ຂ່າວຫຼ້າສຸດ

ການພົວພັນລະຫວ່າງ ສ ອາເມຣິກາ ກັບອີຣານ

93 01 ສ.ຫ. 2018 ຂ່າວຕ່າງປະເທດ
ການພົວພັນລະຫວ່າງ ສ ອາເມຣິກາ ກັບອີຣານ

      ປະທານາທິບໍດີ ສ ອາເມຣິກາ ໂດນາລ ທຣຳ ຖະແຫຼງຢູ່ໃນກອງປະຊຸມຖະແຫຼງຂ່າວ ຫຼັງການພົບປະກັບນາຍົກລັດຖະມົນຕີອີຕາລີ ຈູເຊບ ກົງ ຢູ່ທີ່ທໍານຽບຂາວ ເມື່ອວັນທີ 30 ກໍລະກົດທີ່ຜ່ານມາ ວ່່ານພ້ອມທີ່ຈະພົບປະກັບການນຳຂອງອີຣານ ໃນ “ເວລາໃດກໍໄດ້” ແລະ ບໍ່ມີເງື່ອນ ໄຂລ່ວງໜ້າໃດໆ ແຕ່ທ່ານທຣຳ ກໍເວົ້າວ່າ ທ່ານບໍ່ຮູ້ວ່າຝ່າຍອີຣານ ມີຄວາມພ້ອມແລ້ວຫຼືບໍ່. ໃນຂະນະດຽວກັນ ປະທານາທິບໍດີ ທຣຳ ແລະນາຍົກລັດຖະມົນຕີ ກົງ ກໍເຫັນ ດີເປັນເອກະສັນນໍາ ກັນວ່າ ຈະບໍ່ມີຈັກເທື່ອ ທີ່ຈະໃຫ້ອີຣານມີໂອກາດເຂົ້າຫາອາວຸດນີວເຄລຍ.

    ທາງດ້ານທ່ານ ບາຣາມ ກາເຊມີ ໂຄສົກກະຊວງການຕ່າງປະເທດອີຣານ ໄດ້ກ່າວປະຕິເສດ ອອກມາໃນວັນດຽວກັນ ກ່ຽວກັບຄວາມເປັນໄປໄດ້ທີ່ຈະເຈລະຈາກັບກັບລັດຖະບານ ສ ອາເມຣິກາ ກ່ຽວກັບບັນດາບັນຫາລະຫວ່າງສອງຝ່າຍ ໂດຍທ່ານໄດ້ກ່າວເນັ້ນວ່າ “ບໍ່ສາມາດທີ່ຈະເຈລະຈາ ຫຼືພົບປະກັບລັດຖະບານ ສ ອາເມຣິກາ ໃນປັດຈຸບັນ ເນື່ອງຈາກວ່າທາງການ ສ ອາເມຣິກາ ສະແດງອອກວ່າເຂົາເຈົ້າບໍ່ມີຄວາມໜ້າເຊື່ອຖື”.

    ທ່ານ ບາຣາມ ກາເຊມີ ກໍເວົ້າວ່າ ບັນດານະໂຍບາຍເປັນປໍລະປັກຂອງ ສ ອາເມຣິກາ ໃນນັ້ນມີການທີ່ ສ ອາເມຣິກາ ຖອນອອກຈາກຂໍ້ຕົກລົງນີວເຄລຍຄັ້ງປະຫວັດສາດ ຊຶ່ງອີຣານ ລົງນາມຮ່ວມກັບກຸ່ມ P5+1 (ປະກອບມີ ອັງກິດ ສ ອາເມຣິກາ ຣັດເຊຍ ຝຣັ່ງ ຈີນ ແລະ ເຢຍລະມັນ) ເມື່ອປີ 2015 ກໍຄືການທີ່ ສ ອາເມຣິກາ ມີກຳນົດທີ່ຈະປະຕິບັມາດຕະການປິດລ້ອມ ແລະ ສ້າງຄວາມ ກົດດັນຕໍ່ທາງການອີຣານ ນັ້ນຕ່າງກໍໄດ້ເປັນການກີດຂວາງຕໍ່ການເຈລະຈາ.

ຂ່າວທີ່ກ່ຽວຂ້ອງ