ຂ່າວຫຼ້າສຸດ

ອັງກິດ ແລະ EU ຍື່ນ​ຄຳ​ຮ້ອງ “ແຍກ​ທາງ” ຢູ່​ໃນ WTO

96 26 ກ.ກ. 2018 ຂ່າວຕ່າງປະເທດ
ອັງກິດ ແລະ EU ຍື່ນ​ຄຳ​ຮ້ອງ “ແຍກ​ທາງ” ຢູ່​ໃນ WTO

    ຫຼັງ​ຈາກ​ທີ່​ໄດ້​ກະກຽມ​ໃນ​ດ້ານ​ການ​ທູດ ເປັນ​ເວລາ​ຫຼາຍ​ເດືອນ ມາ​ໃນ​ວັນ​ທີ 24 ກໍລະກົດ​ນີ້ ອັງກິດ ແລະ ​ສະຫະພາບ​ເອີ​ຣົບ  (EU) ກໍ​ໄດ້​ຍື່ນ​ສຳນວນ​ເອກະສານ​ການ “ແຍກ​ທາງ” ຢູ່​ໃນ​ອົງການ​ການ​ຄ້າ​ໂລກ (WTO) ຢ່າງ​ເປັນ​ທາງ​ການ​ແລ້ວ.

    ຕາມ​ນັ້ນແລ້ວ WTO ໄດ້​ນຳ​ຮ່າງ​ຂໍ້​ຕົກລົງ​ລັບ​ອອກ​ມາ​ສອງ​ສະບັບ ກ່ຽວ​ກັບ​ຖານະ​ການ​ເປັນ​ສະມາຊິກ​ຂອງ​ອັງກິດ ຫຼັງ​ຈາກ​ທີ່​ໄດ້​ອອກ​ໄປ​ຈາກ EU ຫຼື​ທີ່​ເອີ້ນ​ວ່າ Brexit ແລະ​ຄັດ​ຕິດຕາມ​ມາ​ກໍ​ແມ່ນ​ສິດທິ ແລະ​ພັນທະ​ໃນ​ດ້ານ​ການ​ພົວພັນ​ແລກປ່ຽນ​ທາງ​ດ້ານ​ການ​ຄ້າ​ຂອງ​ອັງກິດ.

    ແຈ້ງ​ການ​ຂອງ WTO ໃຫ້​ຮູ້​ວ່າ​ສະມາຊິກ 164 ລາຍ​ຂອງ​ອົງການ​ນີ້ ຈະ​ມີ​ເວລາ 3 ເດືອນ ເພື່ອ​ພິຈາລະນາ​ເອກະສານ​ດັ່ງກ່າວ ແລະ ​ຈະ​ໄດ້​ຮັບ​ການ​ຮັບຮອງ ​ຖ້າຫາ​ກວ່າ​ບໍ່​ມີ​ສຽງ​ຄັດຄ້ານ​ຈາກ​ບັນດາ​ປະເທດ​ສະມາຊິກ. ນີ້​ເປັນ​ເທື່ອ​ທຳ​ອິດ​ໃນ​ປະຫວັດສາດ 23 ປີ​ຂອງ WTO  ທີ່​ເກີດ​ມີ​ເລື່ອງ​ຄື​ແນວ​ນັ້ນ​ຂຶ້ນ​ມາ./.

 

ຂ່າວທີ່ກ່ຽວຂ້ອງ