ຈີນ​ສຸມ​ໃສ່​ການ​ເຮັດ​ໃຫ້​ເສດຖະກິດ​ມີ​ຄວາມ​ໝັ້ນຄົງ

218 02 ສ.ຫ. 2018 ຂ່າວຕ່າງປະເທດ
ຈີນ​ສຸມ​ໃສ່​ການ​ເຮັດ​ໃຫ້​ເສດຖະກິດ​ມີ​ຄວາມ​ໝັ້ນຄົງ

    ການ​ປະຊຸມ​ລາຍການ​ໜຶ່ງ ຂອງ​ກົມ​ການເມືອງ ຄະນະ​ບໍລິຫານ​ງານ​ສູນ​ກາງ​ພັກ ກອມ​ມູ​ນິດ​ຈີນ (CPC) ເມື່ອ​ວັນ​ທີ 31 ກໍລະກົດ​ທີ່​ຜ່ານ​ມາ ພາຍ​ໃຕ້​ການ​ເປັນ​ປະທານ​ຂອງ​ທ່ານ ສີ​ຈິ້ນ​ຜິງ ປະທານ  CPC ໃຫ້​ຮູ້​ວ່າ ຈີນ​ຈະ​ຮັກສາ​ເສດຖະກິດ ຕາມ​ຂະ​ບວນ​ການ​ພັດທະນາ​ຢ່າງ​ໝັ້ນຄົງ ແລະ​ດີງາມ ດ້ວຍ​ນະໂຍບາຍ​ການ​ເງິນ​ທີ່​ເປັນ​ເຈົ້າ​ການ ແລະ​ນະໂຍບາຍ​ເງິນຕາ​ທີ່​ມີ​ຄວາມ​ລະມັດລະວັງ ພາຍ​ໃນ ເຄິ່ງ​ທ້າຍ​ປີ 2018.

    ເມື່ອ​ອາທິດ​ກ່ອນ ຈີນ​ໄດ້​ມີ​ສິ່ງ​ບົ່ງ​ບອກ​ໃຫ້​ເຫັນ​ວ່າ ຈະ​ຫັນ​ສູ່​ນະໂຍບາຍ​ການ​ເງິນ ທີ່​ມີ​ຄວາມ ໂຍະຍານ​ກວ່າ​ເກົ່າ ເພື່ອ​ປ້ອງ​ກັນ​ພື້ນຖານ​ເສດຖະກິດ​ຈີນ ຊຶ່ງ​ມີ​ຂະໜາດ​ໃຫຍ່​ເປັນ​ອັນ​ສອງ​ຂອງ​ໂລກ ທ່າມກາງ​ຜົນ​ກະທົບ​ຈາກ​ການ​ພິພາດ​ດ້ານ​ການ​ຄ້າ​ກັບ ສ ອາ​ເມ​ຣິ​ກາ ທີ່​ຍັງ​ບໍ່​ມີ​ສິ່ງ​ບົ່ງ​ບອກ​ວ່າ​ຈະ​ຜ່ອນ ຄາຍ​ລົງ​ນັ້ນ.

    ທາງ​ການ​ຈີນ ຈະ​ປະຕິບັດ​ຫຼາຍ​ມາດ​ຕະການ ໃນ​ການ​ຊ່ວຍເຫຼືອ​ດ້ານ​ການ​ເງິນ ຊຶ່ງ​ປະກອບ ດ້ວຍ​ແຜນການ​ຫຼຸດ​ພາສີ ເປັນ​ມູນ​ຄ່າ​ກວ່າ 1.100 ຕື້​ຢວນ (ເທົ່າ​ກັບ 160 ຕື້​ໂດ​ລາ​ສະຫະລັດ) ແລະ​ຈຳໜ່າຍ​ພັນທະບັດ​ພິເສດ​ຂອງ​ລັດຖະບານ ເປັນ​ມູນ​ຄ່າ 1.350 ຕື້​ຢວນ ເພື່ອ​ຈັດ​ສັນ ໃຫ້​ແກ່​ການ​ພັດ​​ທະ​ນາ​ພື້ນຖານ​ໂຄງ​ລ່າງ.

 

ຂ່າວທີ່ກ່ຽວຂ້ອງ