ຂ່າວຫຼ້າສຸດ

ວິ​ສາ​ຫະ​ກິດ​ຂອງ ສ ເກົາຫຼີ ຢູ່​ໃນ​ເຂດ​ອຸດສາຫະກຳ ເກ​ເຊິງ ຍ້າຍ​ຖານ​ການ​ຜະລິດ​ໄປ​ຍັງ​ຕ່າງປະເທດ

196 26 ກ.ກ. 2018 ຂ່າວຕ່າງປະເທດ
ວິ​ສາ​ຫະ​ກິດ​ຂອງ ສ ເກົາຫຼີ ຢູ່​ໃນ​ເຂດ​ອຸດສາຫະກຳ ເກ​ເຊິງ ຍ້າຍ​ຖານ​ການ​ຜະລິດ​ໄປ​ຍັງ​ຕ່າງປະເທດ

   ຕາມ​ຂ່າວ​ຈາ​ເຊ​ອູນ ປະມານ 30 ບໍລິສັດ​ຂອງ ສ ເກົາຫຼີ ທີ່​ເຄີຍ​ເຄື່ອນ​ໄຫວ​ຢູ່​ໃນ​ເຂດ ອຸດສາຫະກຳ​ຮ່ວມ ເກ​ເຊິງ ຊຶ່ງ​ໄດ້​ປິດ​ລົງ​ເມື່ອ​ກ່ອນ​ໜ້າ​ນີ້ 2 ປີ​ກວ່າ​ນັ້ນ ໄດ້​ຍ້າຍ​ບັນດາ​ພື້ນຖານ​ການ​ຜະລິດ​ອອກ​ໄປ​ຍັງ​ຕ່າງປະເທດ​ແລ້ວ (ໃນ​ນັ້ນ​ມີ​ຫວຽດນາມ) ເພື່ອ​ຊອກ​ຫາ​ແຫຼ່ງ​ແຮງ​ງານ​ທີ່​ມີ​ລາຄາ​ຖືກ.

    ສ ເກົາຫຼີ ໄດ້​ຕົກລົງ​ປິດ​ເຂດ​ອຸດສາຫະກຳ​ດັ່ງກ່າວ ເມື່ອ​ເດືອນ​ກຸມພາ ປີ 2016 ເພື່ອ​ເປັນ​ການ “ປິດ​ລ້ອມ” ຕໍ່ ​ສປປ ເກົາຫຼີ ຍ້ອນ​ວ່າ​ໄດ້​ດຳເນີນ​ການ​ທົດ​ລອງ​ນີວ​ເຄລຍ​ຄັ້ງ​ທີ​ສີ່ ແລະ​ຍິງ​ລູກ​ສອນ​ໄຟ​ຂະໜາດ​ໄກ. ກ່ອນ​ການ​ປິດ​ລົງ​ນັ້ນ ມີ 123 ວິ​ສາ​ຫະ​ກິດ​ຂອງ ສ ເກົາຫຼີ ຊຶ່ງ​ຕົ້ນຕໍ​ກໍ​ແມ່ນ​ບັນດາ​ວິ​ສາ​ຫະ​ກິດ​ຂະໜາດ​ກາງ ແລະ​ນ້ອຍ ໄດ້​ເຄື່ອນ​ໄຫວ​ຢູ່​ໃນ​ເຂດ​ອຸດສາຫະກຳ​ເກ​ເຊິງ.

    ເຂດ​ອຸດສາຫະກຳ​ເກ​ເຊິງ (Keasong) ຖື​ວ່າ​ເປັນ​ສັນຍາ​ລັກ​ຂອງ​ການ​ຮ່ວມ​ມື​ທາງ​ດ້ານ​ເສດຖະກິດ ລະຫວ່າງ ສ ເກົາຫຼີ ກັບ ​ສປປ ເກົາຫຼີ ເພາະວ່າ​ເປັນ​ການ​ສົມທົບ​ລະຫວ່າງ​ທຶນ ແລະ​ເຕັກ​ໂນ​ໂລ​ຊີ​ຂອງ ສ ເກົາຫຼີ ກັບ​ແຫຼ່ງ​ແຮງ​ງານ​ລາຄາ​ຖືກ​ຂອງ ​ສປປ ເກົາຫຼີ.

 

ຂ່າວທີ່ກ່ຽວຂ້ອງ