ພະແນກ ຖວທ ນວ ຈັດແຂ່ງຂັນກີລາ ສະຫຼອງວັນສຳຄັນຂອງຊາດ

140 31 ກ.ກ. 2018 ວົງຈອນກີລາ
ພະແນກ ຖວທ ນວ ຈັດແຂ່ງຂັນກີລາ ສະຫຼອງວັນສຳຄັນຂອງຊາດ

   ງານ​ແຂ່ງ­ຂັນ​ກີ­ລາ 2 ປະ­ເພດ ຊີງ​ຂັນ​ຫົວ­ໜ້າ​ພະ​ແນກ​ຖະ­ແຫຼງ​ຂ່າວ ວັດ­ທະ­ນະ­ທຳ ແລະ ທ່ອງ​ທ່ຽວ ນະ­ຄອນ­ຫຼວງ​ວຽງ​ຈັນ (ຖວ​ທ.ນວ) ເພື່ອ​ຄຳ­ນັບ​ຮັບ​ຕ້ອງ​ວັນ​ສຳ­ຄັນ​ຕ່າງໆ​ຂອງ​ຊາດ ໂດຍ​ສະ­ເພາະ​ເປັນ​ການ​ຄຳ­ນັບ​ຮັບ​ຕ້ອນ​ກອງ​ປະ­ຊຸມ​ໃຫຍ່ຂອງ 3 ອົງ​ການ­ຈັດ­ຕັ້ງ​ມະ­ຫາ­ຊົນ ພະ​ແນກ ຖວ​ທ.ນວ ຈັດ​ຂຶ້ນ​ວັນ​ທີ 26-27 ກໍ­ລະ­ກົດ 2018 ຜ່ານ​ມາ ທີ່​ໂຮງ­ພິມ​ນະ­ຄອນ­ຫຼວງ​ວຽງ​ຈັນ ມີ​ທ່ານ ຄຳ​ປະ­ດິດ ເຂັມ​ມາ­ນິດ ຫົວ­ໜ້າ​ພະ​ແນກ ຖວ​ທ ນວ ມີ​ບັນ­ດາ​ຮອງ​ຫົວ­ໜ້າ​ພະ​ແນກ ຖວ​ທ ຜູ້­ອຳ­ນວຍ­ການ​ໂຮງ­ພິມ ພ້ອມ​ດ້ວຍ​ພະ­ນັກ­ງານ​ວິ­ຊາ​ການ 3 ອົງການ­ຈັດ­ຕັ້ງ​ມະ­ຫາ­ຊົນ ແລະ ນັກ­ກີ­ລາ ເຂົ້າ​ຮ່ວມ.

   ການ​ແຂ່ງ­ຂັນ​ຄັ້ງ​ນີ້ ປະ­ກອບ​ມີ 2 ປະ­ເພດ ຄື: ກີ­ລາ​ເປ​ຕັງ ແລະ ກີ­ລາ​ປິ່ງ​ປ່ອງ ຜ່ານ​ການ​ແຂ່ງ­ຂັນ​ຜົນ​ປາ­ກົດ​ວ່າ: ປະ­ເພດ​ເປ​ຕັງ​ຊາຍ ຊະ­ນະ​ເລີດໄດ້­ແກ່ ຂະ­ແໜງ​ທ່ອງ​ທ່ຽວ 1 ຮອງ​ຊະ­ນະ​ເລີດ ພະແນກ ຖວ​ທ 1 ແລະ ອັນ​ດັບ 3 ສູ­ນວັດ­ທະ­ນະ­ທຳ​ເດັກ+ຫໍ­ສະ­ໝຸດ ສ່ວນ​ເປ​ຕັງ​ເພດ​ຍິງ ຊະ­ນະ​ເລີດ ຂະ­ແໜງ​ທ່ອງ​ທ່ຽວ ຮອງ​ຊະ­ນະ​ເລີດ ວິ­ທະ­ຍຸ-ໂທລະ­ພາບ ນວ ແລະ ອັນ​ດັບ 3 ໜັງ­ສື­ພິມ​ວຽງ​ຈັນ​ໃໝ່ ແລະ ປະ­ເພດ​ປິ່ງ​ປ່ອງ​ຊາຍ ຊະ­ນະ​ເລີດ ໜັງ­ສື­ພິມ​ວຽງ​ຈັນ​ໃໝ່ 3 ອັນ​ດັບ 2 ໜັງ­ສື­ພິມ​ວຽງ​ຈັນ​ໃໝ່ 2 ແລະ ອັນ​ດັບ 3 ໜັງ­ສື­ພິມ​ວຽງ​ຈັນ​ໃໝ່ 1.

ຂ່າວທີ່ກ່ຽວຂ້ອງ