ຂ່າວຫຼ້າສຸດ

ປະທານາທິບໍດີ​ມຽນ​ມາ​ຊຸກຍູ້​ການ​ປະຕິ​ຮູບ​ຢູ່​ພາຍ​ໃນ​ປະເທດ

163 01 ສ.ຫ. 2018 ຂ່າວຕ່າງປະເທດ
ປະທານາທິບໍດີ​ມຽນ​ມາ​ຊຸກຍູ້​ການ​ປະຕິ​ຮູບ​ຢູ່​ພາຍ​ໃນ​ປະເທດ

     ສຳນັກ​ຂ່າວສານ​ຂອງ​ມຽນ​ມາ ລາຍ​ງານ​ວ່າ ປະ​ທາ​ນາ​ບໍດີ​ມຽນ​ມາ ອູ ວິນ ມິນ ກ່າວ​ຕໍ່​ບັນດາ​ເຈົ້າ​ໜ້າທີ່ ຢູ່​ໃນ​ເຂດ​ຢາງ​ກຸງ ເມື່ອ​ວັນ​ທີ 29 ກໍລະກົດ​ທີ່​ຜ່ານ​ມາ ໂດຍ​ໄດ້​ຮຽກ ຮ້ອງ​ອອກ​ມາ​ວ່າ​ໃຫ້​ຊຸກ​ຍູ​ທ່ວງ​ທ່າ​ການ​ປະຕິ​ຮູບ ເພື່ອ​ໃຫ້​ແທດເໝາະ​ກັບ​ທ່າ​ອ່ຽງ​ຂອງ​ທົ່ວ​ໂລກ ໂດຍ​ທ່ານ​ໄດ້​ເນັ້ນ​ໜັກ​ວ່າ ການ​ປະຕິ​ຮູບ​ຕ້ອງ​ໄດ້​ປະຕິບັດ​ໃຫ້​ທັນ​ເວລາ ໃນ​ການ​ມຸ່ງ​ໄປ​ສູ່​ການ​ສ້າງ ສະຫະພາບ​ປະຊາທິປະໄຕ.

    ປະທານາທິບໍດີ ອູ ວິນ ມິນ ຢືນຢັນ​ວ່າ "ມີ​ພຽງ​ແຕ່​ຜ່ານ​ການ​ສ້າງຕັ້ງ​ສະຫະພາບ ປະຊາທິປະໄຕ​ເທົ່າ​ນັ້ນ ຈຶ່ງ​ສາມາດ​ມີ​ສັນຕິພາບ​ຢູ່​ໃນ​ມຽນ​ມາ ບັນດາ​ລັດ ແລະ ​ເຂດ ຈຶ່ງ​ສາມາດ ພັດທະນາ​ໄດ້​ເທົ່າ​ທຽມ​ກັນ ພ້ອມ​ກັນ​ນັ້ນ ສະຫະພາບ​ກໍ​ສາມາດ​ພັດທະນາ ແລະ​ຄົງ​ຢູ່​ຕະຫຼອດ​ການ.”

    ປະທານາທິບໍດີ ອູ  ວິນ ມິນ ໄດ້​ຮຽກຮ້ອງ​ໄປ​ຍັງ​ຂົງເຂດ​ບໍລິຫານ ຍຸຕິ​ທຳ ແລະ ​ປະຕິບັດ ກົດໝາຍ ຮັບປະກັນ​ຄວາມ​ສະຫງົບ​ໃຫ້​ແກ່​ປະຊາຊົນ ກໍ​ຄື​ການ​​ພັ​ດທະ​ນາ ຄວາມ​ໝັ້ນຄົງ ແລະ​ສັນຕິພາບ ຂອງ​ປະເທດ​ຊາດ ໄປ​ຄຽງ​ຄູ່​ກັບ​ການ​ຮັບປະກັນ​ເສລີພາບ ຍຸຕິ​ທຳ ແລະ ​ຄວາມ​ສະເໝີພາບ ໃຫ້​ແກ່​ລະບົບ​ປະຊາທິປະໄຕ.

ຂ່າວທີ່ກ່ຽວຂ້ອງ