ຫຼາຍພາກສ່ວນຮ່ວມກັນຊ່ວຍເຫຼືອຜູ້ປະສົບອຸທົກກະໄພ

180 30 ກ.ກ. 2018 ຂ່າວໜ້າ​ໜຶ່ງ
ຫຼາຍພາກສ່ວນຮ່ວມກັນຊ່ວຍເຫຼືອຜູ້ປະສົບອຸທົກກະໄພ

   ວັນ​ທີ 28 ກໍ­ລະ­ກົດ 2018 ທີ່​ສູນ​ບໍ­ລິ­ຈາກ​ເຄື່ອງ ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ຍອດ​ຜູ້​ບໍ­ລິ­ຈາກ​ຊ່ວຍ­ເຫຼືອ​ຜູ້​ປະ­ສົບ​ໄພ­ພິ­ບັດ​ທົ່ວ​ປະ­ເທດ ແຕ່​ວັນ​ທີ 24 ກໍ­ລະ­ກົດ 2018 ໄດ້​ເຖິງ 13 ຕື້​ກວ່າ​ກີບ ໃນ​ນັ້ນ ຍັງ​ມີ​ສະ­ກຸນ​ເງິນ​ໂດ​ລາ 130.000 ກວ່າ​ໂດ​ລາ​ສະ­ຫະ­ລັດ ເງິນ​ບາດ​ໄທ ປະ­ມານ 1.700.000 ບາດ ສຳ­ລັບ​ຕອນ​ເຊົ້າ​ຂອງ​ວັນ​ທີ 28 ກໍ­ລະ­ກົດ ມີ​ການ​ຮັບ​ເຄື່ອງ​ບໍ­ລິ­ຈາກຊ່ວຍ­ເຫຼືອ​ຜູ້​ປະ­ສົບ​ໄພ­ພິ­ບັດ​ນ້ຳ​ຖ້ວມ​ຄັ້ງ​ນີ້ ມີ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ 47 ລ້ານ​ກີບ ສະ­ຖານ­ທູດ​ມາ​ເລ​ເຊຍ ປະ­ຈຳ ສປປ ລາວ 125 ລ້ານ​ກວ່າ​ກີບ (25.000 ໂດ​ລາ​ສະ­ຫະ­ລັດ) ທະ­ນາ­ຄານ RHB 10.000 ໂດ​ລາ​ສະ­ຫະ­ລັດ ຄອບ­ຄົວທ່ານ ໄຊ​ສົມ​ແພງ 10 ລ້ານ​ກີບ ຄອບ­ຄົວທ່ານ ສິດ­ທິ​ມໍ​ລະ­ດາ ເກືອບ 8 ລ້ານ​ກີບ ແລະ ບໍ­ລິ­ສັດ​ພະ­ລັງ­ງານ​ໃໝ່ ຈີນ ຍີ້​ຢຸນ​ນານ ມອບ​ເຄື່ອງ​ອຸ­ປະ­ໂພກ ແລະ ບໍ­ລິ­ໂພກ ລວມ​ມູນ​ຄ່າ 100 ລ້ານ​ກວ່າ​ກີບ ຄອບ­ຄົວ​ການ​ນຳ ແລະ ພະ­ນັກ­ງານ ຄະ­ນະ​ກວດ­ກາ​ສູນ​ກາງ​ພັກ ແລະ ອົງ­ການ​ກວດ­ກາ​ລັດ­ຖະ­ບານ ໄດ້​ມອບ​ເງິນ​ຈຳ­ນວນ 112.225.000 ກີບ ໃນ​ນີ້ ຈຳ­ນວນ 70 ລ້ານ​ກີບ ແມ່ນ​ໄດ້​ມາ​ຈາກ​ການ​ຮິບ​ໂຮມ​ຂອງ​ບັນ­ດາ​ພັນ​ລະ​ຍາ​ການ​ນຳ ເຊິ່ງ​ນຳ​ໂດຍ​ທ່ານ​ນາງ ບົວ­ໄຫລ ຈິດ​ມະ­ນີ ພັນ​ລະ​ຍາທ່ານ ບຸນ​ທອງ ຈິດ​ມະ­ນີ ຮອງ​ນາ­ຍົກ­ລັດ­ຖະ­ມົນ­ຕີ ສ່ວນ​ທີ່​ເຫຼືອ​ແມ່ນ​ເງິນ​ທີ່​ລະ­ດົມ​ໄດ້​ຈາກ​ພະ­ນັກ­ງານ ຄະ­ນະ​ກວດ­ກາ​ສູນ​ກາງ​ພັກ ແລະ ອົງ­ການ​ກວດ­ກາ​ລັດຖະ​ບານ.

