ຂ່າວຫຼ້າສຸດ

ກອງ​ເຊຍ​ທີ່​ມີ Fan ID ຈະ​ໄດ້​ຮັບ​ການ​ຍົກ​ເວ​​ົ້​ນວີ​ຊາ​ເຂົ້າ​ຣັດ​ເຊຍ​ໄປ​ຮອດ​ທ້າຍ​ປີ​ນີ້

182 30 ກ.ກ. 2018 ຂ່າວຕ່າງປະເທດ
ກອງ​ເຊຍ​ທີ່​ມີ Fan ID ຈະ​ໄດ້​ຮັບ​ການ​ຍົກ​ເວ​​ົ້​ນວີ​ຊາ​ເຂົ້າ​ຣັດ​ເຊຍ​ໄປ​ຮອດ​ທ້າຍ​ປີ​ນີ້

    ເມື່ອ​ວັນ​ທີ 26 ກໍລະກົດ​ທີ່​ຜ່ານ​ມາ ສະພາ​ດູ​ມາ​ແຫ່ງ​ຊາດ (ສະພາ​ຕ່ຳ) ຣັດ​ເຊຍ ໄດ້​ຮັບຮອງ ຮ່າງ​ກົດໝາຍ ກ່ຽວ​ກັບ​ການ​ເຂົ້າ​ເມືອງ​ຢ່າງ​ເສລີ​ໄປ​ໃນ​ຣັດ​ເຊຍ ສຳລັບ​ຜູ້​ທີ່​ມີ​ໃບຢັ້ງຢືນ​ວ່າ​ເປັນ​ຜູ້ ທີ່​ມີ​ຄວາມ​ມັກ (Fan ID) ແຕ່​ນີ້​ໄປ​ຮອດ​ທ້າຍ​ປີ 2018.

    ໃບ​ສະເໜີ​ທີ່​ຄັດ​ຕິດ​ກົດໝາຍ​ໃໝ່​ນັ້ນ ຊີ້​ແຈງ​ວ່າ ຮ່າງ​ກົດໝາຍ​ໄດ້​ຮັບ​ການ​ຮ່າງ​ຂຶ້ນ​ມາ ໂດຍ​ອີງໃສ່​ບົດຮຽນ​ການຈັດຕັ້ງ​ຢ່າງ​ສຳເລັດ​ຜົນ ຂອງ​ງານ​ມະຫາ​ກຳ​ກິລາ World Cup 2018 ແລະ ​ບໍ່​ຮຽກຮ້ອງ​ຄ່າ​ໃຊ້​ຈ່າຍ​ເພີ່ມ​ເຕີມ​ຈາກ​ງົບປະມານ​ສ່ວນ​ກາງ. ກົດໝາຍ​ໃໝ່​ດັ່ງກ່າວ ແມ່ນ​ເພື່ອ ເປົ້າ​ໝາຍ​ການ​ເພີ່ມ​ເຕີມ​ກະແສ​ນັກ​ທ່ອງ​ທ່ຽວ ເຂົ້າ​ໄປ​ທ່ອງ​ທ່ຽວ​ໃນ​ຣັດ​ເຊຍ.

    ກົດໝາຍ​ໃໝ່ ທີ່​ເປັນ​ແນວ​ຄິດ​ລິ​ເລີ່ມ​ຂອງ​ປະທານາທິບໍດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ນັ້ນ ລະບຸ​ວ່າ ແຕ່​ນີ້​ໄປ​ຮອດ​ເວລາ​ສິ້ນ​ສຸດ​ຂອງ​ວັນ​ທີ 31 ທັນວາ 2018 ການ​ເຂົ້າ-ອອກ​ເມືອງ ຂອງ​ນັກ​ທ່ອງ​ທ່ຽວ​ທີ່​ໄດ້​ໄປ​ຊົມ​ການ​ແຂ່ງຂັນ​ຕ່າງໆ​ຂອງ World Cup 2018 ແມ່ນ "ໄດ້​ຮັບ​ການ ປະຕິບັດ​ໂດຍ​ບໍ່​ຈຳເປັນ​ເຖິງ​ວີ​ຊາ ຕາມ​ເອກະສານ​ຢັ້ງຢືນ​ເຖິງ​ຢາດ​ຕິ​ພີ່ນ້ອງ ແລະ ​ໄດ້​ຮັບ​ການ​ຮັບ​ຮູ້ ຈາກ​ຣັດ​ເຊຍ ວ່າ​ເປັນ Fan ID." ນອກຈາກ​ນັ້ນແລ້ວ ໃນ​ໄລຍະ​ເວລາ​ດຽວ​ກັນ ຍາດຕິ​ພີ່ນ້ອງ​ຂອງ​ຜູ້​ທີ່​ມີ Fan ID ກໍ​ອາດ​ສາມາດ​ໄດ້​ຮັບ​ວີ​ຊາ​ເຂົ້າ​ເມືອງ​ໂດຍ​ບໍ່​ເສຍ​ຄ່າ​ດ້ວຍ.

    ຕົວ​ເລກ​ຈາກ​ຄະນະ​ກຳ​ມະ​ການຈັດຕັ້ງ​ງານ World Cup ຂອງ​ຣັດ​ເຊຍ ໃຫ້​ຮູ້​ວ່າ ລວມ​ແລ້ວ ມີ​ຊາວ​ຕ່າງປະເທດ​ເກືອບ 1 ລ້ານ​ຄົນ ໄດ້​ເດີນທາງ​ເຂົ້າ​ໄປ​ໃນ​ຣັດ​ເຊຍ ໃນ​ໄລຍະ​ທີ່​ດຳເນີນ ການ​ແຂ່ງຂັນ World Cup 2018.  ປະລິມານ​ຄົນ​ຕ່າງປະເທດ ທີ່​ເຂົ້າ​ໄປ​ຊົມ​ການ​ແຂ່ງຂັນ​ນັດ​ຕ່າງໆ ຂອງ World Cup 2018 ມີ 570.000 ຄົນ ແລະ ​ເຂົາເຈົ້າ​ໄດ້​ໃຊ້​ຈ່າຍ​ເງິນ​ກວ່າ 1,5 ຕື້​ໂດ​ລາ ສະຫະລັດ.

 

ຂ່າວທີ່ກ່ຽວຂ້ອງ