ຂ່າວຫຼ້າສຸດ

ນັກ​ທ່ອງ​ທ່ຽວ​ຈາກ​ຝ່າຍ​ຕາເວັນຕົກ ຖືກ​ທຳຮ້າຍ​ຢູ່​ໃນ​ຕາ​ຈີ​ກິດ​ສະຖານ

104 01 ສ.ຫ. 2018 ຂ່າວຕ່າງປະເທດ
ນັກ​ທ່ອງ​ທ່ຽວ​ຈາກ​ຝ່າຍ​ຕາເວັນຕົກ ຖືກ​ທຳຮ້າຍ​ຢູ່​ໃນ​ຕາ​ຈີ​ກິດ​ສະຖານ

   ທ່ານ ຣາ​ມາ​ຊອນ ຮາມ​ໂຣ ຣາ​ຮິມ​ໂຊດາ ລັດຖະມົນຕີ​ກະຊວງ​ພາຍ​ໃນ​ຂອງ ຕາ​ຈີ​ກິດ​ສະຖານ ແຈ້ງ​ໃຫ້​ຮູ້ເມື່ອ​ວັນ​ທີ 30 ກໍ​ລະ​ກົດ​​ທີ່ຜ່ານ​ມາ​ວ່າ ກຸ່ມ​ຄົນ​ຮ້າຍ​ທີ່​ປະກອບ​ອາວຸດ ໄດ້​ເຂັ່ນຂ້າ​ນັກ​ທ່ອງ​ທ່ຽວ ຕ່າງປະເທດ 4 ຄົນ  ຢູ່​ໃນ​ເຫດການ​ໂຈມ​ຕີ​ລາຍ​ໜຶ່ງ ຊຶ່ງ​ກ່ອນ​ໜ້າ​ນັ້ນ​ໄດ້​ຮັບ​ແຈ້ງວ່າ​ເປັນ​ອຸບັດເຫດ ການ​ຄົມມະນາຄົມ​ທາງບົກ.

    ທ່ານ ຣາ​ຮິມ​ໂຊດາ ເວົ້າ​ວ່າ​ບັນດາ​ຜູ້​ຖືກ​ສົງ​ໃສ​ກໍ່​ເຫດ​ນັ້ນ ໄດ້​ໃຊ້ “ມີດ ແລະ​ ອາວຸດ​ຮ້ອນ” ໃນ​ການ​ໂຈມ​ຕີ. ຜູ້​ທີ່​ໄດ້​ຮັບ​ເຄາະ​ຮ້າຍ​ເສຍ​ຊີວິດ ເປັນ​ຊາວ​ອາ​ເມ​ຣິ​ກັນ ສະ​ວິດ ແລະ ໂຮນ​ລັງ. ນອກຈາກ​ຜູ້​ເສຍ​ຊີວິດ​ແລ້ວ ກໍ​ຍັງ​ມີ​ຜູ້​ໄດ້​ຮັບ​ບາດເຈັບ​ອີກ 2 ຄົນ.

    ໃນ​ເວລາ​ທີ່​ຖືກ​ໂຈມ​ຕີ​ນັ້ນ ກຸ່ມ​ນັກ​ທ່ອງ​ທ່ຽວ​ດັ່ງກ່າວ ປະກອບ​ມີ 7 ຄົນ ພວມ​ຢູ່​ລະຫວ່າງ ການ​ເລາະ​ຫຼິ້ນ​ດ້ວຍ​ການ​ຂີ່​ລົດຖີບ ຢູ່​ໃນ​ເຂດ​ພາກ​ໃຕ້​ຕາ​ຈີ​ກິດ​ສະຖານ ໃນ​ເຂດ​ທີ່​ຫ່າງ​ຈາກ​ນະຄອນຫຼວງ ດູ​ຊັນ​ແບ ປະມານ 150​ ກມ ໄປ​ທາງ​ທິດໃຕ້.

 

ຂ່າວທີ່ກ່ຽວຂ້ອງ