ເຫັດ​ຫອມ ສະ​ໝຸນ​ໄພ ຊ່ວຍ​ເພີ່ມ​ພູມ​ຄຸ້ມ​ກັນ ແລະ ຕ້ານ​ມະ​ເຮັງ

107 30 ກ.ກ. 2018 ຂ່າວໜ້າ​ໜຶ່ງ
ເຫັດ​ຫອມ ສະ​ໝຸນ​ໄພ ຊ່ວຍ​ເພີ່ມ​ພູມ​ຄຸ້ມ​ກັນ ແລະ ຕ້ານ​ມະ​ເຮັງ

     ເຫັດຫອມ ເປັນເຫັດທີ່ມີໂປຕີນສູງ ແລະ ມີລາຄາຂ້ອນຂ້າງແພງ ນອກຈາກຈະໃຊ້ປຸງເປັນອາຫານທີ່ມີລົດແຊບຊ້ອຍແລ້ວ   ການບໍລິໂພກເປັນປະຈຳຍັງຊ່ວຍໃຫ້ຮ່າງກາຍ ແຂງແຮງ ຊ່ວຍຫຼຸດໄຂມັນໃນເສັ້ນເລືອດ ແລະ ຊ່ວຍເພີ່ມພູມຄຸ້ມກັນຕໍ່ເຊື້ອໄວຣັດ ແລະ ມະເຮັງອີກດ້ວຍສານສຳຄັນໃນເຫັດຫອມໄດ້ແກ່ສານຊື່ເລນຕິແນນ (Lentinan) Ac2P ແລະ ສານເອີຣິທາດີນີນ (eritadenine).

   ນອກຈາກນີ້ ໃນເຫັດຫອມຍັງພົບສານອາຫານຫຼາຍຊະນິດ ໄດ້ແກ່ໂປຕີນ ແລະ ນ້ຳຕານຊະນິດຕ່າງໆ ເຖິງວ່າເຫັດຫອມຈະເປັນເຫັດທີ່ມີໂປຣ ຕີນຕໍ່າກວ່າເຫັດຊະນິດອື່ນໆ ແຕ່ກໍ່ມີຫຼາຍກວ່າພືດຜັກຫຼາຍຊະນິດ ຍົກເວັ້ນພືດປະເພດຖົ່ວ ໃນເຫັດຫອມມີກົດອະມິໂນຢູ່ເຖິງ 21 ຊະນິດ ກົດອະມີໂນ ທີ່ພົບຫຼາຍທີ່ສຸດ ໄດ້ແກ່ກົດລູຕາມິກ ເຊິ່ງສານ ທີ່ສຳຄັນຕໍ່ຣົດຊາດຂອງເຫັດຫອມ ໃນເຫັດຫອມຍັງມີກົດອິນຊີຫຼາຍຊະນິດ ມີວິຕາມິນ B1 ແລະ B2 ສູງ ທັງຍັງເປັນເຫັດຊະນິດດຽວທີ່ມີວິຕາມິນດີສູງສາມາດຊ່ວຍບຳລຸງກະດູກ ແລະ ມີວິຕາມິນ E ອີກດ້ວຍ ເຫັດຫອມເປັນເຫັດທີ່ມີໂຊດຽມຕໍ່ທີ່ສຸດ ຈຶ່ງເໝາະຢ່າງຍິ່ງສຳລັບຜູ້ທີ່ເປັນໂລກກ່ຽວກັບໝາກໄຂ່ ຫຼັງ ນອກຈາກນີ້ຍັງມີທາດແຄນຊຽມຟອດສະຟໍລັດ

ແລະ ເຫຼັກ ຈຶ່ງຊ່ວຍເສີມກະດູກ ແລະ ແຂ້ວໃຫ້ແຂງແຮງ ເຫັດຫອມສາມາດບໍລິໂພກໄດ້ທັງສົດ ແລະ ແຫ້ງ ໂດຍທີ່ຄຸນຄ່າທາງອາຫານບໍ່ແຕກ ຕ່າງກັນ.

   ປັດຈຸບັນມີການຜະລິດນ້ຳເຫັດຫອມອອກຈຳໜ່າຍໃນຕະຫຼາດແລ້ວ ໂດຍສະເພາະຍີ່ປຸ່ນ ເອີ້ນນ້ຳຫອມນີ້ວ່າ ນ້ຳສະກັດຊີຕາເກະ (Shiitake extracts) ໃນວົງການແພດຖືວ່າ ເຫັດຫອມເປັນຢາອາຍຸວັດທະນະ ແລະ ຮັກສາໂຣກໄດ້ຫຼາຍຊະນິດ ປັດຈຸບັນໄດ້ມີການສຶກສາຄົ້ນຄວ້າສານຕ່າງໆໃນ ເຫັດຫອມກັນຫຼາຍ ໃນປະເທດຍີ່ປຸ່ນ ອາເມຣິກາ ແລະ ເຢຍລະມັນ ພົບວ່າເຫັດຫອມໃຫ້ປະໂຫຍດ ທັງໃນດ້ານອາຫານ ແລະ ຢາ.

 

ຂ່າວທີ່ກ່ຽວຂ້ອງ