ຂ່າວຫຼ້າສຸດ

ກອງ​ທຶນ​ການ​ລົງທຶນ​ແຫ່ງ​ຊາດ​ກູ​ເວດ​ຄາດ​ວ່າ​ຈະ​ຊື້​ເອົາ​ບໍລິສັດ​ຂອງ​ເອກະ​ຊົນ ມູນ​ຄ່າ​ເກືອບ 2 ຕື້​ໂດ​ລາ

129 27 ກ.ກ. 2018 ຂ່າວຕ່າງປະເທດ
ກອງ​ທຶນ​ການ​ລົງທຶນ​ແຫ່ງ​ຊາດ​ກູ​ເວດ​ຄາດ​ວ່າ​ຈະ​ຊື້​ເອົາ​ບໍລິສັດ​ຂອງ​ເອກະ​ຊົນ ມູນ​ຄ່າ​ເກືອບ 2 ຕື້​ໂດ​ລາ

     Wren House ຊຶ່ງ​ເປັນ​ກອງ​ທຶນ​ການ​ລົງທຶນ​ພື້ນຖານ​ໂຄງ​ລ່າງ ມີ​ສຳນັກງານ​ຕັ້ງ​ຢູ່​ລອນ​ດອນ ແລະ​ຂຶ້ນ​ກັບ​ອົງການ​ພັດທະນາ​ກູ​ເວດ  (KIA) ທີ່​ເປັນ​ກອງ​ທຶນ​ຊັບ​ສິນ​ແຫ່ງ​ຊາດ​ຂອງ​ກູ​ເວດ ເຮັດ​ສະເພາະ​ການ​ລົງທຶນ​ຕ່າງປະເທດ ນັ້ນ​ໄດ້​ແຈ້ງ​ໃຫ້​ຮູ້​ວ່າ ກອງ​ທຶນ​ນີ້​ໄດ້​ເຫັນ​ດີ​ຊື້​ເອົາ​ບໍລິສັດ​ທໍ່​ນ້ຳມັນ ແລະ​ແກ​​ັສ North Sea Midstream Partners (NSMP) ຈາກ​ບໍລິສັດ​ຫຸ້ນ​ສ່ວນ ArcLight Capital ຂອງ​ພາກ​ເອກະ​ຊົນ.

    Wren House ປະຕິເສດ​ທີ່​ຈະ​ເປີດເຜີຍ​ຂໍ້ຄວາມ​ດ້ານ​ການ​ເງິນ​ຂອງ​ການ​ຊື້​ຂາຍ​ນີ້. ເຖິງ​ຢ່າງໃດ​ກໍ​ຕາມ ມີ​ສອງ​ແຫຼ່ງ​ຂ່າວ​ໃຫ້​ຂໍ້​ມູນ​ຕໍ່​ສຳນັກ​ຂ່າວສານ​ຣອຍ​ເຕີ ວ່າ Wren House ຈ່າວ​ຊື້ NSMP ໃນ​ລາຄາ​ປະມານ 1,3 ຕື້​ປອນ (ເທົ່າ​ກັບ​ປະມານ 1,7 ຕື້​ໂດ​ລາ​ສະຫະລັດ) ແລະ​ວ່າການ​ຊື້​ຂາຍ​ນີ້​ຈະ​ສຳເລັດ​ພາຍ​ໃນ​ປີ​ນີ້.

    ສະ​ຖາ​ບັນ​ຄົ້ນຄວ້າ​ການ​ລົງທຶນ​ແຫ່ງ​ຊາດ (SWFI) ຈັດ​ອັນ​ດັບ KIA ວ່າ​ເປັນ​ກອງ​ທຶນ​ການ​ລົງທຶນ​ໃຫຍ່​ອັນ​ດັບ​ສີ່​ຂອງ​ໂລກ (ຄຸ້ມ​ຄອງ​ຢູ່ 592 ຕື້​ໂດ​ລາ​ສະຫະລັດ) ໂດຍ​ເປັນ​ຮອງ​ຈາກ​ກອງ​ທຶນ​ການ​ລົງທຶນ​ຂະໜາດ​ໃຫຍ່​ອື່ນໆ​ຂອງ​ນອກ​ແວ ຈີນ ແລະ​ສະຫະລັດ ອາ​ຣັບ ເອ​ມີ​ເຣດ (UAE).

     ໃນ​ຂະນະ​ດຽວ​ກັນ NSMP ໄດ້​ຮັບ​ການ​ກຳນົດ​ລາຄາ​ທີ່​ປະມານ 1,2-1,3 ຕື້​ປອນ (ເທົ່າ​ກັບ​ປະມານ 1,6-1,7 ຕື້​ໂດ​ລາ​ສະຫະລັດ). NSMP ຄອບ​ຄອງ 67% ຂອງ​ຈຳນວນ​ຫຸ້ນ​ສ່ວນ​ຢູ່​ໃນ​ທໍ່​ສົ່ງ​ແກ​​ັສ SIRGE ຊຶ່ງ​ຈັດ​ສົ່ງ​ແກ​​ັສ​ທຳ​ມະ​ຊາດ​ຈາກ​ເຂດ ເຊັດ​ແລນ​ຕາເວັນຕົກ ແລະ 100% ຂອງ​ຈຳນວນ​ຫຸ້ນ​ສ່ວນ​ຢູ່​ໃນ​ທໍ່​ສົ່ງ​ແກ​​ັສ FUKA ທີ່​ເປັນ​ການ​ສົ່ງຕໍ່​ແກ​​ັສ​ຈາກ​ທໍ່​ສົ່ງ SIRGE ແລະ​ບໍ່​ແກ​​ັສ​ຫຼາຍ​ແຫ່ງ​ທີ່​ແຕກ​ຕ່າງ​ກັນ ຢູ່​ໃນ​ເຂດ​ທະເລ​ເໜືອ. NSMP ຍັງ​ຄອບ​ຄອງ​ໂຮງງານ​ແກ​​ັສ St. Fergus Gas ແລະ​ໂຮງງານ​ບຳບັດ​ແກ​​ັສ Teesside ອີກ​ດ້ວຍ.

 

ຂ່າວທີ່ກ່ຽວຂ້ອງ