ຂ່າວຫຼ້າສຸດ

ສະມາຄົມເຕະບານໄທ ມອບນໍ້າດື່ມຊ່ວຍໄພນໍ້າຖ້ວມທີ່ ສປປ ລາວ

160 27 ກ.ກ. 2018 ວົງຈອນກີລາ
ສະມາຄົມເຕະບານໄທ ມອບນໍ້າດື່ມຊ່ວຍໄພນໍ້າຖ້ວມທີ່ ສປປ ລາວ

ສະມາຄົມກີລາເຕະບານ​ໄທ​ ​ໄດ້ປະສານງານມາ​ເຖິງສະຫະພັນ​ເຕະບານ​ແຫ່ງ​ຊາດລາວ ​ເພື່ອສົ່ງນ້ຳດື່ມຈໍານວນ​ 50.000​ ຕຸກ ຊ່ວຍຜູ້ປະສົບອຸທົກກະ​ໄພ ທີ່ ສປປ ລາວ.

          ທ່ານ ພົນຕໍາ​ລວດ​ເອກ ດຣ. ສົມຍົດ ພຸ່ມພັນມ່ວງ ປະທານສະມາຄົມກີລາ​ເຕະບານແຫ່ງປະເທດໄທ ໄດ້ດຳເນິນການໃຫ້ການຊ່ວຍເຫຼືອແກ່ຜູ້ປະສົບອຸທົກກະ​ໄພເຂື່ອນແຕກທີ່ ສປປ ລາວ​ ໂດຍໃຫ້ເຈົາໜ້າທີ່ສະມາຄົມ​ເຕະບານ​ ດຳເນິນການໂດຍຮີບດ່ວນໃນການຈັດຊື້ນ້ຳດື່ມ​ຈາກບໍລິສັດ ຊ້າງ ອິນເຕີເນຊັນແນວ ຈຳກັດ ແລະ ຈັດສົ່ງນ້ຳດື່ມຈຳນວນ 50.000​ ຕຸກ ຜ່ານສະຫະພັນ​ເຕະບານ​ແຫ່ງ​ປະ​ເທດລາວ ເພື່ອນຳໄປຊ່ວຍເຫຼືອຜູ້ປະສົບ​ໄພຕໍໄປ.

          ສຳລັບ​ເຫດການດັ່ງກ່າວ​ ເກີດຂຶ້ນເມື່ອຕອນຄໍ່າຂອງວັນທີ 23 ກໍລະ​ກົດທີ່ຜ່ານມາ ໄດ້ເກີດເຫດເຂື່ອນເຊປຽນ-ເຊນໍ້ານ້ອຍ ຊຶ່ງຢູ່ລະຫວ່າງການກໍ່ຣ້າງເກີດການພັງທະລາຍ ຈົນມີຜູ້ເສຍຊີວິຕຈຳນວນ 26 ຄົນ ແລະ ສູນຫາຍ 131 ຄົນ ນອກຈາກນີ້ຢັງມີຜູ້ປະສົບ​ໄພອີກຫຼາຍພັນຄົນທີ່ຍັງລໍຖ້າການຊ່ວຍເຫຼືອ ໂດຍສະມາຄົມ​ເຕະບານ​ແຫ່ງ​ປະ​ເທດ​ໄທ ໄດ້ສົ່ງນ້ຳດື່ມໄປລວບລວມກັບ​ແຂວງໜອງຄາຍ ແລະ ຈະຈັດສົ່ງມາ​ຍັງປະເທດລາວຕໍໄປ.

ຂ່າວທີ່ກ່ຽວຂ້ອງ