​ແຫ່ງ​ຊາດ ແລະ ອື່ນໆ.

ຂ່າວທີ່ກ່ຽວຂ້ອງ