ຣິວ ມາດຣິດ ບໍ່ພ້ອມຈ່າຍຊື້ອາຊາເຖິງ 200 ລ້ານປອນ

131 30 ກ.ກ. 2018 ວົງຈອນກີລາ
ຣິວ ມາດຣິດ ບໍ່ພ້ອມຈ່າຍຊື້ອາຊາເຖິງ 200 ລ້ານປອນ

        ຣິວ ມາດຣິດ ກຽມຖອນຕົວຈາກ ເອແດັນ ອາຊາ ຫຼັງຈາກ ເຊວຊີ ຍັງຄົງຢືນຢັນເງື່ອນໄຂໃນການປ່ອຍຕົວທີ່ 200 ລ້າປອນ.

          ຣິວ ມາດຣິດ ກຳລັງຊອກຫາຕົວແທນຂອງ ຄຣິສເຕຍໂນ່ ໂຣນັນໂດ ທີ່ຍ້າຍໄປຫຼິ້ນໃຫ້ກັບ ຢູເວນຕຸສ ໃນອີຕາລີ  ໂດຍມີ ອາຊາ ຂອງ ເຊວຊີ ເປັນເປົ້າໝາຍເບີ 1.

          ທັ້ງນີ້ ຍອດທີມຂອງແອັດສະປາຍ ພ້ອມຈ່າຍເງິນໃນລາຄາ 150 ລ້ານປອນ ເພື່ອຊື້ກອງໜ້າຊາວແບນຊິກ ແຕ່ກໍຍັງບໍ່ເຖິງລາຄາ 200 ລ້ານປອນທີ່ ເຊວຊີ ຕັ້ງໄວ້.

           ໂດຍຫຼ້າສຸດ ດິ ເອ໊ກຊ໌ເພຣສ ສື່ໃນອັງກິດລາຍງານວ່າ ຣິວ ມາດຣິດ ກຽມທີ່ຈະຖອນຕົວແລ້ວ ເພາະເຫັນວ່າລາຄາດັ່ງກ່າວສູງເກີນຄວາມເປັນຈິງ.

          ສຳລັບ ເຊວຊີ ກໍສະແດງຄວາມຕ້ອງການມາໂດຍຕະຫຼອດວ່າຢາກຕໍ່ສັນຍາກັບ ອາຊາ ໃນໄວ 27 ປີອອກໄປ ແລະ ພ້ອມມອບຄ່າແຮງ 300.000 ປອນຕໍ່ອາທິດໃຫ້ກັບນັກເຕະ.

ຂ່າວທີ່ກ່ຽວຂ້ອງ