   ພ້ອມ​ນີ້ ສະ­ພາ​ສະ­ຕີ​ແຫ່ງ​ຊາດ​ໄທ ​ໄດ້​ນຳ​ເງິນ​ມາ​ມອບ​ໃຫ້​ກັບ​ສູນ​ກາງ​ສະ­ຫະ­ພັນ​ແມ່­ຍິງ​ລາວ ເປັນ​ກຽດ​ມອບ​ໂດຍ​ທ່ານ​ນາງ ວັນ​ດີ​ກຸນ­ຊອນ​ຍາ​ຄົງ ຈຸ່ນ​ຈະ­ເລີນ ປະ­ທານ​ສະ­ພາ​ສະ­ຕີ​ແຫ່ງ​ຊາດ​ໄທ ກ່າວ​ຮັບ​ໂດຍ​ທ່ານ​ນາງ ອິນ​ລາ​ວັນ ແກ້ວ​ບຸນ​ພັນ ປະ­ທານ​ສູນ​ກາງ​ສະ­ຫະ­ພັນ​ແມ່­ຍິງ​ລາວ ມີ​ຈຳ­ນວນ 524 ລ້ານ​ກີບ ຫຼື ປະ­ມານ 2 ລ້ານ​ກວ່າ​ບາດ ເງິນ​ຈຳ­ນວນ​ດັ່ງ­ກ່າວ ​ໄດ້​ຈາກ​ການ​ປະ­ກອບ­ສ່ວນ​ຂອງ​ສະ­ພາ​ສະ­ຕີ​ແຫ່ງ​ຊາດ​ໄທ ຈຳ­ນວນ 1 ລ້ານ​ບາດ ວັດ​ໂສ​ທອນ​ວະ​ລາ​ລາມ​ວໍ​ວິ­ຫານ ແຂວງ​ຊະ​ເຊີງ​ເຊົາ​ ຈຳ­ນວນ 1 ລ້າ​ບາດ ພະ​ພຸດ​ທະ​ຮູບ 1 ອົງ ແລະ ສະ­ມາ­ຄົມ​ສົ່ງ­ເສີມ​ແມ່­ຍິງ ແຂວງ​ອຸ­ດອນ​ທາ­ນີ​ ຈຳ­ນວນ 40.000 ບາດ.

    ໃນ​ວັນ​ດຽວ​ກັນ​ນີ້ ສະ­ຫະ­ພັນ​ແມ່­ຍິງ ​ອົງ­ການ​ໄອ​ຍະ​ການ​ປະ­ຊາ­ຊົນ​ສູງ​ສຸດ ​ກໍ່​ໄດ້​ມອບ​ເງິນ​ຈຳ­ນວນ 3 ລ້ານ​ກີບ.

