ຂ່າວຫຼ້າສຸດ

ເຊວຊີ ຕົກລົງຂາຍວິນລຽນໃຫ້ແມນຢູ

119 30 ກ.ກ. 2018 ວົງຈອນກີລາ
ເຊວຊີ ຕົກລົງຂາຍວິນລຽນໃຫ້ແມນຢູ

ຕຸ໊ຕໂຕສະປອຣ໌ດ ສື່ຂອງອິຕາລີ ຕີແຜ່ຂ່າວວ່າ ເຊວຊີ ຕົກລົງປ່ອຍ ວິນລຽນ ປີກຄົນດັງໃຫ້ ແມນຯ ຢູໄນເຕັດ ດ້ວຍຄ່າຕົວ 75 ລ້ານເອີໂຣ ໂດຍ ເມົາຣິຊິໂອ ຊາຣີ່ ຕ້ອງການເງິນກ້ອນໃຫຍ່ເອົາໄປໃຊ້ເສີມທັບ.

          ເຊວຊີ ສະໂມສອນຍິ່ງໃຫຍ່ແຫ່ງເວທີ ພຣີເມຍລີກ ອັງກິດ ຕອບຮັບຂໍ້ສະເໜີຈາກ ແມນເຊສເຕີ ຢູໄນເຕັດ ທີ່ຂໍຊື້ ວິນລຽນ ປີກຊາວບຣາຊິນຂອງພວກເຂົາແລ້ວ ຫຼັງຈາກທີ່ ແມນຢູ ໃຫ້ຄ່າຕົວໄປປະມານ 75 ລ້ານເອິໂຣ ຕາມລາຍງານຂອງ ຕຸ໊ຕໂຕສະປອຣ໌ດ ສື່ກີລາຂອງປະເທດອິຕາລີ.

          ວິນລຽນ ຕົກເປັນຂ່າວລືກ່ຽວກັບການຍ້າຍທີມມາໂດຍຕະຫຼອດ ຫຼັງຈາກລືກັນວ່າເຂົາບໍ່ມີຄວາມສຸກກັບການຄ້າຝີຕີນໃນຖິ່ນສະແຕມຟອດ ບຣິດຈ໌ ແລ້ວ ຊຶ່ງທີມທີ່ມີຂ່າວກັບເຂົາຫຼາຍທີ່ສຸດຕະຫຼອດໄລຍະທີ່ຜ່ານມາຄື ບາເຊໂລນ່າ ແລະ ແມນຯ ຢູໄນເຕັດ.

          ເປັນທີ່ເຊື່ອກັນວ່າ ເຊວຊີ ສົນໃຈທີ່ຈະຂາຍ ວິນລຽນ ເໝືອນກັນ ເພາະຕອນນີ້ ເມົາຣິຊິໂອ ຊາຣີ່ ຜູ້ຈັດການທີມຄົນໃໝ່ຂອງພວກເຂົາຕ້ອງການເອົາເງິນໄປໃຊ້ໃນການເສີມທັບ ຊຶ່ງຖ້າເກີດການຍ້າຍທີມຂຶ້ນອີຫຼີ ມັນກໍຈະເຮັດໃຫ້ດາວເຕະທີມຊາດບຣາຊິນໄດ້ກັບໄປຮ່ວມງານກັບ ໂຈເຊ່ ມູຣິນໂຢ່ ຜູ້ຈັດການທີມແມນຯ ຢູໄນເຕັດ ອີກຄັ້ງ.

ຂ່າວທີ່ກ່ຽວຂ້ອງ