ຂ່າວຫຼ້າສຸດ

ສານມົດສະກູ ສັ່ງຂັງຄຸກກຸ່ມແລ່ນປັ່ນປ່ວນບານໂລກ ຮອບຊິງ 15 ວັນ ລົງໂທດຫ້າມເຂ້ົາສະໜາມກີລາ 3 ປີ

209 27 ກ.ກ. 2018 ວົງຈອນກີລາ
ສານມົດສະກູ ສັ່ງຂັງຄຸກກຸ່ມແລ່ນປັ່ນປ່ວນບານໂລກ ຮອບຊິງ 15 ວັນ ລົງໂທດຫ້າມເຂ້ົາສະໜາມກີລາ 3 ປີ

ສານໃນນະຄອນ​ລວງ​ມົດ​ສະ​ກູ ສັ່ງຂັງຄຸກ 4 ສະມາຊິກກຸ່ມທີ່​ແລ່ນລົງໄປປັ່ນປ່ວນການແຂ່ງຂັນ​ເຕະບານໂລກ ຮອບຊີງຊະນະ​ເລີດລະຫວ່າງ ຝຣັ່ງ ແລະ ກຮົວຊີ ທີ່ສະໜາມລຸຊນິກີ ເມື່ອວັນທີ 15 ກໍລະ​ກົດທີ່ຜ່ານມາເປັນເວລາ 15 ວັນ ແລະ ຖືກສັ່ງຫ້າມເຂົາສະໜາມກີລາທຸກແຫ່ງໃນຣັດເຊຍເປັນເວລາ 3 ປີ.

             ໂດຍ ຈອມປັ່ນປ່ວນຈຳນວນ 4 ຄົນຊຶ່ງປະກອບດ້ວຍຜູ້​ສາວ 3 ຄົນ​ຄື ເວໂຣນິກາ ນິກັນຊີນາ, ໂອນກາ ພັກຄູໂຊວາ ​ແລະ ໂອນກາ ຄູຣາຊໂຢວາ ພ້ອມ ຊາຍໜຸ່ມໜຶ່ງຄົນຄື ປິອໍເຕີ ເວຊິລອຟ ​ໃສ່ຊຸດຕຳຫຼວດຫຼອກເຈົ້າໜ້າທີ່ ແລະ ສວຍ​ໂອກາດ​ແລ່ນລົງໄປໃນເກມ​ໄລຍະນາທີທີ 52 ຊຶ່ງພາຍຫຼັງ ວົງດົນຕີ *ພັງ* ຂອງສາວໆຊື່ດັງຂອງຣັດເຊຍ “ພຸສຊີ່ ໄຣຮອດ” ​ໄດ້ອອກມາສະ​ແດງຄວາມຮັບຜິດຊອບ ເນື່ອງຈາກຕ້ອງການປະທ້ວງລັດຖະບານຣັດ​ເຊຍ.

          ໂດຍທັງສີ່ຄົນ ນອກຈາກຈະຖືກໂທດຂັງຄຸກ 15 ວັນແລ້ວ ຍັງຖືກສັ່ງຫ້າມເຂົາສະໜາມກີລາທຸກແຫ່ງໃນຣັດເຊຍເປັນເວລາ 3 ປີ.

ຂ່າວທີ່ກ່ຽວຂ້ອງ