ວັນເສົາ ທີ 22 ກັນຍາ 2018 19:44:30
- ເກດຕິຍະ ຜ່ານການຄັດເລືອກເຂົ້າຮ່ວມແຂ່ງຂັນ ດອກປີກໄກ່ໂອແລມປິກເຍົາວະຊົນ
- ເປ້ຍ ເຝິກຊ້ອມໜັກ ຫວັງຍາດຫຼຽນໃດໜຶ່ງໃນເອຊຽນພາຣາເກມ
- ຢູ-16 ລາວ ຊະນະ ມົງໂກລີ 4-0 ເຕະບານຊີງແຊັມອາຊີ
- ນັກແມ່ນປືນລາວ ເຂົ້າຮ່ວມແຂ່ງຂັນ ໄອພີເອັດຊີ ເລໂວ 4
- ລິເວີພູລ ຊະນະ ປາຣີສ ຫວຸດຫວິດ 3-2 ຢູຟ່າແຊັມປຽນລີກ
- ວຽກງານຖະແຫຼງຂ່າວ ແລະ ວັດທະນະທຳ ນັບມື້ຂະຫຍາຍຕົວ
- ຫາລືການປັບປຸງວຽກງານໂພຊະນາການແບບມີສ່ວນຮ່ວມ
- ຄະນະສັນຕິພາບ ແລະ ສາມັກຄີລາວ ປະກອບສ່ວນສຳຄັນໃນການແກ້ໄຂບັນຫາຂອງສາກົນ
- ເລັ່ງສ້ອມແປງພື້ນຖານໂຄງລ່າງ ຊຸກຍູ້ການຜະລິດນາແຊງໃຫ້ໄດ້ 100.000 ເຮັກຕາ
- ເຈົ້າໜ້າທີ່ຈັບມືຄາຕະກຳ ແລະ ຜູ້ບົງການຂ້ານັກທຸລະກິດຈີນໄດ້ແລ້ວ
ເຂື່ອນນ້ຳອູ 2 ແຕກ ເປັນພຽງຂ່າວລື ບໍ່ມີມູນຄວາມຈິງ
ຂປລ. ໃນວັນທີ 27 ກໍລະກົດ 2018 ເກີດມີຂ່າວລືກ່ຽວກັບເຂື່ອນນ້ຳອູ 2 ໃກ້ຈະແຕກ ແຕ່ຄວາມຈິງເປັນພຽງບັນຫາລະດັບນ້ຳເພີ່ມສູງກາຍຂີດອັນຕະລາຍ ຕາມຂໍ້ມູນຂອງກົມອຸຕຸນິຍົມ ແລະ ອຸທົກກະສາດ.
ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ແຈ້ງໃຫ້ຮູ້ວ່າ: ໃນໄລຍະວັນທີ 27-30 ກໍລະກົດນີ້ ຝົນຈະສືບຕໍ່ຕົກ ແລະ ເຮັດໃຫ້ປະລິມານນ້ຳຢູ່ໃນເຂື່ອນໄຟຟ້ານ້ຳອູ 2 ແຂວງຫຼວງພະບາງ ສູງກາຍລະດັບອັນຕະລາຍ ເຮັດໃຫ້ປະຊາຊົນທີ່ອາໄສຢູ່ກ້ອງເຂື່ອນແຕກຕື່ນ ຈຳນວນໜຶ່ງເກັບມ້ຽນເຄື່ອງຂອງຍົກຍ້າຍໄປໄວ້ບ່ອນສູງ ແຕ່ຂ່າວລືໃນສັງຄົມອອນລາຍ ຍິ່ງສ້າງຄວາມຕົກໃຈໃຫ້ສັງຄົມບອກວ່າເຂື່ອນນ້ຳອູ 2 ແຕກແລ້ວ ແຕ່ຄວາມເປັນຈິງ ປັດຈຸບັນປະລິມານນ້ຳໃນເຂື່ອນເພີ່ມຂຶ້ນສູງແທ້ ແຕ່ເຂື່ອນບໍ່ແຕກ ຜູ້ຮັບຜິດຊອບຄຸ້ມຄອງເຂື່ອນແຈ້ງໃຫ້ຮູ້ວ່າ ການປ່ອຍນ້ຳອອກຈາກເຂື່ອນຍັງປົກກະຕິ.
ຕໍ່ກັບບັນຫາດັ່ງກ່າວ ທ່ານ ບຸນທັນ ບໍລະວົງ ຮອງເຈົ້າເມືອງປາກອູ ພ້ອມດ້ວຍຄະນະ ໄດ້ລົງກວດກາຕົວຈິງ ພົບວ່າປະຊາຊົນມີຄວາມແຕກຕື່ນແທ້ ສ່ວນບັນຫາຂ່າວລືກ່ຽວກັບເຂື່ອນນ້ຳອູແຕກແມ່ນບໍ່ເປັນຄວາມຈິງ ດັ່ງນັ້ນ ຈຶ່ງຮຽກຮ້ອງໃຫ້ສັງຄົມ ແລະ ປະຊາຊົນ ຈົ່ງຢ່າໄດ້ແຕກຕື່ນກັບຂໍ້ມູນຂ່າວສານທີ່ບໍ່ເປັນຄວາມຈິງ ຜ່ານສື່ສັງຄົມອອນລາຍ ແລະ ໄດ້ຮຽກຮ້ອງໃຫ້ປະຊາຊົນລາວບັນດາເຜົ່າ ໂດຍສະເພາະແມ່ນປະຊາຊົນພາຍໃນເມືອງປາກອູ ຈົ່ງມີສະຕິໃນການຊອກຮູ້ຂໍ້ມູນຂ່າວສານ ພ້ອມກັນດຳລົງຊີວິດຕາມທິດຊີ້ນຳຂອງພັກ-ລັດ ເພື່ອພັດທະນາບ້ານເມືອງໃຫ້ສີວິໄລ.
