ຂ່າວຫຼ້າສຸດ

ອີ​ຣານ ປະກາດ​ບໍ່​ເຂົ້າ​ຮ່ວມ​ການ​ເຈລະຈາ​ທີ່​ບໍ່​ຍຸຕິ​ທຳ​ກັບ ສ ອາ​ເມ​ຣິ​ກາ

182 27 ກ.ກ. 2018 ຂ່າວຕ່າງປະເທດ
ອີ​ຣານ ປະກາດ​ບໍ່​ເຂົ້າ​ຮ່ວມ​ການ​ເຈລະຈາ​ທີ່​ບໍ່​ຍຸຕິ​ທຳ​ກັບ ສ ອາ​ເມ​ຣິ​ກາ

     ສຳນັກ​ຂ່າວສານ Tasnim ລາຍ​ງານ​ວ່າ ໂຄສົກ​ກະຊວງ​ການ​ຕ່າງປະເທດ​ອີ​ຣານ ບາ​ຣາມ ກາ​​ສ​ເຊ​ມີ ຖະແຫຼງ​ເມື່ອ​ວັນ​ທີ 25 ກໍລະກົດ​ນີ້​ວ່າ ອີ​ຣານ​ຈະ​ບໍ່​ມີ​ວັນ​ເຂົ້າ​ຮ່ວມ​ການ​ເຈລະຈາ ທີ່​ບໍ່​ມີ​ຄວາມ​ຍຸຕິ​ທຳ​ກັບ ສ ອາ​ເມ​ຣິ​ກາ ຍ້ອນ​ວ່າ​ຖືກ​ຄຸກ​ຄາມ.

    ການ​ຖະແຫຼງ​ດັ່ງກ່າວ ເບິ່ງ​ຄື​ວ່າ​ເປັນ​ປະຕິກິລິຍາ​ຂອງ​ອີ​ຣານ ທີ່​ມີ​ຕໍ່​ຄຳ​ຖະແຫຼງ​ຂອງ ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ເມື່ອ​ວັນ​ທີ 24 ກໍລະກົດ ທີ່​ເວົ້າ​ວ່າ ຜູ້ນຳ ສ ອາ​ເມ​ຣິ​ກາ ພ້ອມ​ໃນ​ການ “ປະຕິບັດ​ຂໍ້​ຕົກລົງ​ທີ່ແທ້​ຈິງ” ກັບ​ອີ​ຣານ.

    ໃນ​ຂະນະ​ດຽວ​ກັນ ສຳນັກ​ຂ່າວສານ IRNA ຂອງ​ອີ​ຣານ ລາຍ​ງານ​ວ່າ ທ່ານ ກາ​​ສ​ເຊ​ມີ ກໍ​ຍັງ​ເວົ້າ​ອີ​ກວ່າ ອີ​ຣານ​ໄດ້​ສົ່ງ​ຈົດໝາຍ​ຄັດຄ້ານ​ຢ່າງ​ເປັນ​ທາງ​ການ​ສະບັບ​ໜຶ່ງ ໄປ​ຍັງ​ສະຖານທູດ ສະ​ວິດ ປະຈຳ ເຕ​ເຮ​ຣານ ຊຶ່ງ​ເປັນ​ສະຖານທີ່​ຕົວ​ແທນ​ຂອງ​ການ​ພົວພັນ​ທາງ​ດ້ານ​ການ​ທູດ ລະຫວ່າງ ສ ອາ​ເມ​ຣິ​ກາ ກັບ​ອີ​ຣານ. ການ​ຄັດຄ້ານ​ນີ້ ພົວພັນ​ເຖິງ​ບົດ​ປາ​ໄສ​ຂອງ​ທ່ານ ໄມ ພອມ​ແພວ ລັດຖະມົນຕີ​ການ​ຕ່າງປະເທດ ສ ອາ​ເມ​ຣິ​ກາ  ຢູ່​ທີ່​ລັດ​ຄາ​ລີ​ຟໍ​ເນຍ ເມື່ອ​ວັນ​ທີ 22 ກໍລະກົດ ຊຶ່ງ​ໃນ​ນັ້ນ​ເຂົາ​ໄດ້​ປຽບທຽບ​ບັນດາ​ຜູ້ນຳ​ຂອງ​ອີ​ຣານ ກັບ “ມາ​ເຟຍ”.

 

ຂ່າວທີ່ກ່ຽວຂ້ອງ