ຂ່າວຫຼ້າສຸດ

ຕອບຄັກໆ

156 30 ກ.ກ. 2018 ຫົວຂໍ້ຂ່າວອື່ນໆ

   ພະ­ນັກ­ງານ​ຂັ້ນ​ເຕີບໆ ລົງ​ໄປ​ບັນ​ລະ​ຍາຍ​ເອ­ກະ­ສານ​ຢູ່​ທ້ອງ­ຖິ່ນເຂດ​ຫ່າງ​ໄກ​ສອກ­ຫຼີກ ເນື້ອ​ໃນ​ຕົ້ນ­ຕໍ​ຂອງ​ບົດ​ບັນ​ລະ​ຍາຍ​ ເນັ້ນ​ຄວາມ​ເປັນ​ລະ­ບຽບ​ຮຽບ​ຮ້ອຍ​ຂອງ​ສັງຄົມ ຕ້ານ​ອາ​ຊະ​ຍາ​ກຳ ລັກ​ເລັກ​ຂະ­ໂມຍ​ນ້ອຍ ການ​ຄ້າ​ມະ­ນຸດ ແລະ ອື່ນໆ.

   ເຂົາ​ເວົ້າ​ຕອນ​ໜຶ່ງ​ວ່າ: “ດຽວ­ນີ້ ພວກ​ມາ​ເຟຍ​ພວມ​ອາ​ລະ​ວາດ​ໜັກ ພວກ​ມັນ​ຈັດ​ຕັ້ງ​ຂະ​ບວນ​ຄ້າຢາ​ເສບ​ຕິດ ຄ້າ​ແມ່­ຍິງ-ເດັກ­ນ້ອຍ ຕົ້ມ​ຕຸ໋ນ​ເງິນ​ປະ­ຊາ­ຊົນ... ດັ່ງ­ນັ້ນ ພວກ​ເຮົາ​ທຸກ​ຄົນ​ຕ້ອງ​ມີ​ສະ­ຕິ ເປັນ​ຫູ​ເປັນ­ຕາ​ຊ່ວຍ​ກັນ” ເວົ້າ​ເກືອບ​ບໍ່​ສຸດ​ຄວາມ ຈານ​ປື່ງ ຫົວ­ໜ້າ​ແນວ​ໂຮມ​ປະ­ຈຳ​ບ້ານ​ກໍ່​ຖາມ​ຂຶ້ນວ່າ: ລຸງ​ຢາກ​ຮູ້​ຄວາມ​ໝາຍ​ຂອງ “ມາ​ເຟຍ” ແປ​ວ່າ​ຫຍັງ ?.

   ຝ່າຍ​ພະ­ນັກ­ງານ​ສະ­ແດງ​ຄວາມ​ກະ­ວົນ­ກະ­ວາຍ​ອອກ​ໜ້າ ເພາະ​ຕົນ​ເອງ​ກໍ່​ບໍ່​ຮູ້​ວ່າ “ມາ​ເຟຍ” ແມ່ນ​ຫຍັງ ແມ່ນ​ຄວາມ​ລາວ ຫຼື ຄວາມ​ຕ່າງ­ປະ­ເທດ ຜ່ານ​ມາ​ກໍ່​ເວົ້າ​ນຳ​ໝູ່​ໄປ​ຊື່ໆ ເພື່ອ​ບໍ່​ໃຫ້​ເສຍ­ໜ້າ ເຂົາ​ຕອບ​ວ່າ: ມາ​ເຟຍ ກໍ່​ຄື “ມ່າ​ເພ້ຍ” ບ້ານ​ເຮົາ​ນີ​ລະ ພວກ​ນີ້​ເມື່ອ​ໄດ້​ເງິນ​ມາ ພວກ​ເຂົາ​ກໍ່​ຈຸ​ຊຸມ​ມ່າ​ເພ້ຍ​ກັນ​ທຸກ​ຄັ້ງ.

ໂດຍ: ບ່າວ​ກະ­ບື

ຂ່າວທີ່ກ່ຽວຂ້ອງ