ຂ່າວຫຼ້າສຸດ

ພະນັກງານ​ຂອງ​ບໍລິສັດ​ການ​ຢາ​ຂອງ​ຈີນ ຖືກ​ຈັບ​ກຸມ 18 ຄົນ

217 31 ກ.ກ. 2018 ຂ່າວຕ່າງປະເທດ
ພະນັກງານ​ຂອງ​ບໍລິສັດ​ການ​ຢາ​ຂອງ​ຈີນ ຖືກ​ຈັບ​ກຸມ 18 ຄົນ

     ຕຳຫຼວດ​ໃນ​ນະຄອນ​ຈາງ​ຈຸນ ແຂວງ​ຈິ້​ຫຼິນ (ພາກ​ຕາເວັນ​ອອກ​ສ່ຽງ​ເໜືອ​ຂອງ​ຈີນ) ໄດ້​ສະເໜີ​ໄປ​ຍັງ​ອົງການ​ໄອ​ຍະ​ການ ໃຫ້​ຮັບຮອງ​ຄຳ​ສັ່ງ​ຈັບ​ກຸມ​ເປົ້າ​ໝາຍ 16 ຄົນ ຢູ່​ໃນ​ບໍລິສັດ​ເຕັກ​ໂນ​ໂລ​ຊີ ຊີວະ​ພາບ ຈາງ​ຈຸນ ຈາງ​ຊິນ ຊຶ່ງ​ເປັນ​ບໍລິສັດ​ຜະລິດ​ຜະລິດ​ຕະ​ພັນ​ການ​ຢາ​ລະດັບ​ແຖວ​ໜ້າ​ຂອງ​ຈີນ ທີ່​ເປັນ “ຈຸດ​ສຸມ” ໃນ​ກໍລະນີ​ຫຍຸ້ງ​ເຫຍືອງ​ກ່ຽວ​ກັບ​ວັກ​ຊິນ​ຢູ່​ໃນ​ເວລາ​ນີ້. ກ່ອນ​ໜ້າ​ນີ້​ບໍ່​ດົນ ແມ່ຍິງ​ຄົນ​ໜຶ່ງ ທີ່​ເປັນ​ປະທານ​ຂອງ​ບໍລິສັດ​ດັ່ງກ່າວ ກໍ​ໄດ້​ຖືກ​ຈັບ​ກຸມ​ໄປ​ແລ້ວ.

    ການ​ສະເໜີ​ຈັບ​ກຸມ​ດັ່ງກ່າວ ມີ​ອອກ​ມາ​ຫຼັງ​ຈາກ​ທີ່ ສະຫະ​ກົມ​ຕິດຕາມ​ກວດກາ ແລະ ຄຸ້ມ​ຄອງ ອາຫານ ແລະ ຢາ​ແຫ່ງ​ຊາດ​ຈີນ (CFDA) ຜັນ​ຂະຫຍາຍ​ການ​ກວດ​ສອບ​ການເຄື່ອນໄຫວ​ຜະລິດ ວັກ​ຊິນ ຢູ່​ໃນ​ຂອບ​ເຂດ​ທົ່ວ​ປະເທດ​ຈີນ ພ້ອມ​ທັງ​ກວດກາ​ຢ່າງ​ຖີ່​ຖ້ວນ​ເຖິງ​ຂັ້ນ​ຕອນ ແລະ​ຕ່ອງ​ໂສ້​ການ ຜະລິດ​ວັກ​ຊິນ.

    ຜ່ານ​ການ​ກວດກາ​ຢູ່​ໃນ​ບໍລິສັດ​ດັ່ງກ່າວ ອົງການ​ທີ່​ກ່ຽວຂ້ອງ​ເຫັນ​ວ່າ ບໍລິສັດ​ນີ້​ລະເມີດ ຢ່າງ ຮ້າຍ​ແຮງ​ຕໍ່​ຂັ້ນ​ຕອນ​ການ​ອະນຸຍາດ​ໃຫ້​ຜະລິດ ດ້ວຍ​ເປົ້າ​ໝາຍ​ກໍ​ແມ່ນ​ເພື່ອ​ຫຼຸດຜ່ອນ​ຄ່າ​ໃຊ້​ຈ່າຍ ແລະ ການ​ແຈ້ງ​ເຖິງ​ຄວາມ​ສຳເລັດ​ຂອງ​ວັກ​ຊິນ ປ້ອງ​ກັນ​ພະຍາດ​ວໍ້​ຂອງ​ບໍລິສັດ​ນີ້ ມີ​ອອກ​ມາ​ຢ່າງ​ບໍ່​ຖືກຕ້ອງ.

    CFDA ໄດ້​ຖອນ​ໃບ​ອະນຸຍາດ​ຜະລິດ​ວັກ​ຊິນ​ດັ່ງກ່າວ ພ້ອມ​ທັງ​ສະເໜີ​ໃຫ້​ບໍລິສັດ​ນັ້ນ ຢຸດຕິ​ການ​ຜະລິດ ແລະ ຈຳໜ່າຍ​ຜະລິດ​ຕະ​ພັນ ພ້ອມ​ທັງ​ງົດ​ການ​ໃຫ້​ອະນຸຍາດ​ກັບ​ຜະລິດ​ຕະ​ພັນ​ອື່ນໆ ທັງ​ໝົດ​ຂອງ​ບໍລິສັດ​ນີ້.

    ຜູ້​ຈັດ​ຈຳໜ່າຍ​ລາຍ​ໜຶ່ງ ໃຫ້​ຮູ້​ວ່າ ໃນ​ປີ 2017 ບໍລິສັດ​ດັ່ງກ່າວ​ໄດ້​ຈຳໜ່າຍ​ວັກ​ຊິນ DPT ປ້ອງ​ກັນ​ເມັດ​ເລືອດ​ຂາວ ໄອ​ໄກ່ ແລະ​ບາດ​ທະ​ຍັກ​ສຳລັບ​ເດັກນ້ອຍ ລວມ​ແລ້ວ​ມີ 252.000 ໂດດ.

ຂ່າວທີ່ກ່ຽວຂ້ອງ