ຂ່າວຫຼ້າສຸດ

ເຮືອບິນ Embraer 190 ເກີດ​ອຸບັດເຫດ​ຕົກ

123 02 ສ.ຫ. 2018 ຂ່າວຕ່າງປະເທດ
ເຮືອບິນ Embraer 190 ເກີດ​ອຸບັດເຫດ​ຕົກ

    ເຈົ້າ​ໜ້າທີ່​ຂອງ​ເມັກ​ຊິກ ແລະ​ບໍລິສັດ​ການບິນ Aeromexico ແຈ້ງ​ໃຫ້​ຮູ້ເມື່ອ​ວັນ​ທີ 31 ກໍລະກົດ​ທີ່​ຜ່ານ​ມາ​ວ່າ ເຮືອບິນ​ໂດຍສານ Embraer 190 ໄດ້​ປະສົບ​ເຫດ​ຫຼັງ​ຈາກ​ບິນ​ຂຶ້ນ​ຈາກ ສະໜາມ​ບິນ​ສາກົນ Aeropuerto Guadalupe Victoria ໄດ້​ບໍ່​ດົນ ເປັນ​ເຫດ​ໃຫ້​ມີ​ຜູ້​ໄດ້​ຮັບ​ບາດເຈັບ ຫຼາຍ​ສິບ​ຄົນ.

    ແຈ້ງ​ການ​ຂອງ​ອົງການ​ປ້ອງ​ກັນ​ພົນ​ລະ​ເຮືອນ ໃນ​ລັດ ດູ​ຣັນ​ໂກ (ພາກ​ເໜືອ​ເມັກ​ຊິກ) ໃຫ້​ຮູ້​ວ່າ ໃນ​ເວລາ​ອອກ​ແຈ້ງ​ການ​ນີ້ ແມ່ນ​ຍັງ​ບໍ່​ທັນ​ມີ​ຂໍ້​ມູນ​ຈະແຈ້ງ​ກ່ຽວ​ກັບ​ຜູ້​ບາດເຈັບ ຫຼື​ເສຍ​ຊີວິດ ກ່ຽວ​ກັບ​ເຫດການ​ດັ່ງກ່າວ ແລະ​ວ່າ​ກອງ​ກຳລັງ​ກູ້​ໄພ ໄດ້​ໄປ​ຮອດ​ສະຖານທີ່​ເກີດ​ເຫດ​ແລ້ວ.

    ຜູ້​ເຫັນ​ເຫດການ​ເລົ່າ​ວ່າ ມີ​ຜູ້ໂດຍສານ​ປະມານ 80 ຄົນ ໄດ້​ຮັບ​ບາດເຈັບ​ເລັກ​ນ້ອຍ ໃນ​ເວລາ​ອອກ​ຈາກ​ຕົວ​ເຮືອບິນ ໃນ​ຂະນະ​ທີ່​ໄຟ ແລະ ​ຄວັນ​ສີດຳ​ກໍ​ໄດ້​ລຸກ​ໄໝ້​ຈາກ​ຕົວ​ເຮືອບິນ.

    ຂໍ້​ມູນ​ເບື້ອງ​ຕົ້ນ​ໃຫ້​ຮູ້​ວ່າ ເຮືອບິນ​ດັ່ງກ່າວ ບັນທຸກ​ຜູ້ໂດຍສານ 97 ຄົນ ແລະ​ຈຸ​ບິນ​ອີກ 4 ຄົນ ບິນ​ຂຶ້ນ​ໃນ​ເວລາ 15 ໂມງ 20 ນາ (ເວລາ​ໃນ້​​ທ້ອງ​ຖິ່ນ) ໂດຍ​ມີ​ປາຍທາງ​ທີ່​ນະຄອນຫຼວງ ເມັກ​ຊິ​ໂກ ຊີ​ຕີ. ເຖິງ​ຢ່າງໃດ​ກໍ​ຕາມ ເຮືອບິນ​ລຳ​ນັ້ນ​ໄດ້​ປະສົບ​ເຫດ ໃນ​ຂະນະ​ບິນ​ໄປ​ໄດ້​ປະມານ  10 ​ກມ ແລະ ​ຕົກລົງ​ໃນ​ເຂດ​ທີ່​ບໍ່​ມີ​ຊຸມ​ຊົນ​ອາ​ໃສ​ຢູ່.

 

ຂ່າວທີ່ກ່ຽວຂ້ອງ