ຂ່າວຫຼ້າສຸດ

ເຫດຜົນທີ່ຫົວໜ້າບໍລິຫານແມນຢູ ຂັດຂວາງການຊື້ ວິນລຽນ-ເປຣິຊິຊ

137 27 ກ.ກ. 2018 ວົງຈອນກີລາ
ເຫດຜົນທີ່ຫົວໜ້າບໍລິຫານແມນຢູ ຂັດຂວາງການຊື້ ວິນລຽນ-ເປຣິຊິຊ

"ເດລີ່ ເຣກຄອດ" ສື່ດັງຂອງອັງກິດ ລາຍງານຂ່າວວ່າ ຫົວໜ້າ​ບໍລິຫານ​ຂອງສະໂມສອນ ແມນເຊສເຕີ ຢູໄນເຕັດ ບໍ່ຕ້ອງການດຶງ ວິນລຽນ ປີກຂອງ ເຊວຊີ ແລະ ອິວານ ເປຣິຊິຊ ກອງກາງຂອງ ອິນເຕີ ມິລານ ມາຮ່ວມ​ທີ​ມ ເນື່ອງຈາກວ່ານັກເຕະທັງສອງຄົນມີອາຍຸຫຼາຍແລ້ວ ແຖມຄ່າຕົວບໍ່​ແມ່ນໜ້ອຍໆອີກດ້ວຍນັ້ນເອງ.

           ໂຈເຊ່ ມູຣິນໂຢ່ ຜູ້ຈັດການທີມ ແມນ​ຢູ ຕ້ອງການດຶງນັກເຕະມາເສີມທັບອີກ 2 ຄົນ ຫຼັງພັກ​ຮ້ອນນີ້ຫາ​ກໍໄດ້ພຽງແຕ່ ເຟຣັດ, ດີໂອໂກ ດາໂລ ແລະ ລີ ແກຣນ ເທົ່ານັ້ນ ໂດຍຜູ້​ຈັດການຊາວປອກຕຸຍ​ການ ຢາກໄດ້ນັກ​ເຕະໃນຕຳແໜ່ງປີກ ​ເຮັດໃຫ້ເພັ່ງ​ເລັງໄປທີ່ ວິນລຽນ ກັບ ເປຣິຊິຊ.

          ຢ່າງ​ໃດກໍຕາມ ບັນດາຜູ້ບໍລິຫານລະດັບສູງຂອງ ແມນຯ ຢູໄນເຕັດ ບໍ່ເຫັນພ້ອມກັບ ມູຣິນໂຢ່ ເພາະ​ເຫັນວ່າ ທັງຄູ່ມີອາຍຸ​ຫຼາຍແລ້ວ ໂດຍ ວິນລຽນ ຈະມີອາຍຸຄົບ 30 ປີ ໃນເດືອນສິງຫານີ້ ຂະນະທີ່ ເປຣິຊິຊ ຈະ 30 ປີໃນເດືອນກຸມພາປີໜ້າ.

          ນອກຈາກນັ້ນ ທັງຄູ່ຍັງມີຄ່າຕົວແພງອີກດ້ວຍ ໂດຍໃນຕົວຂອງ ວິນລຽນ ນັ້ນ ເຊວຊີ ເຄີຍປະດິເສດຂໍ້ສະ​ເໜີ 53 ລ້ານປອນຈາກ ບາເຊໂລນ່າ ມາແລ້ວ ຂະນະທີ່ ເປຣິຊິຊ ກໍ່ບໍ່​ໜ້າຈະຕ່ຳກວ່າ 60 ລ້ານປອນ ຫຼັງໄປສ້າງ​ຜົນງານ​ໂດດເດັ່ນໃນ​ເຕະບານໂລກ 2018 ກັບທີມຊາດກຮົວຊີ.

ຂ່າວທີ່ກ່ຽວຂ້ອງ