ຂ່າວຫຼ້າສຸດ

ນັກກີລານັກຮຽນອາຊຽນລາວ ຍາດໄດ້ 3 ຫຼຽນທອງ

136 02 ສ.ຫ. 2018 ວົງຈອນກີລາ
ນັກກີລານັກຮຽນອາຊຽນລາວ ຍາດໄດ້ 3 ຫຼຽນທອງ

   ພິ­ທີ​ປິດ​ການ​ແຂ່ງ­ຂັນ​ງານ ມະ​ຫະ​ກຳ​ກີ­ລາ​ນັກ­ຮຽນ​ອາ​ຊຽນ ຄັ້ງ​ທີ 10 ທີ່​ປະ­ເທດ​ມາ​ເລ​ເຊຍ ເປັນ​ເຈົ້າ­ພາບ ໄດ້​ມີ​ຂຶ້ນ​ວັນ​ທີ 26 ກໍ­ລະ­ກົດ 2018 ຜ່ານ​ມາ ສະ ເພາະ ສປປ ລາວ ໄດ້​ສົ່ງ​ຄະ­ນະ ນຳ​ຄູ​ເຝິກ ແລະ ນັກ­ກີ­ລາ​ເຂົ້າ​ຮ່ວມ​ແຂ່ງ­ຂັນ​ທັງ​ໝົດ 77 ຄົນ ມີ​ຄະ ນະ​ນຳ 17 ທ່ານ ຄູ​ເຝິກ 13 ທ່ານ ແລະ ນັກ­ກີ­ລາ 47 ຄົນ ຍິງ 16 ຄົນ ໃນ 4 ປະ­ເພດ ຄື: ແລ່ນ-ລານ ຈຳ­ນວນ 17 ຄົນ ຍິງ 9 ຄົນ ລອຍ­ນ້ຳ 7 ຄົນ ຍິງ 3 ຄົນ ດອກ​ປີກ​ໄກ່ 11 ຄົນ ຍິງ 4 ຄົນ ແລະ ກະ­ຕໍ້ ຈຳ­ນວນ 12 ຄົນ (ຊາຍ).

   ຜ່ານ​ການ​ແຂ່ງ­ຂັນ​ຕົວ​ຈິງ​ຜົນ​ປາ­ກົດ​ວ່າ: ມາ​ເລ​ເຊຍ ເຈົ້າ­ພາບ ຍາດ​ມາ​ໄດ້​ທັງ​ໝົດ 30 ຫຼຽນ​ຄຳ 26 ຫຼຽນ​ເງິນ ແລະ 25 ຫຼຽນ​ທອງ ລວມ 81 ຫຼຽນ ເປັນ​ອັນ​ດັບ 1 ຂອງ​ຕາ­ຕະ­ລາງ ອັນ​ດັບ 2 ອິນ​ໂດ​ເນ​ເຊຍ ຍາດ​ໄດ້ 24 ຫຼຽນ​ຄຳ 28 ຫຼຽນ​ເງິນ ແລະ 25 ຫຼຽນ​ທອງ ລວມ 77 ຫຼຽນ ອັນ​ດັບ 3 ໄທ ຍາດ​ໄດ້ 15 ຫຼຽນ​ຄຳ 18 ຫຼຽນ​ເງິນ ແລະ 26 ຫຼຽນ​ທອງ ລວມ 59 ຫຼຽນ ອັນ​ດັບ 4 ຫວຽດ­ນາມ 13 ຫຼຽນ​ຄຳ 8 ຫຼຽນ​ເງິນ ແລະ 6 ຫຼຽນ​ທອງ ລວມ 27 ຫຼຽນ ອັນ​ດັບ 5 ສິງ­ກະ­ໂປ ຍາດ​ໄດ້ 10 ຫຼຽນ​ຄຳ 12 ຫຼຽນ​ເງິນ ແລະ 13 ຫຼຽນ​ທອງ ລວມ 35 ຫຼຽນ ອັນ​ດັບ 6 ຟີ​ລິບ​ປິນ ຍາດ​ໄດ້ 7 ຫຼຽນ​ຄຳ 6 ຫຼຽນ​ເງິນ ແລະ 14 ຫຼຽນ​ທອງ ລວມ 27 ຫຼຽນ ອັນ​ດັບ 7 ມຽນ​ມາ ຍາດ​ໄດ້ 1 ຫຼຽນ​ຄຳ 2 ຫຼຽນ​ເງິນ ແລະ 2 ຫຼຽນ​ທອງ ລວມ 5 ຫຼຽນ ອັນ​ດັບ 8 ສປປ ລາວ ຍາດ​ໄດ້ 3 ຫຼຽນ​ທອງ ອັນ​ດັບ 9 ຮ່ວມ ກຳ­ປູ­ເຈຍ ແລະ ບຣູ​ໄນ ບໍ່​ມີ​ຈັກ​ຫຼຽນ.

   ສຳ­ລັບ 3 ຫຼຽນ​ທອງ ຂອງ​ທີມ​ນັກ­ກີ­ລາ​ນັກ­ຮຽນ​ລາວ​ແມ່ນ ໄດ້​ຈາກ​ກີ­ລາ​ດອກ​ປີກ​ໄກ່​ປະ­ເພດ ທີມ​ຊາຍ ກະ­ຕໍ້​ທີມ​ຊາຍ ແລະ ແລ່ນ-ລານ ລາຍ­ການ​ແກວ່ງ​ຄ້ອນ​ຍິງ.

ຂ່າວທີ່ກ່ຽວຂ້ອງ