ຂ່າວຫຼ້າສຸດ

ອິດ​ສະ​ຣາ​ແອນ ຍິງ​ເຮືອບິນ​ສູ້​ຮົບ​ຂອງ​ຊີ​ຣີ ຕົກ 1 ລຳ

113 26 ກ.ກ. 2018 ຂ່າວຕ່າງປະເທດ
ອິດ​ສະ​ຣາ​ແອນ ຍິງ​ເຮືອບິນ​ສູ້​ຮົບ​ຂອງ​ຊີ​ຣີ ຕົກ 1 ລຳ

    ສື່ສານ​ໃນ​ເຂດ​ຕາເວັນ​ອອກ​ກາງ ລາຍ​ງານ​ເມື່ອ​ວັນ​ທີ 24 ກລະ​ກົດ​ນີ້​ວ່າ ອິດ​ສະ​ຣາ​ແອນ ໄດ້​ຍິງ​ເຮືອບິນ​ສູ້​ຮົບ​ຂອງ​ຊີ​ຣີ​ຕົກ 1 ລຳ ໂດຍ​ໃຫ້​ເຫດຜົນ​ວ່າ​ເຮືອບິນ​ລຳ​ນັ້ນ ໄດ້​ແຊກ​ຊຶມ​ເຂົ້າ​ໄປ​ໃນ​ເຂດ​ທ້ອງຟ້າ​ຂອງ​ອິດ​ສະ​ຣາ​ແອນ.

    ແຫຼ່ງ​ຂ່າວ​ການ​ທະຫານ​ຢູ່​ໃນ​ເຂດ​ຕາເວັນ​ອອກ​ກາງ ໃຫ້​ຮູ້​ວ່າ ກອງ​ກຳລັງ​ປ້ອງ​ກັນ​ອາກາດ​ຂອງ​ອິດ​ສະ​ຣາ​ແອນ ໄດ້​ຍິງ​ລູກ​ສອນ​ໄຟ​ຕີ​ສະກັດ ຈຳນວນ 2 ລູກ ໂດຍ​ໄດ້​ຍິງ​ເຮືອບິນ ສູ້​ຮົບ Sukhoi ທີ່​ຜະລິດ​ໂດຍ​ຣັດ​ເຊຍ ຕົກ 1 ລຳ.

    ໃນ​ຂະນະ​ດຽວ​ກັນ ຂ່າວສານ ຣອຍ​ເຕີ ລາຍ​ງານ​ວ່າ ນາຍົກລັດຖະມົນຕີ​ອິດ​ສະ​ຣາ​ແອນ ເບນ ຈາ​ມິນ ເນ​ຕັນ​ຢາ​ຮູ ຖະແຫຼງ​ໃນ​ວັນ​ທີ 24 ກໍລະກົດ​ນີ້​ວ່າ ເຮືອບິນ​ຂອງ​ຊີ​ຣີ ທີ່​ຖືກ​ອິດ​ສະ​ຣາ​ແອນ ຍິງ​ຕົກ​ໃນ​ວັນ​ດຽວ​ກັນ ຢູ່​ໃນ​ເຂດ​ພູ​ພຽງ​ໂກ​ລານ ນັ້ນ​ໄດ້ “ລະເມີດ​ຢ່າງ​ເປີດ​ແປນ” ຕໍ່​ຂໍ້​ຕົກລົງ​ກ່ຽວ​ກັບ​ການ​ປອດ​ການ​ທະຫານ ເມື່ອ​ປີ 1974 ໂດຍ​ແມ່ນ​ສະຫະ​ປະຊາ​ຊາດ​ຕິດຕາມ​ກວດກາ ຢູ່​ໃນ​ເຂດ​ພູ​ພຽງ​ໂກ​ລານ ນັ້ນ./.

 

ຂ່າວທີ່ກ່ຽວຂ້ອງ