ຂ່າວຫຼ້າສຸດ

​ສປຊ ແຈ້ງ​ເຕືອນ​ຄວາມ​ສ່ຽງ​ໄພພິບັດ​ມະນຸດສະທຳ​ຢູ່​ໃນ​ເຂດ​ກາ​ຊາ

156 02 ສ.ຫ. 2018 ຂ່າວຕ່າງປະເທດ
​ສປຊ ແຈ້ງ​ເຕືອນ​ຄວາມ​ສ່ຽງ​ໄພພິບັດ​ມະນຸດສະທຳ​ຢູ່​ໃນ​ເຂດ​ກາ​ຊາ

     ທ່ານ​ນາງ ເອ​ຣີ ກາ​ເນ​ໂກ ໂຄສົກ​ຂອງ​ຫ້ອງການ​ປະສານ​ງານ ກ່ຽວ​ກັບ​ບັນຫາ​ມະນຸດສະທຳ ຂອງ​ສະຫະ​ປະຊາ​ຊາດ (​ສປຊ) ແຈ້ງ​ຕໍ່​ກອງ​ປະຊຸມ​ຖະແຫຼງ​ຂ່າວ ຢູ່​ທີ່​ສຳນັກງານ ​ສປຊ ເມື່ອ​ວັນ​ທີ 31 ກໍລະກົດ​ທີ່​ຜ່ານ​ມາ​ວ່າ ງົບປະມານ​ຂອງ​ອົງການ​ຮັບຜິດຊອບ​ບັນຫາ​ມະນຸດ​ສະ​ຂອງ ​ສປຊ  ເພື່ອ​ສະໜອງ​ໃຫ້​ແກ່​ໂຄງການ​ເຊື້ອ​ໄຟ​ສຸກ​ເສີນ ເພື່ອ​ຈັດ​ສັນ​ໃຫ້​ແກ່​ຊາວ​ປາ​ແລັດ​ສະ​ຕິນ 2 ລ້ານ​ຄົນ ຢູ່ ໃນ​ເຂດ​ກາ​ຊາ​ນັ້ນ ໄດ້​ບົກ​ແຫ້ງ​ແລ້ວ. ໃນ​ຈຳນວນ​ຊາວ​ປາ​ແລັດ​ສະ​ຕິນ​ດັ່ງກ່າວ ມີ​ລວມ​ເຖິງ​ຄົນ​ເຈັບ  2.000 ຄົນ ຢູ່​ໃນ​ໂຮງໝໍ​ແຫ່ງ​ຕ່າງໆ ທີ່​ພວມ​ຕ້ອງການ​ໄຟຟ້າ ເພື່ອ​ເດີນ​ເຄື່ອງ​ອຸປະກອນ​ການ​ແພດ.

    ທ່ານ​ນາງ ເອ​ຣີ ກາ​ເນ​ໂກ ເວົ້າ​ວ່າ ໂຄງການ​ເຊື້ອ​ໄຟ​ສຸກ​ເສີນ​ດັ່ງກ່າວ​ຢູ່​ໃນ​ເຂດ​ກາ​ຊາ ພວມ​ຕ້ອງການ​ງົບປະມານ​ສຸກ​ເສີນ​ເປັນ​ການ​ດ່ວນ ປະມານ 4,5 ລ້ານ​ໂດ​ລາ​ສະຫະລັດ ເພື່ອ​ຮັກສາ​ການເຄື່ອນໄຫວ​ເອົາ​ໄວ້.

   ງົບປະມານ​ຂອງ ​ສປຊ ທີ່​ຈັດ​ສັນ​ໃຫ້​ແກ່​ໂຄງການ​ດັ່ງກ່າວ​ໄດ້​ແຫ້ງ​ຂອດ ນຳໄປ​ສູ່​ການ​ທີ່​ວ່າ ຈະ​ສາມາດ​ສະໜອງ​ເຊື້ອ​ໄຟ​ໄດ້​ພຽງ 2/3 ຈາກ​ຈຳນວນ​ເຊື້ອ​ໄຟ​ທັງ​ໝົດ 950.000 ລິດ ເພື່ອ​ຮັກສາ​ໄວ້ ຊຶ່ງ​ການເຄື່ອນໄຫວ​ໃຫ້​ແກ່​ພື້ນຖານ​ການ​ແພດ ສຸ​ຂະ​ອະນາໄມ ແລະ​ສະໜອງ​ນ້ຳ 231 ແຫ່ງ ຢູ່​ໃນ​ເຂດ​ດັ່ງກ່າວ ພາຍ​ໃນ​ເດືອນ​ສິງຫາ​ນີ້.

 

ຂ່າວທີ່ກ່ຽວຂ້ອງ