    ນັບ​ແຕ່​ວັນ​ທີ 24 ກໍ­ລະ­ກົດ ເປັນ­ຕົ້ນ​ມາ ບັນ­ດາ​ປະ­ເທດ​ເພື່ອນ​ມິດ ໄດ້​ໃຫ້­ການ​ຊ່ວຍ­ເຫຼືອ​ບັນ­ເທົາ​ທຸກຜູ້​ປະ­ສົບ​ໄພ​ນ້ຳ​ຖ້ວມຢູ່ ສປປ ລາວ ເປັນ​ມູນ​ຄ່າ​ທັງ​ໝົດ 17,9 ຕື້​ກວ່າ​ກີບ ໃນ​ນັ້ນ ລວມ​ມີ 16 ລ້ານ​ກວ່າ​ບາດ (3,9 ຕື້​ກວ່າ​ກີບ) 1,6 ລ້ານ​ກວ່າ​ໂດ​ລາ​ສະ­ຫະ­ລັດ (13,9 ຕື້​ກວ່າ​ກີບ) ບັນ­ດາ​ປະ­ເທດ​ທີ່​ໃຫ້­ການ​ຊ່ວຍ­ເຫຼືອ​ລາວ​ຄັ້ງ​ນີ້ ປະ­ກອບ​ມີ: ລັດ­ຖະ­ບານ​ໄທ ໄດ້​ສົ່ງ​ເຄື່ອງ​ບັນ­ເທົາ​ທຸກ ອຸ­ປະ­ກອນ​ຮັບ​ໃຊ້​ວຽກ​ງານ​ກູ້​ໄພ​ເປັນ​ເຮືອ ລົດ​ກູ້​ໄພ ແລະ ເງິນ­ສົດ​ຈຳ­ນວນໜຶ່ງ ລວມ​ມູນ​ຄ່າ 6 ລ້ານ​ບາດ ບໍ­ລິ­ສັດ ​ໄທໂອ­ສົດ​ສະ­ພາ ຈຳ­ກັດ ນຳ​ເອົາ​ຜະ­ລິດ​ຕະ​ພັນ​ຂອງບໍ­ລິ­ສັດ ມູນ​ຄ່າ 1 ລ້ານ​ບາດ ສະ­ມາ­ຊິກ​ເຄືອ​ຄ່າຍ BNK 48 Home (Members of Mobile BNK48 Home) 14.848 ບາດ ທ່ານ ສຸ­ທັດ ເງິນ​ໝື່ນ ອະ­ດີດ​ລັດ­ຖະ­ມົນ­ຕີ ກະ­ຊວງຍຸ­ຕິ​ທຳແຫ່ງ​ລາ­ຊະ​ອາ­ນາ­ຈັກ​ໄທ 50.000 ບາດ.

