ຂ່າວຫຼ້າສຸດ

​ສປ ກົງ​ໂກ ປະກາດ​ສິ້ນ​ສຸດ​ການ​ລະບາດ​ຂອງ​ໄວ​​ຣັສ ອີ​ໂບ​ລາ

160 26 ກ.ກ. 2018 ຂ່າວຕ່າງປະເທດ
​ສປ ກົງ​ໂກ ປະກາດ​ສິ້ນ​ສຸດ​ການ​ລະບາດ​ຂອງ​ໄວ​​ຣັສ ອີ​ໂບ​ລາ

   ສາທາລະນະ​ລັດ ປະຊາທິປະໄຕ ກົງ​ໂກ (​ສປ ກົງ​ໂກ) ປະກາດ​ຢ່າງ​ເປັນ​ທາງ​ການ​ເມື່ອ​ວັນ​ທີ 24 ກໍ​ລະ​​ກົ​ໄດ​ນີ້ ວ່າການ​ລະບາດ​ຂອງ​ໄວ​​ຣັສ ອີ​ໂບ​ລາ (Ebola) ໄດ້​ສິ້ນ​ສຸດ​ລົງ​ແລ້ວ ເປັນ​ການ​ປິດ​ສະພາບ​ການ​ສຸກ​ເສີນ ທີ່​ມີ​ມາ 10 ອາທິດ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 33 ຄົນ.

    ລັດຖະມົນຕີ​ສາທາລະນະ​ສຸກ​ຂອງ ​ສປ ກົງ​ໂກ ຖະແຫຼງ​ວ່າ ຫຼັງ​ຈາກ​ທີ່​ໄດ້​ຕິດຕາມ​ມາ​ເປັນ​ເວລາ 42 ວັນ ແລະ​ບໍ່​ໄດ້​ມີ​ກໍລະນີ​ຕິດພະຍາດ​ລາຍ​ໃໝ່ ຕາມ​ການ​ກຳນົດ​ຂອງ​ສາທາລະນະ​ສຸກ​ສາກົນ ກໍ​ເປັນ​ອັນວ່າ​ການ​ລະບາດ​ຂອງ​ໄວ​​ຣັສ​ອີ​ໂບ​ລາ ໄດ້​ສິ້ນ​ສຸດ​ລົງ ໃນ​ວັນ​ທີ 24 ກໍລະກົດ.

    ນີ້​ເປັນ​ການ​ລະບາດ​ເທື່ອ​ທີ 9 ຢູ່​ໃນ ​ສປ ກົງ​ໂກ ນັບ​ແຕ່​ພະຍາດ​ອີ​ໂບ​ລາ ໄດ້​ຮັບ​ການ​ກຳນົດ​ວ່າ​ເປັນ​ພະຍາດ​ຊະນິດ​ໜຶ່ງ ເມື່ອ​ປີ 1976 ເປັນຕົ້ນ​ມາ. ໃນ​ປີ 2014 ອົງການ​ອະນາໄມ​ໂລກ ຕ້ອງ​ໄດ້​ປະກາດ​ພາວະ​ເຕືອນ​ໄພ​ສຸກ​ເສີນ​ທົ່ວ​ໂລກ​ສຳລັບ​ພະ​ບາດ​ອີ​ໂບ​ລາ ຫຼັງ​ຈາກ​ທີ່​ມັນ​ໄດ້​ລະບາດ​ຢູ່​ໃນ​ເຂດ​ອາ​ຟະ​ຣິກ​ກາ​ຕາເວັນຕົກ ເປັນ​ເຫດ​ໃຫ້​ມີ​ຜູ້​ເສຍ​ຊີວິດ 11.300 ຄົນ.

 

ຂ່າວທີ່ກ່ຽວຂ້ອງ