ຂ່າວຫຼ້າສຸດ

ນະຄອນຫຼວງ ມີນັກຮຽນໄດ້ຮັບໃບປະກາສະນີຍະບັດແດງ 6 ຄົນ

230 31 ກ.ກ. 2018 ຂ່າວໜ້າ​ໜຶ່ງ
ນະຄອນຫຼວງ ມີນັກຮຽນໄດ້ຮັບໃບປະກາສະນີຍະບັດແດງ 6 ຄົນ

   ພະ​ແນກ​ສຶກ​ສາ​ທິ​ການ ແລະ ກີ­ລາ ນະ­ຄອນ­ຫຼວງ​ວຽງ​ຈັນ (ນວ) ຈັດ​ພິ­ທີ​ສະ­ຫຼຸບ​ການ​ສອບ­ເສັງ​ຈົບ​ຊັ້ນ ມ4 ແລະ ມ7 ສົກ­ຮຽນ 2017-2018 ຂຶ້ນ​ວັນ​ທີ 28 ກໍ­ລະ­ກົດ 2018 ທີ່​ສູນ​ການ​ຄ້າ​ລາວ-ໄອ​ເຕັກ ມີ​ທ່ານ ສີ​ຫຸນ ສິດ­ທິ​ລື​ໄຊ ຮອງ​ເຈົ້າ​ຄອງ ນວ ທ່ານ​ຫົວ­ໜ້າ​ກົມ​ມັດ­ທະ­ຍົມ ກະ­ຊວງ​ສຶກ​ສາ​ທິ​ການ ແລະ ກີ­ລາ ພ້ອມ​ດ້ວຍ​ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນວ ບັນ­ດາ​ຄະ­ນະ​ຜູ້​ບໍ­ລິ­ຫານ​ການ​ສຶກ​ສາ ແຂກ​ຖືກ​ເຊີນ ແລະ ຜູ້​ປົກ­ຄອງ​ນັກ­ຮຽນ​ເຂົ້າ​ຮ່ວມ.

   ທ່ານ ຊົມ​ພູ ແກ້ວ​ປັນ­ຍາ ຫົວ­ໜ້າ​ພະ​ແນກ​ສຶກ​ສາ​ທິ​ການ ແລະ ກີ­ລາ ນວ ກ່າວ​ວ່າ: ການ​ສອບ­ເສັງ​ຈົບ​ຊັ້ນ ມ4 ແລະ ມ7 ສົກ­ຮຽນ 2017-2018 ຄື: ຊັ້ນ ມ4 ຈັດ​ຂຶ້ນ​ວັນ​ທີ 12-14 ມິ­ຖຸ­ນາ 2018 ສອບ­ເສັງ 6 ວິ­ຊາ ມີ​ວິ­ຊາ​ຄະ­ນິດ­ສາດ ພາ­ສາ​ລາວ-ວັນ­ນະ­ຄະ­ດີ ວິ­ທະ­ຍາ­ສາດ​ທຳ​ມະ​ຊາດ ວິ­ທະ­ຍາ­ສາດ​ສັງ­ຄົມ ສຶກ​ສາ​ພົນ­ລະ­ເມືອງ ແລະ ພາ­ສາ​ອັງ­ກິດ ສ່ວນ​ຂັ້ນ ມ7 ສອບ­ເສັງ​ວັນ​ທີ 26-27 ມິ­ຖຸ­ນາ 2018 ມີ 4 ວິ­ຊາ​ສອບ­ເສັງ​ຄື: ວິ­ຊາ​ຄະ­ນິດ­ສາດ ພາ­ສາ​ລາວ-ວັນ­ນະ­ຄະ­ດີ ຊີ­ວະ​ສາດ ແລະ ວິ­ຊາ​ພູມ​ສາດ ມີ 48 ສູນ ໃນ​ນັ້ນ ມ4 ມີ 28 ສູນ​ສອບ­ເສັງ ມີ​ນັກ​ສອບ­ເສັງ​ທັງ​ໝົດ 20.966 ຄົນ ຍິງ 10.693 ຄົນ ໃນ​ນັ້ນ ມ4 ມີ 10.363 ຄົນ ຍິງ 5.305 ຄົນ.

   ຜົນ​ການ​ສອບ­ເສັງ ມ4 ມີ​ນັກ­ຮຽນ​ທີ່​ໄດ້​ຄະ­ແນນ​ດີ­ເດັ່ນ​ປະ­ເພດ​ໜຶ່ງ ສອບ­ເສັງ​ໄດ້​ແຕ່​ລະ­ວິ​ຊາ​ບໍ່​ຫຼຸດ 7 ຈຳ­ນວນ 49 ຄົນ ຍິງ 24 ຄົນ ປະ­ເພດ​ສອງ ໄດ້​ຄະ­ແນນ 7 (ທັງ​ຄະ­ແນນ​ເສັງ ແລະ ສະ­ເລ່ຍ) ຈຳ­ນວນ 157 ຄົນ ຍິງ 107 ຄົນ ປະ­ເພດ​ສາມ ໄດ້​ຄະ­ແນນ 7 (ຄະ­ແນນ​ສະ­ເລ່ຍ) 292 ຄົນ ຍິງ 202 ຄົນ ແລະ ໂຮງ­ຮຽນ​ສອບ­ເສັງ​ໄດ້ 100% ມີ 129 ໂຮງ­ຮຽນ ເພີ່ມ​ຈາກ​ສົກ­ຮຽນ​ຜ່ານ​ມາ 29 ໂຮງ­ຮຽນ ສ່ວນ ມ7 ປະ­ເພດ​ໜຶ່ງ ຄະ­ແນນ​ສອບ­ເສັງ 7 ຂຶ້ນ​ໄປ​ທຸກ​ວິ­ຊາ 89 ຄົນ ຍິງ 32 ຄົນ ປະ­ເພດ​ສອງ 746 ຄົນ ຍິງ 444 ຄົນ ປະ­ເພດ​ສາມ 839 ຄົນ ຍິງ 534 ຄົນ ພິ­ເສດ​ມີ​ນັກ­ຮຽນ​ທີ່​ໄດ້​ຮັບ​ໃບ​ປະ­ກາ­ສະ­ນີ­ຍະ­ບັດ​ແດງ ຈຳ­ນວນ 6 ຄົນ ຍິງ 5 ຄົນ ໃນ​ນັ້ນ ມ4 ມີ 2 ຄົນ ຍິງ 1 ຄົນ ແລະ ມ7 ມີ 4 ຄົນ ຍິງ​ທັງ​ໝົດ ພິ­ເສດ​ສຳ­ລັບ ມ7 ທີ່​ໄດ້​ໃບ​ປະ­ກາ­ສະ­ນີ­ຍະ­ບັດ​ແດງ ແລະ ເປັນ​ນັກ­ຮຽນ​ເກ່ງ​ລະ­ດັບ​ຊາດ ທີ1 ທີ2 ແລະ ທີ3 ຈະ​ມີ​ສິດ​ເລືອກ​ຮຽນ​ຕໍ່​ສາ­ຂາ​ວິ­ຊາ​ໃດ​ກໍ່​ໄດ້​ພາຍ​ໃນ​ປະ­ເທດ ໂດຍ​ບໍ່​ຕ້ອງ​ສອບ­ເສັງ.

ຂ່າວທີ່ກ່ຽວຂ້ອງ