ຂ່າວຫຼ້າສຸດ

ສ ອາ​ເມ​ຣິ​ກາ - EU ເຫັນ​ດີ​ນຳ​ກັນ​ກ່ຽວ​ກັບ​ການ​ຫຼຸດ​ຮົ້ວ​ກີດ​ກັນ​ການ​ຄ້າ

200 27 ກ.ກ. 2018 ຂ່າວຕ່າງປະເທດ
ສ ອາ​ເມ​ຣິ​ກາ - EU  ເຫັນ​ດີ​ນຳ​ກັນ​ກ່ຽວ​ກັບ​ການ​ຫຼຸດ​ຮົ້ວ​ກີດ​ກັນ​ການ​ຄ້າ

     ສ ອາ​ເມ​ຣິ​ກາ ແລະ ສະຫະພາບ​ເອີ​ຣົບ (EU) ໄດ້​ເຫັນ​ດີ​ເປັນ​ເອກະສັນ​ກັນ ໃນ​ຕອນ​ຮຸ່ງ​ເຊົ້າ ຂອງ​ວັນ​ທີ 26 ກໍລະກົດ​ນີ້ ກ່ຽວ​ກັບ​ການ​ຫຼຸດຜ່ອນ​ຮົ້ວ​ກີດ​ກັນ​ທາງ​ດ້ານ​ການ​ຄ້າ ລະຫວ່າງ​ສອງ​ຝ່າຍ. ການ​ເຫັນ​ດີ​ນຳ​ກັນ​ດັ່ງກ່າວ ມີ​ອອກ​ມາ​ຢູ່​ໃນ​ຖະແຫຼງການ​ຫຼັງ​ການ​ພົບ​ປະ​ລະຫວ່າງ​ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ກັບ​ທ່ານ ເຈນ ຄລາວ ຈັງ​ເກີ ປະທານ​ສະພາ​ເອີ​ຣົບ ຊຶ່ງ​ມີ​ຂຶ້ນ​ຢູ່​ທີ່ ທຳ​ນຽບ​ຂາວ.

    ປະທານາທິບໍດີ ທຣຳ ກ່າວ​ຕໍ່​ກອງ​ປະຊຸມ​ຖະແຫຼງ​ຂ່າວ ຫຼັງ​ການ​ພົບ​ປະ​ດັ່ງກ່າວ​ວ່າ ສອງ​ຝ່າຍ ໄດ້​ເຫັນ​ດີ​ເປັນ​ເອກະສັນ​ກັນ​ວ່າ “ໄລຍະ​ໃໝ່” ໃນ​ການ​ພົວພັນ​ແບບ​ສອງ​ຝ່າຍ ກໍ​ຄື​ການ​ປະສານ​ສົບ​ທົບ ມຸ່ງ​ໄປ​ສູ່​ເປົ້າ​ໝາຍ​ບໍ່​ມີ​ພາສີ​ອາກອນ ບໍ່​ມີ​ຮົ້ວ​ກີດ​ກັນ​ຕໍ່​ການ​ປອດ​ພາສີ​ອາກອນ ແລະ ​ບໍ່​ອູດ​ໜູນ ຢູ່​ໃນ​ຂົງເຂດ​ສິນຄ້າ​ອຸດສາຫະກຳ​ທີ່​ບໍ່​ອັດຕະໂນມັດ.

    ສອງ​ຝ່າຍ​ກໍ​ເຫັນ​ດີ​ເປັນ​ເອກະສັນ​ກັນ ໃນ​ການ​ປະສານ​ສົມທົບ ເພື່ອ​ເພີ່ມ​ທະວີ​ການ​ຄ້າ ໃນ​ຂົງເຂດ​ການ​ບໍລິການ ເຄ​ມີ​ທາດ ຜະລິດ​ຕະ​ພັນ​ການ​ຢາ​ດ້ານ​ການ​ແພດ ແລະ​ຖົ່ວເຫຼືອງ. ຊຶ່ງ​ຕາມ​ນັ້ນແລ້ວ​ກໍ​ແມ່ນ EU ຈະ​ເລີ່ມ​ການ​ຊີ້​ຖົ່ວເຫຼືອງ​ຈາກ ສ ອາ​ເມ​ຣິ​ກາ.

    ນອກຈາກ​ນັ້ນແລ້ວ ປະທານາທິບໍດີ ທຣຳ ກໍ​ຢືນຢັນ​ວ່າ ສອງ​ຝ່າຍ​ຈະ​ແກ້​ໄຂ​ບັນຫາ ທີ່​ພົວພັນ​ເຖິງ​ພາສີ​ກັບ​ອາ​ລູ​ມີ​ນຽມ ແລະ ​ເຫຼັກ​ກ້າ ແລະ​ມາດ​ຕະການ​ຕອບ​ໂຕ້​ແບບ​ສອງ​ຝ່າຍ ທີ່​ມີ​ຢູ​​ີ່​ໃນ​ປັດຈຸບັນ​ນັ້ນ​ອີກ​ດ້ວຍ.

   ທາງ​ດ້ານ​ທ່ານ ເຈນ ຄລາວ ຈັງ​ເກີ ເວົ້າ​ວ່າ ໃນ​ການ​ພົບ​ປະ​ກັບ​ປະທານາທິບໍດີ ທຣຳ ແກ່ຍາວ​ເປັນ​ເວລາ​ກວ່າ 2 ຊົ່ວໂມງ​ນັ້ນ ສອງ​ຝ່າຍ​ໄດ້​ກຳນົດ​ເຖິງ​ບາງ​ຂົງເຂດ​ການ​ຮ່ວມ​ມື ໃນ​ການ​ມຸ່ງ​ໄປ​ສູ່​ການ​ບໍ່​ມີ​ພາສີ​ອາກອນ​ສຳລັບ​ສິນຄ້າ​ອຸດສາຫະກຳ. ສອງ​ຝ່າຍ​ກໍ​ເຫັນ​ດີ​ນຳ​ກັນ​ກ່ຽວ​ກັບ ການ​ຮ່ວມ​ມື​ໃນ​ຂົງເຂດ​ພະລັງງານ ແລະ EU ຈະ​ນຳ​ເຂົ້າ​ແກ​​ັສ​ແຫຼວ​ເພີ່ມ​ເຕີມ​ຈາກ ສ ອາ​ເມ​ຣິ​ກາ. ນອກຈາກ​ນັ້ນແລ້ວ  EU ແລະ ສ ອາ​ເມ​ຣິ​ກາ ກໍ​ເຫັນ​ດີ​ນຳ​ກັນ​ກ່ຽວ​ກັບ​ການ​ເຈລະຈາ ກ່ຽວ​ກັບ​ມາດຖານ​ຕ່າງໆ.

 

ຂ່າວທີ່ກ່ຽວຂ້ອງ