ຂ່າວຫຼ້າສຸດ

ອົດ​ສະຕຣາລີ ສືບສວນ​ສອບ​ສວນຂັ້ນ​ຕອນ​ຄວາມ​ປອດ​ໄພ​ການບິນ​ຂອງ Malaysia Airlines

232 27 ກ.ກ. 2018 ຂ່າວຕ່າງປະເທດ
ອົດ​ສະຕຣາລີ ສືບສວນ​ສອບ​ສວນຂັ້ນ​ຕອນ​ຄວາມ​ປອດ​ໄພ​ການບິນ​ຂອງ Malaysia Airlines

   ເມື່ອ​ວັນ​ທີ 25 ກໍລະກົດ​ນີ້ ອົງການ​ຄວາມ​ປອດ​ໄພ​ດ້ານ​ການ​ຄົມມະນາຄົມ​ຂອງ​ອົດ​ສະຕຣາລີ (ATSB) ​ໄດ້​ເປີດ​ການ​ສືບສວນ​ສອບ​ສວນ ກ່ຽວ​ກັບ​ຂັ້ນຕອນ​ດ້ານ​ຄວາມ​ປອດ​ໄພ ກັບ​ຖ້ຽວ​ບິນ​ໜຶ່ງ​ຂອງ​ບໍລິສັດ​ການບິນ Malaysia Airlines (ຂອງມາເລເຊຍ) ຫຼັງ​ຈາກ​ທີ່​ເກືອບ​ຈະ​ເກີດ​ອຸບັດ​ເຫດ​ຮ້າຍ​ແຮງ.

    ເມື່ອ​ວັນ​ທີ 18 ກໍລະກົດ​ທີ່​ຜ່ານ​ມາ ​ເຮືອບິນ A330-200 ຂອງ​ບໍລິສັດ​ການບິນ Malaysia Airlines ທີ່​ມີ​ເລກ​ໝາຍ​ຖ້ຽວ​ບິນ MH134 ຊຶ່ງ​ບັນທຸກ​ຜູ້​ໂດຍສານ ​ແລະ​ຈຸ​ບິນ​ລວມ 226 ຄົນ ຕ້ອງ​ໄດ້​ບິນ​ກັບຄືນ​ໄປ​ທີ່​ສະໜາມ​ບິນ ບຣິ​ສ​ເບ​ນ  (Brisbane) ຂອງ​ອົດ​ສະຕຣາລີ ຫຼັງ​ຈາກ​ທີ່​ບິນ​ຂຶ້ນ​ບໍ່​ດົນ. ໃນເຫດການນີ້ ​ໂມງ​ແທກ​ລະດັບ​ຄວາມ​ໄວ​ຂອງ​ເຮືອບິນ​ດັ່ງກ່າວ ບໍ່​ໄດ້​ເຄື່ອນ​ໄຫວ​ໃນ​ເວລາ​ທີ່​ເຮືອບິນ​ບິນ​ຂຶ້ນ ​ເຮັດ​ໃຫ້​ນັກ​ບິນ​ຕ້ອງ​ໄດ້​ປ່ອຍ​ເຊື້ອ​ໄຟ ​ແລະ​ກັບ​ຄືນ​ໄປ​ຍັງ ບຣິສ​ເບ​ນ.

     ຫຼັງ​ຈາກ​ບິນ​ລົງ​ຈອດ​ສຸກ​ເສີນ​ຍ​ແລ້ວ ​ເຮືອບິນ​ລຳ​ດັ່ງກ່າວ ກໍ​ບໍ່​ສາມາດ​ທີ່​ກັບ​ໄປ​ທີ່​ປະຕູ​ຈອດເຮືອບິນ ​ເຮັດ​ໃຫ້​ຕ້ອງ​ໄດ້​ປິດ​ທາງ​ແລ່ນ​ຂອງ​ເຮືອບິນ​ເປັນ​ເວລາ 90 ນາທີ. ການ​ສືບສວນ​ເບື້ອງ​ຕົ້ນ​ເຫັນ​ວ່າ ​ເຫດການ​ດັ່ງກ່າວ​ເກີດ​ຂຶ້ນ ​ແມ່ນ​ຍ້ອນພວກ​ແຜງ​ບັງ​ທໍ່ Pitot ທີ່​ເປັນ​ອຸປະກອນ​ວັດ​ແທກ​ຄວາມ​ໄວ​ຂອງ​ລົມ ​ແລະ​ລະດັບ​ຄວາມ​ສູງນັ້ນບໍ່​ໄດ້​ເອົາ​ອອກ​ໄປ. ຄວາມ​ປິດ​ພາດ​ຄື​ດັ່ງກ່າວ ກໍ​ເປັນສາ​ເຫດ​ທີ່​ນຳ​ໄປ​ສູ່​ຖ້ຽວ​ບິນ 447 ຂອງ​ບໍລິສັດ​ການບິນ Air France ຕົກລົງ​ໃນ​ມະຫາ​ສະໝຸດ​ອັດ​ລັງ​ຕິກ ​ເມື່ອ​ປີ 2009 ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 228 ຄົນ.

    ເຫດການ​ດັ່ງກ່າວ​ເກີດ​ຂຶ້ນ​ພຽງໜຶ່ງ​ເດືອນ ຫຼັງ​ຈາກ​ທີ່ Malaysia Airlines ​ເຊື່ອມ​ຕໍ່​ເສັ້ນທາງ​ບິນລະຫວ່າງ ບຣິສ​ເບ​ນ ກັບ ​ກົວ​ລາ ລຳ​ເປີ ທີ່​ຖືກ​ງົດ​ໄປ​​ເປັນ​ການ​ຊົ່ວຄາວ ເມື່ອ​ປີ 2014.

 

ຂ່າວທີ່ກ່ຽວຂ້ອງ