ຂ່າວຫຼ້າສຸດ

ເງິນ​ເຟີ້​ຂອງ​ເວ​ເນ​ຊູ​ເອ​ລາ​ອາດ​ຂຶ້ນ​ເຖິງ​ລະດັບ 1 ລ້ານ​ສ່ວນ​ຮ້ອຍ

170 26 ກ.ກ. 2018 ຂ່າວຕ່າງປະເທດ
ເງິນ​ເຟີ້​ຂອງ​ເວ​ເນ​ຊູ​ເອ​ລາ​ອາດ​ຂຶ້ນ​ເຖິງ​ລະດັບ 1 ລ້ານ​ສ່ວນ​ຮ້ອຍ

   ກອງ​ທຶນ​ເງິນຕາ​ສາກົນ (IMF) ໃຫ້ການ​ຄາດ​ຄະເນ​ອອກ​ມາ​ເມື່ອ​ວັນ​ທີ 23 ກໍລະກົດ​ນີ້​ວ່າ ເງິນ​ເຟີ້​ໃນ​ແຕ່​ລະ​ປີ​ຂອງ​ເວ​ເນ​ຊູ​ເອ​ລາ ອາດ​ຈະ​ຖີບ​ຕົວ​ຂຶ້ນ​ສູ່​ລະດັບ 1 ລ້ານ​ສ່ວນ​ຮ້ອຍ ພາຍ​ໃນ​ປີ 2018 ພ້ອມ​ທັງ​ປຽບທຽບ​ສະພາບ​ການ​ທີ່​ເວ​ເນ​ຊູ​ເອ​ລາ​ພວມ​ປະສົບ​ຢູ່​ນັ້ນ ຄ້າຍຄື​ກັນ​ກັບ​ສະພາບ​ການ​ທາງ​ດ້ານ​ເສດຖະກິດ​ຂອງ​ເຢຍ​ລະ​ມັນ ໃນ​ປີ 1923 ແລະ​ຂອງ​ຊິມ​ບັບ​ເວ ໃນ​ປີ 2000.

    ທ່ານ ອາ​ເລ​ຈານ​ໂດຣ ເວີ​ເນີ ຜູ້ອຳນວຍການ​ຮັບຜິດຊອບ​ຊີກ​ໂລກ​ຕາເວັນຕົກ​ຂອງ  IMF ເວົ້າ​ວ່າ ເສດຖະກິດ​ຂອງ​ເວ​ເນ​ຊູ​ເອ​ລາ ໃນ​ປີ 2018 ຈະ​ຫຼຸດ​ລົງ 18%. ທ່ານ ເວີ​ເນີ ຍອມຮັບ​ວ່າ ສຳລັບ​ພື້ນຖານ​ເສດຖະກິດ​ໜຶ່ງ ຄື​ຂອງ​ເວ​ເນ​ຊູ​ເອ​ລາ “ເປັນ​ການ​ຍາກ​ທີ່​ຈະ​ທຳນາຍ​ໄດ້​ວ່າ​ຈະ​ເກີດ​ເລື່ອງ​ໃດ​ຂຶ້ນ​ມາ​ໃນ​ເວລາ​ນີ້ ແລະ​ໃນ​ເດືອນ​ທັນວາ​ໜ້າ​ນີ້” ເພາະວ່າ “ການ​ປ່ຽນແປງ​ໃດໆ​ກໍ​ຕາມ ຕ່າງ​ກໍ​ມີ​ການ​ພົວພັນ​ຢ່າງ​ໃຫຍ່​ຫຼວງ​ເຖິງ​ການ​ທຳນາຍ​ນີ້.”

    ບັນດາ​ຊ່ຽວຊານ​ຂອງ IMF ມີ​ຄວາມ​ກັງວົນ​ວ່າ ລັດຖະບານ​ເວ​ເນ​ຊູ​ເອ​ລາ ພາຍ​ໃຕ້​ການ​ນຳພາ​ຂອງ​ປະທານາທິບໍດີ ນີ​ໂກ​ລາ​​ສ ມາ​ດູ​ໂຣ ຈະ​ເປີ​ກວ້າງ​ດ້ານ​ເງິນຕາ ຊຶ່ງ​ເປັນ​ຮູບ​ການ​ທີ່​ຖື​ວ່າ​ເປັນ​ສາເຫດ​ອັນ​ດັບ​ຕົ້ນ ເຮັດ​ໃຫ້​ເກີດ​ເງິນ​ເຟີ້​ເພີ່ມ​ຂຶ້ນ ທ່າມກາງ​ວິ​ກິດ​ການ​ເສດຖະກິດ. IMF ກໍ​ໃຫ້​ທັດສະນະ​ວ່າ ເງິນ​ເຟີ້​ໃນ​ລະດັບ​ສູງ ບວກ​ກັບ​ການ​ການ​ຫຼົ້ມ​ສະຫຼາຍ​ຂອງ​ການເຄື່ອນໄຫວ​ທາງ​ດ້ານ​ເສດຖະກິດ ສະພາບ​ການ​ສະໜອງ​ສິນຄ້າ​ຂອງ​ພາກ​ລັດ​ບັນ​ມື້​ນັບ​ຫຼຸດ​ລົງ ກໍ​ຄື​ການ​ຂາດແຄນ​ສະບຽງ​ອາຫານ ໄດ້​ເຮັດ​ໃຫ້​ປະລິມານ​ຜູ້​ຍ້າຍ​ຖິ່ນ​ຖານ ຈາກ​ເວ​ເນ​ຊູ​ເອ​ລາ ໄປ​ຍັງ​ປະເທດ​ອື່ນໆ ນັບ​ມື້​ນັບ​ຫຼາຍ​ຂຶ້ນ.

ຂ່າວທີ່ກ່ຽວຂ້ອງ