ຂ່າວຫຼ້າສຸດ

ECB ຮັກສາ​ນະໂຍບາຍ​ໄວ້​ຄື​ໃນ​ປັດຈຸບັນ

138 30 ກ.ກ. 2018 ຂ່າວຕ່າງປະເທດ
ECB ຮັກສາ​ນະໂຍບາຍ​ໄວ້​ຄື​ໃນ​ປັດຈຸບັນ

     ເມື່ອ​ສິ້ນ​ສຸດ​ການ​ປະຊຸມ​ໃນ​ວັນ​ທີ 26 ກໍລະກົດ​ທີ່​ຜ່ານ​ມາ​ນັ້ນ ສະພາ​ຜູ້​ວ່າການ​ທະນາຄານ​ກາງ ເອີ​ຣົບ (ECB) ໄດ້​ຕົກລົງ​ຮັກສາ​ນະໂຍບາຍ​ທີ່​ໃຊ້​ຢູ່​ໃນ​ປັດຈຸບັນ​ນັ້ນ​ໄວ້ ຊຶ່ງ​ຕາມ​ນັ້ນແລ້ວ​ກໍ​ແມ່ນ​ຄົງ​ໄວ້ ຊຶ່ງ​ແຜນການ​ງົດ​ໂຄງການ​ຈັດ​ຊື້​ພັນທະບັດ​ຂອງ​ວິ​ສາ​ຫະ​ກິດ ແລະ​ ລັດຖະບານ ທີ່​​ີ​ມີ​ມູນ​ຄ່າ​ຫຼາຍ​ສິບ​ຕື້​ເອີ​ໂຣ ໃນ​ແຕ່​ລະ​ເດືອນ ເມື່ອ​ສິ້ນ​ສຸດ​ປີ 2018 ແລະ ​ຮັກສາ​ອັດຕາ​ດອກ​ເບ້ຍ​ຕົ້ນຕໍ​ຢູ່​ທີ່​ລະດັບ​ຕ່ຳ ເປັນ​ປະຫວັດສາດ ຢ່າງ​ໜ້ອຍ​ກໍ​ແມ່ນ​ຜ່ານ​ລະດູແລ້ງ​ປີ 2019.

    ຢູ່​ໃນ​ກອງ​ປະຊຸມ​ດັ່ງກ່າວ ECB ໄດ້​ຮັກສາ​ດອກ​ເບ້ຍ​ການ​ກັບ​ມາ​ສະໜອງ​ທຶນ​ຢູ່​ທີ່​ລະດັບ  0% ດອກ​ເບ້ຍ​ເງິນ​ກູ້​ທີ່ 0,25% ແລະ​ດອກ​ເບ້ຍ​ເງິນ​ຝາກ​ທີ່ -0,4%.

    ການ​ປະຊຸມ​ດັ່ງກ່າວ​ຂອງ ECB ມີ​ຂຶ້ນ​ພຽງ 1 ວັນ​ຫຼັງ​ຈາກ​ທີ່​ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ແລະ ທ່ານ ເຈນ ຄລາວ ຈັງ​ເກີ ປະທານ​ຄະນະ​ກຳມະການ​ເອີ​ຣົບ  (EC) ພົບ​ປະ​ເຈລະຈາ​ກັນ​ຢູ່​ທີ່​ນະຄອນຫຼວງ ວໍ​ຊິງ​ຕັນ ໂດຍ​ສອງ​ຝ່າຍ​ໄດ້​ເຫັນ​ດີ​ເປັນ​ເອກະສັນ​ກັນ ໃນ​ການ​ຮ່ວມ​ມື​ເພື່ອ​ປັດ​ເປົ່າ​ພາສີ​ອາກອນ ແລະ​ຮົ້ວ​ກີດ​ກັນ​ການ​ຄ້າ ເປັນ​ການ​ຊ່ວຍ​ຫຼຸດຜ່ອນ​ຄວາມ ເຄັ່ງ​ຕຶງ​ໃນ​ປັດຈຸບັນ ລະຫວ່າງ ສ ອາ​ເມ​ຣິ​ກາ ກັບ ສະຫະພາບ​ເອີ​ຣົບ (EU).

 

ຂ່າວທີ່ກ່ຽວຂ້ອງ