   ລັດ­ຖະ­ບານ ສສ ຫວຽດ­ນາມ ໄດ້​ນຳ​ເອົາ​ເຂົ້າ­ສານ 100 ໂຕນ ແລະ ຟອກ​ໂມນ 100 ຊຸດ ລວມ​ມູນ​ຄ່າ 200.000 ໂດ​ລາ​ສະ­ຫະ­ລັດ ລັດ­ຖະ­ບານ​ສິງ­ກະ­ໂປ ຊ່ວຍ­ເຫຼືອ​ເຕັ້ນ​ສຳ­ລັບ 5 ຄົນ 60 ເຕັ້ນ ໄຟ​ສາຍ 120 ອັນ ເຮືອ​ສູບ​ລົມ 5 ລຳ ສະ­ບຽງ ການ​ຢາ 1 ຊຸດ ອາ­ຫານ​ແຫ້ງ 7.800 ແພັກ ນ້ຳ 40 ແກັດ ເຕັ້ນ​ໃຫຍ່ 11 ເຕັ້ນ ລວມ​ມູນ​ຄ່າ 100.000 ໂດ​ລາ​ສະ­ຫະ­ລັດ ອົງ­ການ​ກາ­ແດງ​ສິງ­ກະ­ໂປ 50.000 ໂດ​ລາ​ສະ­ຫະ­ລັດ ອົງ​ການ­ຈັດ­ຕັ້ງ​ສາ­ກົນທີ່​ບໍ່​ຂຶ້ນ​ກັບ​ລັດ­ຖະ­ບານ ມີ​ເຄື່ອງ­ນຸ່ງ​ຫົ່ມ ສິ້ນ​ແຕ້ມ ມຸ້ງ ເກີບ ຜ້າ​ຫົົ່ມ ເຄື່ອງ​ກອງ​ນ້ຳ​ດື່ມ ມູນ​ຄ່າ 46 ລ້ານ​ກວ່າ​ກີບ ອົງ­ການ​ສຸ­ພາ​ນິ­ມິດ (World Vision–NGO) ມອບ​ອຸ­ປະ­ກອນ​ທຳ​ຄວາມ​ສະ­ອາດ​ຄົວ​ເຮືອນ ມູນ​ຄ່າ​ປະ­ມານ 50.000 ໂດ​ລາ​ສະ­ຫະ­ລັດ ລັດ­ຖະ­ບານ​ສະ­ຫະ­ລັດ​ອາ​ເມ​ຣິ​ກາ 100.000 ໂດ​ລາ​ສະ­ຫະ­ລັດ ສະ­ຖານ­ທູດ​ສະ­ຫະ­ລັດ​ອາ​ເມ​ຣິ​ກາ ປະ­ຈຳ ສປປ ລາວ ມີ: ເຕັ້ນ​ຄອບ­ຄົວ 10 ເຕັ້ນ 4 ໃບ​ມີດ​ຈັກ​ສະ​ຕິນ ຕັ່ງ​ພັບ 40 ໜ່ວຍ ເສື້ອ​ກັນ​ໜາວ 100 ຜືນ ພັດ​ລົມ 75 ໜ່ວຍ ຈັກ​ປັ່ນ​ໄຟ 2k 3 ໜ່ວຍ ເສື້ອ​ກັນ​ຝົນ 200 ຜືນ ເຕັ້ນ​ດ່ຽວ 60 ເຕັ້ນ ລວມ​ມູນ​ຄ່າ 100.000 ໂດ​ລາ​ສະ­ຫະ­ລັດ ເຊິ່ງ​ຈະ​ມອບ​ຜ່ານ​ອົງ­ການສະ­ຫະ​ປະ­ຊາ​ຊາດສຳ­ລັບ​ເດັກ (UNICEF) ແລະ ອົງ­ການບ້ານ​ຈຸດ​ສຸມ​ສາ­ກົນ (VFI) 10 ລ້ານ​ກີບ.

    ລັດ­ຖະ­ບານ ສປ ຈີນ ໄດ້​ນຳ​ເອົາ​ທີມ​ກູ້​ໄພ ຈຳ­ນວນ 100 ຄົນ ທີມ​ແພດ ແລະ ອຸ­ປະ­ກອນ​ການ​ແພດ ຈຳນວນ​ໜຶ່ງ ລັດ­ຖະ­ບານ​ຍີ່­ປຸ່ນ​ໄດ້​ຊ່ວຍ­ເຫຼືອ​ເຕັ້ນ ຜ້າ­ຫົ່ມ ແລະ ເຄື່ອງ​ບັນ­ເທົາ​ທຸກ​ອື່ນໆ ສຳ­ນັກ­ງານ​ໃຫຍ່ ອົງ­ການ​ສະ­ຫະ​ປະ­ຊາ​ຊາດ ເພື່ອ​ການ​ພັດ­ທະ­ນາ (UNDP) ຊ່ວຍ­ເຫຼືອ​ເງິນ 100.000 ໂດ​ລາ​ສະ­ຫະ­ລັດ ສູນ​ປະ­ສານ​ງານ​ອາ​ຊຽນ ​ເພື່ອ​ການ​ໃຫ້​ຄວາມ​ຊ່ວຍ­ເຫຼືອ​ດ້ານ​ມະ­ນຸດ­ສະ­ທຳ ​ໃນ​ການ​ຈັດ­ການ​ກັບ​ໄພ­ພິ­ບັດ (AHA Centre) ໄດ້​ບໍ­ລິ­ຈາກ​ເຄື່ອງ​ທຳ​ຄວາມ​ສະ­ອາດ​ຄົວ​ເຮືອນ 150 ຫົວ­ໜ່ວຍ ເຕັ້ນ​ຄອບ­ຄົວ 150 ເຕັ້ນ ຫີບ​ບັນ­ຈຸ​ເຄື່ອນ​ທີ່ (Mobile storage Unit) 1 ໜ່ວຍ ອຸ­ປະ­ກອນ​ສ້ອມ­ແປງ​ບ່ອນ​ພັກ​ເຊົາ​ຊົ່ວ­ຄາວ (Shelter repair kit) 100 ຊຸດ ມຸ້ງ 6.000 ດາງ ອຸ­ປະ­ກອນ​ທຳ​ຄວາມ​ສະ­ອາດ​ຄົວ​ເຮືອນ 6.000 ຊຸດ ຕຸກ​ໃສ່​ນ້ຳ (Jerrycan, semi-collapsible 10lt) 300 ໜ່ວຍ ເຮືອ​ກູ້​ໄພ 2 ລຳ.

