ຂ່າວຫຼ້າສຸດ

ປະ​ນາ​ທິ​ບໍດີ​ອິນ​ໂດ​ເນ​ເຊຍ ປະກາດ​ຄຳ​ສັ່ງ​ຊ່ວຍເຫຼືອ​ສຸກ​ເສີນ​ຢູ່​ໃນ​ເຂດ​ເກີດ​ແຜ່ນດິນ​ໄຫວ

115 31 ກ.ກ. 2018 ຂ່າວຕ່າງປະເທດ
ປະ​ນາ​ທິ​ບໍດີ​ອິນ​ໂດ​ເນ​ເຊຍ ປະກາດ​ຄຳ​ສັ່ງ​ຊ່ວຍເຫຼືອ​ສຸກ​ເສີນ​ຢູ່​ໃນ​ເຂດ​ເກີດ​ແຜ່ນດິນ​ໄຫວ

     ວັນ​ທີ 29 ກໍລະກົດ​ນີ້ ປະ​ນາ​ທິ​ບໍດີ​ອິນ​ໂດ​ເນ​ເຊຍ ໂຈ​ໂກ ວີ​ໂດ​ໂດ ໄດ້​ອອກ​ຄຳ​ສັ່ງ​ໃຫ້​ແຈກ ຄວາມ​ຊ່ວຍເຫຼືອ​ສຸກ​ເສີນ ໄປ​ໃຫ້​ປະຊາຊົນ​ຢູ່​ໃນ​ເຂດ​ທີ່​ປະສົບ​ຜົນ​ກະທົບ ຈາກ​ເຫດການ​ແຜ່ນດິນ​ໄຫວ ແທກ​ຄວາມ​ແຮງ​ສັ່ນ​ສະເທືອນ​ໄດ້ 6,4 ຣິກ​ເຕີ ຢູ່​ເທິງ​ເກາະ​ລອມ​ບອກ ໃນ​ແຂວງ ນູ​ຊາ ເຕງ​ກາ​ຣາ​ຕາ  ເວັນ​ຕົກ (ທິດຕາເວັນອອກ​ສ່ຽງ​ໃຕ້​ຂອງ​ອິນ​ໂດ​ເນ​ເຊຍ) ຊຶ່ງ​ເກີດ​ຂຶ້ນ​ໃນ​ຕອນ​ເຊົ້າ​ຂອງ​ວັນ​ທີ 29 ກໍລະກົດ​ນີ້.

    ຂໍ້​ມູນ​ຈາກ​ອົງການ​ບັນເທົາ​ໄພ​ທຳ​ມະ​ຊາດ​ແຫ່ງ​ຊາດ (BNPB) ຂອງ​ອິນ​​​ໂດ​ເນ​ເຊຍ ໃຫ້​ຮູ້​ວ່າ ຈຳນວນ​ຜູ້​ເສຍ​ຊີວິດ​ຈາກ​ເຫດການ​ແຜ່ນດິນ​ໄຫວ​ດັ່ງກ່າວ​ຢູ່​ທີ່ 14 ຄົນ (ໃນ​ນັ້ນ​ເປັນ​ຊາວ​ມາ​ເລ​ເຊຍ 1 ຄົນ) ແລະ​ມີ​ຜູ້​ໄດ້​ຮັບ​ບາດເຈັບ 164 ຄົນ. ນອກຈາກ​ນັ້ນແລ້ວ ຍັງ​ມີ​ເຮືອນ​ຊານ​ຖືກ​ເພພັງ​ປະມານ 1.000 ຫຼັງ.

    ຄາດ​ວ່າ ໃນ​ວັນ​ທີ 30 ກໍລະກົດ​ນີ້ ປະ​ນາ​ທິ​ບໍດີ ໂຈ​ໂກ ວີ​ໂດ​ໂດ ຈະ​ໄປ​ຢ້ຽມຢາມ​ປະຊາຊົນ ຢູ່​ໃນ​ເຂດ​ປະສົບ​ໄພ​ແຜ່ນດິນ​ໄຫວ​ດັ່ງກ່າວ.

 

ຂ່າວທີ່ກ່ຽວຂ້ອງ