ເບ​ລາ​ຣຸ​​ສ ຍົກເວັ້ນ​ວີ​ຊາ​ເຂົ້າ​ເມືອງ​ຂອງ​ຄົນ​ຕ່າງປະເທດ ບໍ່​ເກີນ 30 ວັນ

160 27 ກ.ກ. 2018 ຂ່າວຕ່າງປະເທດ
ເບ​ລາ​ຣຸ​​ສ ຍົກເວັ້ນ​ວີ​ຊາ​ເຂົ້າ​ເມືອງ​ຂອງ​ຄົນ​ຕ່າງປະເທດ ບໍ່​ເກີນ 30 ວັນ

    ເມື່ອ​ວັນ​ທີ 24 ກໍລະກົດ​ນີ້ ປະທານາທິບໍດີ​ເບ​ລາ​ຣຸ​​ສ ອາ​ເລັກ​ຊານ​ເດີ​​ຣ ລູ​ກາ​ເຊນ​ໂກ ໄດ້​ລົງ​ນາມ​ໃນ​ດຳລັດ ວ່າ​ດ້ວຍ​ການ​ແກ່ຍາວ​ເວລາ​ເຂົ້າ​ເມືອງ​ທີ່​ໄດ້​ຮັບ​ການ​ຍົກເວັ້ນ​ວີ​ຊາ​ຂຶ້ນ​ເປັນ 30 ວັນ ສຳລັບ​ຄົນ​ຕ່າງປະເທດ ທີ່​ເດີນ​ເຂົ້າ​ໄປ​ໃນ​ເບ​ລາ​ຣຸ​​ສ ຜ່ານ​ສະໜາມ​ບິນ​ສາກົນ ມິນ​​ສກ໌.

    ເພື່ອ​ເຂົ້າ​ເມືອງ​ໂດຍ​ບໍ່​ຈຳເປັນ​ມີ​ວີ​ຊາ​ນັ້ນ ຄົນ​ຕ່າງປະເທດ​ຕ້ອງ​ມີ​ໜັງສືຜ່ານແດນ (ປັດ​ສະ​ປໍ) ປະກັນ​ໄພ​ການ​ແພດ ແລະ​ມີ​ເງິນ​ຢ່າງ​ໜ້ອຍ 25 ໂດ​ລາ​ສະຫະລັດ ສຳລັບ​ແຕ່​ລະ​ວັນ ທີ່​ອາໄສ​ຢູ່​ໃນ  ເບ​ລາ​ຣຸ​​ສ. ນອກຈາກ​ນັ້ນແລ້ວ ຖ້າ​ອາໄສ​ຢູ່​ໃນ​ເບ​ລາ​ຣຸ​​ສ ກວ່າ 5 ວັນ​ເຮັດ​ວຽກ ແມ່ນ​ຄົນ​ຕ່າງປະເທດ ຕ້ອງ​ໄດ້​ໄປ​ຂຶ້ນ​ທະບຽນ​ກັບ​ອຳນາດ​ການ​ປົກຄອງ​ທ້ອງຖິ່ນ ບ່ອນ​ທີ່​ຕົນ​ອາໄສ​ຢູ່.

    ນັບ​ແຕ່​ວັນ​ທີ 12 ກຸມພາ ປີ 2017 ເປັນຕົ້ນ​ມາ ພົນລະເມືອງ​ຂອງ 80 ປະເທດ ສາມາດ​ທີ່​ຈະ​ເຂົ້າ​ເມືອງ​ໄປ​ໃນ​ເບ​ລາ​ຣຸ​​ສ ໄດ້ 5 ວັນ ໂດຍ​ບໍ່​ຈຳເປັນ​ມີ​ວີ​ຊາ.

 

ຂ່າວທີ່ກ່ຽວຂ້ອງ