    ນອກ­ຈາກ​ນີ້ ໂຄງ­ການ​ຊ່ວຍ­ເຫຼືອພັດ­ທະ­ນາ​ບ້ານ​ຂອງ​ອົງ­ການ​ທີ່​ບໍ່​ຂຶ້ນ​ກັບ​ລັດ­ຖະ­ບານ ກໍ່​ໄດ້​ນຳ​ເອົາ​ສິ້ນ​ແຕ້ມ 200 ຜືນ ໂສ້ງ 200 ຜືນ ຜ້າ​ຕາ­ໂລ້ 200 ຜືນ ຜ້າ​ຫົົ່ມ 200 ຜືນ ນົມ 200 ແພັກ ຄ່າ​ເຊົ່າ​ລົດ ແລະ ອາ­ຫານ​ເຊົ້າ ລວມ​ທັງ​ໝົດ 15.000.000 ກີບ ອົງ­ການ​ສົ່ງ­ເສີມ​ການ​ອ່ານ (Room to Read) 20 ລ້ານ​ກີບ ສູນ​ກາງ​ຊາວ​ໜຸ່ມ​ຫວຽດ­ນາມ 500 ລ້ານ​ດົງ (ຫຼາຍ​ກວ່າ 21.000 ໂດ​ລາ​ສະ­ຫະ­ລັດ) ທ່ານ ຈະ​ເຣີນ ສິ​ຣິ​ວັດ­ທະ­ນາ​ພັກ­ດີ ຜູ້​ສ້າງ­ຕັ້ງ​ບໍ­ລິ­ສັດ ໄທເບ​ເວີ​ເຣດ ໄດ້​ມອບ​ເຄື່ອງ​ແຫ້ງ​ປະ­ມານ 3 ຄັນ​ລົດ ມູນ​ຄ່າ 5 ລ້ານ​ບາດ ລັດ­ຖະ­ບານ​ອົດ​ສະ​ຕຣາ​ລີ ມອບ​ອຸ­ປະ­ກອນ​ຊ່ວຍ­ເຫຼືອ​ເປັນເຕັ້ນ​ພັກ​ອາ­ໄສ ວິດ­ຖ່າຍ​ເຄື່ອນ​ທີ່ ເຄື່ອງ​ສຸ​ຂະ​ອະ­ນາ­ໄມ ເຄື່ອງ­ໃຊ້​ຄອບ­ຄົວ ອຸ­ປະ­ກອນ​ການ​ແພດ ແລະ ອື່ນໆ ລວມ​ມູນ​ຄ່າ 800.000 ໂດ​ລາ​ອົດ​ສະ​ຕຣາ​ລີ ອົງ­ການ​ກາ­ຊາດ​ໄທ ມອບ​ເຄື່ອງ​ຊ່ວຍ​ບັນ­ເທົາ​ທຸກ 1.500 ຊຸດ ມູນ​ຄ່າ 1,7 ລ້ານ​ກວ່າ​ບາດ ແລະ ບໍ­ລິ­ສັດ SK ຂອງ ສ ເກົາ­ຫຼີ ມອບ​ເຄື່ອງ​ບັນ­ເທົາ​ທຸກ 5 ໂຕນ ມູນ​ຄ່າ 10.000.000 ໂດ​ລາ​ສະ­ຫະ­ລັດ.

ຂ່າວທີ່ກ່ຽວຂ້ອງ