ຂ່າວຫຼ້າສຸດ

ຈີນ​ສົ່ງ​ດາວ​ທຽມ​ນຳ​ທາງ​ເປີຍ​ໂຕ ຂຶ້ນ​ສູ່​ອະວະກາດ​ຢ່າງ​ສຳເລັດ​ຜົນ

132 01 ສ.ຫ. 2018 ຂ່າວຕ່າງປະເທດ
ຈີນ​ສົ່ງ​ດາວ​ທຽມ​ນຳ​ທາງ​ເປີຍ​ໂຕ ຂຶ້ນ​ສູ່​ອະວະກາດ​ຢ່າງ​ສຳເລັດ​ຜົນ

     ວັນ​ທີ 29 ກໍລະກົດ​ທີ່​ຜ່ານ​ມາ ຢູ່​ຖານ​ສົ່ງ​ດາວ​ທຽມ​ຊີ​ຊາງ ໃນ​ແຂວງ​ຈຽງ​ຊີ ຈີນ​ໄດ້​ສົ່ງ​ດາວ​ທຽມ​ນຳ​ທາງ​ເປີຍ​ໂຕ​ດວງ​ທີ 33 ແລະ 34 ດ້ວຍ​ການ​ໃຊ້​ຈະ​ຫຼວດ​ສົ່ງ​ຍານ CZ-3B ດຽວ​ກັນ. ດາວ​ທຽມ 2 ດວງ​ດັ່ງກ່າວ ແມ່ນ​ດາວ​ທຽມ​ດວງ​ທີ 9 ແລະ 10 ໃນ​ລະບົບ​ເປີຍ​ໂຕ 3 ຂອງ​ຈີນ.

    ໃຊ້​ເວລາ 3 ຊົ່ວໂມງ​ປາຍ ດາວ​ທຽມ​ກໍ​ໄດ້​ເຂົ້າ​ສູ່​ວົງ​ໂຄຈອນ​ປົກກະຕິ. ຫຼັງ​ຈາກ​ນັ້ນ ດາວ​ທຽມ​ຈະ​ວັດແທກ ທົດ​ລອງ ແລະ​ປະ​ເມີນ​ຜົນ ເພື່ອ​ເຂົ້າ​ສູ່​ຕາ​ນ່າງ​ດາວ​ທຽມ​ນຳ​ທາງ​ເປີຍ​ໂຕ 8 ດວງ ທີ່​ໄດ້​ສົ່ງ​ໄປ​ກ່ອນ​ໜ້າ​ນັ້ນແລ້ວ.

    ຕາມ​ແຜນການ​ແລ້ວ ຈີນ​ຈະ​ສ້າງ​ລະບົບ​ດາວ​ທຽມ​ເປີຍ​ໂຕ 3 ທີ່​ປະກອບ​ດ້ວຍ​ດາວ​ທຽມ 18 ດວງ​ນັ້ນ​ໃຫ້​ສຳເລັດ​ໂດຍ​ພື້ນຖານ​ກ່ອນ​ທ້າຍ​ປີ​ນີ້ ເພື່ອ​ໃຫ້​ບໍລິການ​ແກ່​ປະເທດ​ລຽບ​ຕາມ “ໜຶ່ງ​ແລວ​ໜຶ່ງ​ເສັ້ນທາງ”.

 

ຂ່າວທີ່ກ່ຽວຂ້ອງ