ສ ອາ​ເມ​ຣິ​ກາ ຢືນຢັນ​ບໍ່​ຮ່ວມ​ມື​ດ້ານ​ການ​ທະຫານ​ກັບ​ຣັດ​ເຊຍ​ໃນ​ເວລາ​ນີ້

261 26 ກ.ກ. 2018 ຂ່າວຕ່າງປະເທດ
ສ ອາ​ເມ​ຣິ​ກາ ຢືນຢັນ​ບໍ່​ຮ່ວມ​ມື​ດ້ານ​ການ​ທະຫານ​ກັບ​ຣັດ​ເຊຍ​ໃນ​ເວລາ​ນີ້

    ທ່ານ ເຈມ ມາດ​ຕິ​​ສ ລັດຖະມົນຕີ​ປ້ອງ​ກັນ​ປະເທດ ສ ອາ​ເມ​ຣິ​ກາ ກ່າວ​ຕໍ່​ກອງ​ປະຊຸມ​ຖະແຫຼງ ຂ່າວ ຢູ່​ໃນ​ລັດ​ຄາ​ລີ​ຟໍ​ເນຍ ເມື່ອ​ວັນ​ທີ 24 ກໍລະກົດ​ນີ້ ວ່າ​ຈະ​ບໍ່​ມີ​ການ​ຮ່ວມ​ມື​ໃດໆກັບ​ກອງທັບ​ຣັດ​ເຊຍ ຊຶ່ງ​ຢ່າງ​ໜ້ອຍ​ກໍ​ແມ່ນ​ໃນ​ຈຸດ​ເວລາ​ນີ້.

    ທ່ານ ມາດ​ຕິ​​ສ ຊີ້​ແຈງ​ວ່າ: “ພວກ​ເຮົາ​ຈະ​ບໍ່​ເຮັດ​ສິ່ງ​ໃດ​ຕື່ມ​ອີກ ໄປ​ຈົນ​ກວ່າ​ລັດຖະມົນຕີ​ການ​ຕ່າງປະເທດ ໄມ ພອມ​ແພວ ແລະ​ປະທານາທິບໍດີ ໂດ​ນາ​​ລ ທຣຳ ຈະ​ຄິດໄລ່​ກ່ຽວ​ກັບ​ຈຸດ​ເວລາ ຊຶ່ງ​ພວກ​ເຮົາ​ຈະ​ເລີ່ມ​ຕົ້ນ​ການ​ປະສານ​ສົມທົບ​ຮ່ວມ​ກັບ​ບັນດາ​ພັນທະ​ມິດ ກັບ​ຣັດ​ເຊຍ. ເລື່ອງ​ນີ້​ຈະ​ຍັງ​ຄົງ​ບໍ່​ທັນ​ເກີດ​ຂຶ້ນ ແລະ​ຈະ​ເປັນ​ເລື່ອງ​ດ່ວນ ຖ້າ​ຫາ​ກວ່າ​ຂ້າພະເຈົ້າ (ທ່ານ ມັດ​ຕິ​​ສ) ລົງ​ເລິກ​ສູ່​ລາຍ​ລະອຽດ​ໃດ​ໜຶ່ງ ກ່ຽວ​ກັບ​ຈຸດ​ເວລາ​ດັ່ງກ່າວ.”

    ຫຼັງ​ຈາກ​ທີ່​ປະທານາທິບໍດີ ສ ອາ​ເມ​ຣິ​ກາ ໂດ​ນາ​​ລ ທຣຳ ແລະ​ປະທານາທິບໍດີ​ຣັດ​ເຊຍ ວາ​ລາ​ດີ​ເມຍ ປູ​ຕິນ ພົບ​ປະກັນ​ຢູ່​ທີ່​ນະຄອນຫຼວງ ແຮນ​ຊິງ​ກີ (ປະເທດ​ແຟງ​ລັງ) ເມື່ອ​ບໍ່​ດົນ​ມາ​ນີ້​ແລ້ວ ມາ​ໃນ​ອາທິດ​ທີ່​ຜ່ານ​ມາ ຝ່າຍ​ຣັດ​ເຊຍ​ໄດ້​ນຳ​ສະເໜີ​ຕໍ່ ສ ອາ​ເມ​ຣິ​ກາ ກ່ຽວ​ກັບ​ແຜນການ​ການ​ຮ່ວມ​ມື ທີ່​ພົວພັນ​ເຖິງ​ການ​ກັບ​ຄືນ​ໄປ​ຍັງ​ຊີ​ຣີ​ຢ່າງ​ປອດ​ໄຟ ຂອງ​ບັນດາ​ຜູ້​ອົບ​ພະ​ຍົບ.

 

ຂ່າວທີ່ກ່ຽວຂ້ອງ