ຂ່າວຫຼ້າສຸດ

ຄຸ້ມຄອງການຂຸດຄົ້ນແຮ່ທາດ ເປັນລະບົບມີປະສິດທິພາບ

127 26 ກ.ກ. 2018 ຫົວຂໍ້ຂ່າວອື່ນໆ

    ພາຍ­ຫຼັງ​ທີ່​ກອງ​ປະ­ຊຸມ​ສະ­ໄໝ​ສາ­ມັນ​ເທື່ອ​ທີ 4 ຂອງ​ສະ­ພາ​ແຫ່ງ​ຊາດ ຊຸດ​ທີ VIII  ໄດ້​ເຫັນ​ດີ​ຮັບ­ຮອງ​ເອົາ​ກົດ­ໝາຍ​ວ່າ​ດ້ວຍ​ແຮ່​ທາດ​ສະ­ບັບ​ປັບ­ປຸງ ເພື່ອ​ເປັນ​ບ່ອນ​ອີງ​ໃນ​ການ​ຄຸ້ມ​ຄອງ ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ແຮ່​ທາດ ບໍ່​ແຮ່ ກະ­ຊວງ​ພະ­ລັງ­ງານ ແລະ ບໍ່​ແຮ່ ໄດ້​ຈັດ​ເຜີຍ­ແຜ່​ກົດ­ໝາຍ​ສະ­ບັບ​ດັ່ງ­ກ່າວ​ຂຶ້ນ ວັນ​ທີ 23 ກໍ­ລະ­ກົດ 2018 ທີ່​ກະ­ຊວງ​ດັ່ງ­ກ່າວ ເປັນ​ປະ­ທານ ແລະ ເປັນ​ກຽດ​ເຜີຍ­ແຜ່ ຂອງ​ທ່ານ ຈັນ​ສອນ ແສນ​ບຸດ­ຕະ­ລາດ ຮອງ​ລັດ­ຖະ­ມົນ­ຕີ​ກະ­ຊວງ​ພະ­ລັງ­ງານ ແລະ ບໍ່​ແຮ່ ມີ​ຮອງ​ລັດ­ຖະ­ມົນ­ຕີ ເອກ​ອັກ​ຄະ​ລັດ​ຖະ​ທູດ ຜູ້​ປະ­ກອບ​ການ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

    ກົດ­ໝາຍ​ວ່າ​ດ້ວຍ​ແຮ່​ທາດ​ໄດ້​ກຳ­ນົດ​ຫຼັກ­ການ ລະ­ບຽບ​ການ ແລະ ມາດ​ຕະ­ການ​ຄຸ້ມ​ຄອງ ຕິດ­ຕາມ​ກວດ­ກາ ການ​ປົກ​ປັກ​ຮັກ­ສາ ການ​ຊື້-ຂາຍ ການ​ດຳ­ເນີນ​ທຸ­ລະ​ກິດ​ກ່ຽວ​ກັບ​ແຮ່​ທາດ ການ​ນຳ​ໃຊ້​ແຮ່​ທາດ ແລະ ຊັບ­ພະ­ຍາ­ກອນ​ແຮ່​ທາດ ເພື່ອ​ເຮັດ​ໃຫ້­ການ​ຊອກ​ຄົ້ນ ການ​ສຳ​ຫຼວດ ການ​ຂຸດ​ຄົ້ນ ການ​ປຸງ​ແຕ່ງ​ແຮ່​ທາດ​ເປັນ​ລະ­ບົບ ມີ​ປະ­ສິດ­ທິ­ພາບ​ສູງ ແລະ ມີ​ຄວາມ​ໂປ່ງ​ໃສ ຮັບ­ປະ­ກັນ​ສຸ­ຂະ­ພາບ ຊີ­ວິດ ຄວາມ​ປອດ​ໄພ​ຂອງ​ຜູ້​ອອກ­ແຮງ​ງານ ຊຸມ​ຊົນ​ທີ່​ໄດ້​ຮັບ​ຜົນ​ກະ­ທົບ ແລະ ການ​ປົກ​ປັກ​ຮັກ­ສາ​ສິ່ງ­ແວ­ດລ້ອມ ແລະ ສັງ­ຄົມ ແນ­ໃສ່​ພັດ­ທະ­ນາ​ເຂດ​ບໍ່​ແຮ່​ຢ່າງ​ມີ​ແຜນ­ການ ໄປ​ຕາມ​ທິດ ປະ­ຢັດ ສີ­ຂຽວ ແລະ ຍືນ​ຍົງ ເປັນ​ມິດ​ຕໍ່​ສິ່ງ­ແວ­ດລ້ອມ ສ້າງ​ເງື່ອນ­ໄຂ​ໃຫ້​ແກ່​ການ​ຂະ­ຫຍາຍ­ຕົວ​ທາງ​ດ້ານ​ເສດ­ຖະ­ກິດ ຫັນ​ເປັນ​ອຸດ­ສາ­ຫະ­ກຳ ແລະ ທັນ​ສະ­ໄໝ​ເທື່ອ​ລະ​ກ້າວ ປະ­ກອບ­ສ່ວນ​ເຂົ້າ​ໃນ​ການ​ພັດ­ທະ­ນາ​ເສດ­ຖະ­ກິດ-ສັງ­ຄົມ​ຂອງ​ຊາດ ເຮັດ​ໃຫ້​ຊີ­ວິດ​ການ​ເປັນ​ຢູ່​ຂອງ​ປະ­ຊາ­ຊົນ​ລາວ​ບັນ­ດາ­ເຜົ່າ​ດີ​ຂຶ້ນ.

ຂ່າວທີ່ກ່ຽວຂ້ອງ