ຂ່າວຫຼ້າສຸດ

ນ້ຳເຊບັ້ງໄຟສືບຕໍ່ເພີ່ມຂຶ້ນ ເຕືອນປະຊາຊົນກຽມຄວາມພ້ອມຮັບມື

170 01 ສ.ຫ. 2018 ຂ່າວໜ້າ​ໜຶ່ງ

    ລາຍ​ງານ​ຈາກ​ຂະ­ແໜງ​ຊັບ­ພະ­ຍາ­ກອນ​ນ້ຳ ແລະ ອຸ­ຕຸ­ນິ­ຍົມ ພະ​ແນກ​ຊັບ­ພະ­ຍາ­ກອນ​ທຳ​ມະ​ຊາດ ແລະ ສິ່ງ​ແວດ ລ້ອມ ແຂວງ​ຄຳ​ມ່ວນ ຫຼ້າ​ສຸດ​ໃນ​ວັນ​ທີ 31 ກໍ­ລະ­ກົດ 2018 ລະ­ດັບ​ນ້ຳ​ໃນ​ແມ່­ນ້ຳ​ເຊ​ບັ້ງ­ໄຟ ຍັງ​ສືບ­ຕໍ່​ເພີ່ມ​ສູງ​ຂຶ້ນ​ກາຍ​ເຂດ​ອັນ­ຕະ­ລາຍ ແລະ ລົ້ນ​ຝັ່ງ​ໄຫຼ​ເຂົ້າ​ຖ້ວມ​ເນື້ອ­ທີ່​ນາ ແລະ ເຮືອນ​ຊານ​ຂອງ​ປະ­ຊາ­ຊົນ​ໃນ​ຫຼາຍ​ເມືອງ​ໄດ້​ຮັບ​ຜົນ​ກະ­ທົບ ເສັ້ນ ທາງ​ຖືກ​ຕັດ­ຂາດ​ຫຼາຍ​ສາຍ ລວມ​ເຖິງ​ລະ­ບົບ​ໄຟ­ຟ້າ​ໃນ​ບາງ​ຈຸດ​ໃຊ້​ການ​ບໍ່​ໄດ້.

    ສຳ­ລັບ​ລະ­ດັບ​ນ້ຳ​ເຊ​ບັ້ງ­ໄຟ ຢູ່​ເມືອງ​ເຊ​ບັ້ງ­ໄຟ ໃນ​ວັນ​ທີ 31 ກໍ­ລະ­ກົດ 2018 ວັດ­ແທກ​ໄດ້ 21,82 ແມັດ ເພີ່ມ​ຂຶ້ນ​ຈາກ​ວັນ​ທີ 30 ກໍ­ລະ­ກົດ 2018 ແມ່ນ 22 ຊັງ​ຕີ​ແມັດ ໃນ​ນັ້ນ​ເຂດ​ອັນ­ຕະ­ລາຍ​ແມ່ນ​ຢູ່​ທີ່ 18,50 ແມັດ ລະ­ດັບ​ນ້ຳ​ເຊ​ບັ້ງ ໄຟ​ຢູ່​ບ້ານ​ໂພ​ວາ ເມືອງ​ມະ­ຫາ​ໄຊ ວັດ­ແທກ​ໄດ້ 17,22 ແມັດ ເພີ່ມ​ຂຶ້ນ​ຈາກ​ວັນ​ທີ 30 ຜ່ານ​ມາ 44 ຊັງ​ຕີ​ແມັດ ໃນ​ນັ້ນ​ເຂດ​ອັນ­ຕະ­ລາຍ​ແມ່ນ 15 ແມັດ ລະ­ດັບ​ນ້ຳ​ເຊ​ບັ້ງ­ໄຟ​ຢູ່​ບ້ານ​ໄຮ່ ເມືອງ​ຍົມ​ມະ​ລາດ ວັດ­ແທກ​ໄດ້ 14,68 ແມັດ ເພີ່ມ​ຂຶ້ນ 16 ຊັງ​ຕີ​ແມັດ ໃນ​ນັ້ນ ເຂດ​ອັນ­ຕະ­ລາຍ​ແມ່ນ 13 ແມັດ ລະ­ດັບ​ນ້ຳ​ຫີນ​ບູນ​ຢູ່​ບ້ານ​ທ່າ​ແຄນ ເມືອງ​ຫີນ​ບູນ ວັດ­ແທກ​ໄດ້ 11,42 ແມັດ ເພີ່ມ​ຂຶ້ນ 15 ຊັງ​ຕີ​ແມັດ ແລະ ນ້ຳ​ໄດ້​ລົ້ນ​ຝັ່ງ​ໄຫຼ​ເຂົ້າ​ຖ້ວມ​ເນື້ອ­ທີ່​ນາ​ຂອງ​ປະ­ຊາ­ຊົນ​ແລ້ວ ສຳ­ລັບ​ລະ­ດັບ​ນ້ຳ­ຂອງ​ຢູ່​ເມືອງ​ທ່າ​ແຂກ ວັດ­ແທກ​ໄດ້ 12,84 ແມັດ ເພີ່ມ​ຂຶ້ນ​ຈາກ​ມື້​ທີ່​ຜ່ານ​ມາ 24 ຊັງ​ຕີ​ແມັດ ໃນ​ນັ້ນ ເຂດ​ເຕືອນ​ໄພ​ແມ່ນ 13 ແມັດ ແລະ ເຂດ​ອັນ­ຕະ­ລາຍ 14 ແມັດ.

ຂ່າວທີ່ກ່ຽວຂ້ອງ