ຂ່າວຫຼ້າສຸດ

ມີ​ຜູ້​ເສຍ​ຊີວິດ 13 ຄົນ ຈາກ​ອຸບັດເຫດ​ຢູ່​ໃນ​ແຂວງ​ພາກ​ກາງ​ຫວຽດນາມ

177 31 ກ.ກ. 2018 ຂ່າວຕ່າງປະເທດ
ມີ​ຜູ້​ເສຍ​ຊີວິດ 13 ຄົນ ຈາກ​ອຸບັດເຫດ​ຢູ່​ໃນ​ແຂວງ​ພາກ​ກາງ​ຫວຽດນາມ

     ໃນ​ເວລາ​ປະມານ 2 ໂມງ 30 ນາທີ ຂອງ​ວັນ​ທີ 30 ກໍລະກົດ​ນີ້ ຢູ່​ໃນ​ພື້ນ​ທີ່​ແຂວງ​ກວາງ​ນາມ (ພາກ​ກາງ​ຫວຽດນາມ) ໄດ້​ເກີດ​ອຸບັດເຫດ​ການ​ຄົມມະນາຄົມ​ຮ້າຍ​ແຮງ​ເປັນ​ພິເສດ ເມື່ອ​ເກີດ​ເຫດ ການ​ຕຳ​ກັນ​ລະຫວ່າງ​ລົດ​ໂດຍສານ​ຄັນ​ໜຶ່ງ ກັບ​ລົດ​ຕູ້​ຄອນ​ເທນ​ເນີ​ອີກ​ຄັນ​ໜຶ່ງ ເປັນ​ເຫດ​ໃຫ້​ມີ ຜູ້​ເສຍ​ຊີວິດ 13 ຄົນ ແລະ​ບາດເຈັບ​ສາຫັດ​ອີກ 4 ຄົນ.

    ຂໍ້​ມູນ​ເບື້ອງ​ຕົ້ນ​ໃຫ້​ຮູ້​ວ່າ ລົດ​ໂດຍສານ​ດັ່ງກ່າວ​ບັນທຸກ​ຜູ້ໂດຍສານ​ລວມ 17 ຄົນ ພວມ​ແລ່ນ​ມຸ່ງ​ໜ້າ​ຈາກ​ແຂວງ​ກວາງ​ຈິ (ພາກ​ກາງ​ຫວຽດນາມ) ເຂົ້າ​ໄປ​ໃນ​ແຂວງ​ບິ່ງ​ດິ້ງ (ພາກ​ໃຕ້​ຫວຽດນາມ) ເພື່ອ​ແຫ່​ໃພ້ ເມື່ອ​ໄປ​ຮອດ​ສະຖານທີ່​ດັ່ງກ່າວ​ໃນ​ແຂວງ​ກວາງ​ນາມ ກໍ​ໄດ້​ຕຳ​ຢ່າງ​ແຮງ​ກັບ​ລົດ​ຄອນ​ເທນ​ເນີ ທີ່​ແລ່ນ​ສວນ​ທາງ​ມາ ເຮັດ​ໃຫ້​ເກີດ​ອຸບັດເຫດ​ດັ່ງກ່າວ.

 

ຂ່າວທີ່ກ່ຽວຂ້ອງ