ມີ​ຜູ້​ເສຍ​ຊີວິດ 3 ຄົນ ຈາກ​ເຫດການ​ຍິງ​ປືນ​ຢູ່​ໃນ ສ ອາ​ເມ​ຣິ​ກາ

221 31 ກ.ກ. 2018 ຂ່າວຕ່າງປະເທດ
ມີ​ຜູ້​ເສຍ​ຊີວິດ 3 ຄົນ ຈາກ​ເຫດການ​ຍິງ​ປືນ​ຢູ່​ໃນ ສ ອາ​ເມ​ຣິ​ກາ

    ຕອນ​ຄ່ຳ​ວັນ​ທີ 28 ກໍລະກົດ​ນີ້ ໄດ້​ເກີດ​ເຫດການ​ຍິງ​ປືນ​ຢູ່​ໃນ​ນະຄອນ ນີວ ອໍ​ລິນ ທີ່​ຂຶ້ນ​ກັບ​ລັດ​ລຸຍ​ເຊຍ​ນາ ຂອງ ສ ອາ​ເມ​ຣິ​ກາ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 3 ຄົນ ແລະ​ບາດເຈັບ​ອີກ 7 ຄົນ. ປັດຈຸບັນ ມື​ປືນ​ໄດ້​ໂຕນ​ໜີ ແລະ ຕຳຫຼວດ​ພວມ​ຄົ້ນ​ຫາ​ໂດຍ​ຂໍ​ຄວາມ​ຮ່ວມ​ມື​ນຳ​ປະຊາຊົນ.
    ທ່ານ ໄມ​ເຄີນ ຮາ​ຣີ​ສັນ ຫົວໜ້າ​ຫ້ອງການ​ຕຳຫຼວດ​ນະຄອນ ນິວ ອໍ​ລິນ ໃນ​ພິທີ​ຖະແຫຼງ​ຂ່າວ​ທີ່​ຈັດ​ຂຶ້ນ​ໃນ​ວັນ​ທີ 29 ກໍລະກົດ ໃນ​ເຫດການ​ດັ່ງກ່າວ ມື​ປືນ 2 ຄົນ ໄດ້​ຖື​ປືນ​ບຸກ​ເຂົ້າ​ໃສ່​ຝູງ​ຄົນ ແລະ​ກວາດ​ຍິງ​ປືນ​ໃສ່ ເຮັດ​ໃຫ້​ມີ​ຜູ້​ເສຍ​ຊີວິດ​ກັບ​ທີ່ 3 ຄົນ ແລະ ອີກ 7 ຄົນ​ໄດ້​ຮັບ​ບາດເຈັບ.

    ສະຖິຕິ​ໃຫ້​ຮູ້​ວ່າ ນັບ​ແຕ່​ເດືອນ​ມັງກອນ ປີ 2013 ເປັນຕົ້ນ​ມາ ໄດ້​ເກີດ​ເຫດການ​ຍິງ​ປືນ ໃສ່​ຜູ້​ຄົນ​ລວມ​ແລ້ວ 280 ກວ່າ​ລາຍ ໃນ​ທົ່ວ ສ ອາ​ເມ​ຣິ​ກາ ຊຶ່ງ​ໄລ່​ສະເລ່ຍ​ແລ້ວ​ແມ່ນ​ເກີດ​ຂຶ້ນ ໜຶ່ງ​ລາຍ​ໃນ​ແຕ່​ລະ​ອາທິດ.

ຂ່າວທີ່ກ່ຽວຂ້ອງ