ຂ່າວຫຼ້າສຸດ

ມູຣິນໂຢ່ ສົງຄາມເຢັນກັບ ວຸດເວິດ ຄວາມສໍາພັນເຖິງຈຸດຕໍ່າສຸດເພາະເລື່ອງຊື້ຂາຍ

125 30 ກ.ກ. 2018 ວົງຈອນກີລາ
ມູຣິນໂຢ່ ສົງຄາມເຢັນກັບ ວຸດເວິດ ຄວາມສໍາພັນເຖິງຈຸດຕໍ່າສຸດເພາະເລື່ອງຊື້ຂາຍ

ເດລີ່ເມວ ອອກມາເປີດເຜີຍວ່າ ຄວາມສໍາພັນຂອງ ໂຈເຊ່ ມູຣິນໂຢ່ ແລະ ເອັດ ວູ້ດເວິດ ຢູ່ໃນລະດັບຕ່ຳສຸດເທົ່າທີ່ມີມາ ທ່າມກາງສົງຄາມເຢັນໃນຕະຫຼາດຊື້ຂາຍນັກເຕະຂອງແມນເຊສເຕີ ຢູໄນເຕັດ.

          ທີມແມນຢູ ລົງສະໜາມອຸ່ນເຄື່ອງມາແລ້ວ 4 ນັດ ແຕ່ບໍ່ຊະນະໃນເວລາ 90 ນາທີໄດ້ເລີຍຈັກນັດ ແຖມເກມຫຼ້າສຸດຫາກໍຖືກລິເວີພູນຖະຫຼົ່ມໄປແບບຂາດລອຍ 4-1 ປະຕູ ໃນເຕະບານ ICC 2018.

          ຫຼັງເກມດັ່ງກ່າວ ມູຣິນໂຢ່ອອກມາເວົ້າໃນຫຼາຍປະເດັນ ບໍ່ວ່າຈະເປັນການທີ່ບອກວ່າທີມຊຸດນີ້ບໍ່ແມ່ນທີມທີ່ເຂົາຈະໃຊ້ອີຫຼີ ຫຼືເວົ້າເຖິງການເສີມທັບທີ່ຕົນເອງສົ່ງລາຍຊື່ໃຫ້ຫົວໜ້າບໍລິຫານໄປ 5 ຄົນ ແຕ່ຕອນນີ້ຄາດວ່າຈະໄດ້ເພີ່ມອີກພຽງແຕ່ຄົນດຽວ.

          ລາຍງານເຊື່ອວ່າ ມູຣິນໂຢ່ຈະໃຊ້ຜົນງານທີມໃນໄລຍະອຸ່ນເຄື່ອງກົດດັນຕໍ່ລອງກັບຮອງປະທານບໍລິຫານຢ່າງທ່ານ ວູດເວິດໃຫ້ຊ່ວຢເສຣິມທັພໂດຢດ່ວນ

          ຢ່າງໃດກໍຕາມ ທ່ານ ວູດເວິດ ຈະບໍ່ຍອມຈ່າຍເງິນອອກຈາກຄັງຂອງທີມອີກໃນຕະຫຼາດຮອບນີ້ ຫຼັງຈາກໝົດໄປ 70 ລ້ານປອນເພື່ອຄວ້າ ເຟຣັດ, ດິໂອໂກ ດາໂລ ແລະ ລີແກຣນ ຈົນກວ່າທີມຈະຂາຍນັກເຕະບາງຄົນອອກໄປເສຍກ່ອນ.

          ເຖິງແມ່ນ ແມນຯ ຢູໄນເຕັດ ຈະໄດ້ນັກເຕະຕົວຫຼັກຫຼາຍຄົນກັບມາເສີມທັບກ່ອນເປີດລະດູການ ແຕ່ ມູຣິນໂຢ່ ຍັງເຊື່ອວ່າທີມຕ້ອງການເສີມກໍາລັງເພື່ອສູ້ກັບແມນເຊສເຕີ ຊິຕີ ໃນພຣີເມຍລີກລະດູການໃໝ່.

          ຂະນະດຽວກັນກັບການທີ່ລິເວີພູນເສີມໜັກໃນຕະຫຼາດຮອບນີ້ ຍິ່ງເຮັດໃຫ້ມູຣິນໂຢ່ ເຊັງກັບການຊື້-ຂາຍຂອງທີມຕົນເອງ.

          ດ້ານທ່ານ ວູດເວິດນັ້ນ ບໍ່ເຫັນດີທີ່ຈະເສີມນັກເຕະຊື່ດັງເຂົ້າມາທັນທີ ເວັ້ນແຕ່ຈະປ່ອຍນັກເຕະຕົວສຳຮອງບາງຄົນໃນທີມອອກໄປເປັນການລະດົມທຶນ ຊຶ່ງລາຍງານລະບຸວ່າຈຸດຢືນດັ່ງກ່າວເຮັດໃຫ້ມູຣິນໂຢ່ ຂ້ອນຂ້າງບໍ່ພໍໃຈ.

ຂ່າວທີ່ກ່ຽວຂ້ອງ