ຫຼາຍພາກສ່ວນມອບເງິນຊ່ວຍເຫຼືອໄພພິບັດນ້ຳຖ້ວມ

240 26 ກ.ກ. 2018 ຂ່າວໜ້າ​ໜຶ່ງ
ຫຼາຍພາກສ່ວນມອບເງິນຊ່ວຍເຫຼືອໄພພິບັດນ້ຳຖ້ວມ

    ເພື່ອ​ເປັນ​ການ​ປະ­ກອບ­ສ່ວນ​ຊ່ວຍ­ເຫຼືອ​ປະ­ຊາ­ຊົນ​ທີ່​ຖືກ​ຜົນ​ກະ­ທົບ​ໄພ­ພິ­ບັດ​ນ້ຳ​ຖ້ວມ​ທົ່ວ​ປະ­ເທດ​ເນື່ອງ​ຈາກ​ສະ­ພາບ​ອາ­ກາດ ແລະ ພາ­ຍຸ​ໝູນ​ເຂດ​ຮ້ອນ (ເຊີນ​ຕິນ) ໄດ້​ພັດ​ຜ່ານ​ບັນ­ດາ​ແຂວງ​ພາກ​ເໜືອ ພາກ​ກາງ ແລະ ພາກ​ໃຕ້ ເຮັດ​ໃຫ້​ເກີດ​ນ້ຳ​ຖ້ວມ ແລະ ດິນ​ເຈື່ອນ ຢູ່​ແຂວງ​ອຸ­ດົມ​ໄຊ ຊຽງ​ຂວາງ ສະ­ຫວັນ​ນະ​ເຂດ ຄຳ​ມ່ວນ ບໍ່​ແກ້ວ ຫົວ­ພັນ ອັດ​ຕະ​ປື ບໍ​ລິ​ຄຳ​ໄຊ ໄຊ​ຍະ​ບູ​ລີ ເຊ​ກອງ ແລະ ຫຼວງ​ພະ​ບາງ ໂດຍ​ສະ­ເພາະ ແມ່ນ​ເຫດ​ເກີດ​ໄພ­ພິ­ບັດ​ນ້ຳ​ຖ້ວມ​ທີ່​ມີ​ສາ­ເຫດ​ມາ​ຈາກ​ອຸ­ບັດ­ເຫດ​ຂອງ​ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ​ເຊ​ປຽນ-ເຊ​ນ້ຳ​ນ້ອຍ ທີ່​ກຳ­ລັງ​ເກີດ​ຂຶ້ນ​ຢູ່​ເມືອງ ສະ­ໜາມ​ໄຊ ແຂວງ​ອັດ​ຕະ​ປື ອັນ​ໄດ້​ກໍ່­ໃຫ້­ເກີດ​ຄວາມ​ເສຍ​ຫາຍ​ແກ່​ຊີ­ວິດ ແລະ ຊັບ​ສິນ​ຂອງ​ປະ­ຊາ­ຊົນ​ຢ່າງ​ໜັກ­ໜ່ວງ .

    ດ້ວຍ​ຄວາມ​ເປັນ​ຫ່ວງ​ເປັນ​ໃຍ​ຕໍ່​ບຸກ­ຄົນ ແລະ ຄອບ­ຄົວ​ຜູ້​ປະ­ສົບ​ໄພ­ພິ­ບັດ​ຄັ້ງ​ນີ້ ໃນ​ວັນ​ທີ 25 ກໍ­ລະ­ກົດ 2018 ທີ່​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ຫຼາຍ​ພາກ­ສ່ວນ​ໄດ້​ນຳ​ເອົາ​ເງິນ​ມາ​ບໍ­ລິ­ຈາກ​ຊ່ວຍ­ເຫຼືອ​ແກ່​ຜູ້​ປະ­ສົບ​ໄພ ເປັນ­ຕົ້ນ ທ່ານ​ນາງ ນາ­ລີ ສີ​ສຸ​ລິດ ພັນ​ລະ​ຍາ​ທ່ານ​ນາ­ຍົກ­ລັດ­ຖະ­ມົນ­ຕີ ພ້ອມ​ຄະ­ນະ ຕາງ­ໜ້າ​ໃຫ້​ພັນ​ລະ​ຍາ​ການ​ນຳ​ໄດ້​ມອບ​ເງິນ ຈຳ­ນວນ 50 ລ້ານ​ກີບ  ສະ­ພາ​ແຫ່ງ​ຊາດ​ຈຳ­ນວນ 30 ລ້ານ​ກີບ ແລະ ບໍ­ລິ­ສັດ​ກິ​ແກ້ວ​ແສງ​ພະ­ຈັນ ມອບ10 ລ້ານ​ກີບ ຕາງ­ໜ້າ​ຮັບ​ໂດຍ  ທ່ານ​ນາງ ໃບ​ຄຳ ຂັດ​ທິ​ຍະ ຮອງ​ລັດ­ຖະ­ມົນ­ຕີ​ກະ­ຊວງ​ແຮງ​ງານ ແລະ ສະ­ຫວັດ­ດີ​ການ​ສັງ­ຄົມ ທັງ​ເປັນ​ຮອງ​ຄະ­ນະ​ຮັບ­ຜິດ­ຊອບ​ລະ­ດົມ​ທຶນ​ບໍ­ລິ­ຈາກ​ເພື່ອ​ຊ່ວຍ­ເຫຼືອ​ຜູ້​ປະ­ສົບ​ເຄາະ​ຮ້າຍ​ຈາກ​ໄພ­ພິ­ບັດ ປີ 2018.

ຂ່າວທີ່ກ່ຽວຂ້ອງ