ຈີນ ປະຕິບັດ​ວິໄນ​ຕໍ່​ເຈົ້າ​ໜ້າທີ່ 36.000 ກວ່າ​ຄົນ

128 01 ສ.ຫ. 2018 ຂ່າວຕ່າງປະເທດ
ຈີນ ປະຕິບັດ​ວິໄນ​ຕໍ່​ເຈົ້າ​ໜ້າທີ່ 36.000 ກວ່າ​ຄົນ

    ຄະນະ​ກຳມະການ​ກວດກາ​ວິໄນ ຂອງ​ສູນ​ກາງ​ພັກ​ກອມ​ມູ​ນິດ​ຈີນ (CCDI) ແຈ້ງ​ໃຫ້​ຮູ້ ຢູ່​ໃນ​ແຈ້ງ​ການ​ສະບັບ​ໜຶ່ງ ຊຶ່ງ​ນຳ​ອອກ​ມາ​ເປີດເຜີຍ​ເມື່ອ​ວັນ​ທີ 30 ກໍລະກົດ​ທີ່​ຜ່ານ​ມາ ໃຫ້​ຮູ້​ວ່າ ໃນ​ເຄິ່ງ​ຕົ້ນ​ປີ 2018 ມີ​ເຈົ້າ​ໜ້າ​ຖືກ​ປະຕິບັດ​ວິໄນ 36.618 ຄົນ ໃນ​ນັ້ນ​ມີ​ເຈົ້າ​ໜ້າທີ່ ລະດັບ​ກະຊວງ​ໜຶ່ງ​ຄົນ ຍ້ອນ​ລະເມີດ​ຂໍ້​ກຳນົດ ແລະ​ກົດ​ລະບຽບ​ຂອງ​ພັກ.

    ແຈ້ງ​ການ​ຂອງ CCDI ຊີ້​ແຈງ​ວ່າ ເຈົ້າ​ໜ້າ​ເຫຼົ່ານັ້ນ ໄດ້​ຕິດ​ພັນ​ກັບ 25.677 ກໍລະນີ ໃນ​ນັ້ນ​ທີ່​ມີ​ແພ່​ຫຼາຍ ກໍ​ແມ່ນ​ການ​ໃຫ້​ເງິນ​ລາງວັນ ແລະ ອູດ​ໜູນ​ຢ່າງ​ບໍ່​ຖືກຕ້ອງ ຖັດ​ມາ​ກໍ​ແມ່ນ​ການ​ໃຫ້ ຫຼື​ຮັບ​ຂອງຂວັນ ແລະ​ການ​ນຳ​ໃຊ້​ພາຫະນະ​ຂອງ​ລັດ​ຢ່າງ​ຜິດ​ເປົ້າ​ໝາຍ.

    CCDI ໃຫ້​ຮູ້​ວ່າ ໃນ​ເດືອນ​ມິຖຸນາ 2018 ມີ​ພະ​ນັກ​​ງານ 9.519 ຄົນ ຕິດ​ພັນ​ກັບ 6.692 ກໍລະນີ​ທີ່​ເກີດ​ຂຶ້ນ ແມ່ນ​ໄດ້​ຖືກ​ປະຕິບັດ​ວິໄນ.

 

ຂ່າວທີ່ກ່ຽວຂ້ອງ