ຂ່າວຫຼ້າສຸດ

ນະຄອນຫຼວງ ເປີດຮັບເຄື່ອງຊ່ວຍເຫຼືອປະຊາຊົນ ແຂວງອັດຕະປື

206 26 ກ.ກ. 2018 ຫົວຂໍ້ຂ່າວອື່ນໆ

   ອີງ​ຕາມ​ແຈ້ງ​ການ​ຂອງ​ຫ້ອງ​ວ່າ­ການ​ສຳ­ນັກ­ງານ​ນາ­ຍົກ­ລັດ­ຖະ­ມົນ­ຕີ ສະ­ບັບ​ລົງ​ວັນ​ທີ 24 ກໍ­ລະ­ກົດ 2018 ແລະ ອີງ​ຕາມ​ການ​ຕົກ­ລົງ ແລະ ຊີ້​ນຳ​ຂອງ​ກອງ​ປະ­ຊຸມ​ເຈົ້າ​ຄອງ ຮອງ​ເຈົ້າ​ຄອງ ຮ່ວມ​ກັບ​ຮອງ​ປະ­ທານ​ສະ­ພາ​ປະ­ຊາ­ຊົນ ແລະ ບັນ ດາ​ພະ­ແນກ­ການ-ອົງ­ການ​ລັດ​ທຽບ​ເທົ່າ ພະ​ແນກ​ຂັ້ນ​ນະ­ຄອນ­ຫຼວງ​ວຽງ​ຈັນ (ນວ) ຄັ້ງ​ວັນ​ທີ 25 ກໍ­ລະ­ກົດ 2018.

    ຫ້ອງ​ວ່າ­ການ ນວ ຈຶ່ງ​ໄດ້​ແຈ້ງ​ການ​ມາ​ຍັງ​ບັນ­ດາ​ທ່ານ​ຫົວ­ໜ້າ​ກອງ​ບັນ­ຊາ​ການ ປກຊ-ປກສ ຄະ­ນະ​ເລ­ຂາ­ທິ­ການ ສະ ພາ​ປະ­ຊາ­ຊົນ ຫົວ­ໜ້າ​ພະ­ແນກ­ການ ຫົວ­ໜ້າ​ອົງ​ການ­ຈັດ­ຕັ້ງ​ພັກ-ລັດ ຂັ້ນ ນວ ເຈົ້າ­ເມືອງ ແລະ ບັນ­ດາ​ຜູ້­ອຳ­ນວຍ­ການ​ວິ​ສາ​ຫະ​ກິດ​ທົ່ວ ນວ ລະ­ດົມ​ພະ­ນັກ­ງານ-ລັດ­ຖະ­ກອນ ກຳ­ມະ­ກອນ ທະ­ຫານ ຕຳ­ຫຼວດ ບໍ­ລິ­ສັດ ຫ້າງ​ຮ້ານ ພໍ່­ຄ້າ​ຊາວ​ຂາຍ ແລະ ພໍ່​ແມ່​ປະ­ຊາ­ຊົນ​ທີ່­ຢູ່​ໃນ​ຄວາມ​ຮັບ­ຜິດ­ຊອບ ແລະ ພື້ນ​ທີ່​ຄຸ້ມ​ຄອງ​ຂອງ​ຕົນ ປະ­ກອບ­ສ່ວນ​ທຶນ­ຮອນ ແລະ ວັດ­ຖຸ​ເຄື່ອງ ຂອງ ເຊັ່ນ: ເຄື່ອງ­ນຸ່ງ​ຫົ່ມ ເຂົ້າ­ສານ ຊີ້ນ ປາ ອາ­ຫານ​ແຫ້ງ ຢາ​ປົວ​ພະ­ຍາດ ແລະ ອື່ນໆ ຊ່ວຍ­ເຫຼືອ​ປະ­ຊາ­ຊົນ​ເມືອງ​ສະ ໜາມ​ໄຊ ແຂວງ​ອັດ​ຕະ​ປື ທີ່​ໄດ້​ຮັບ​ຜົນ​ກະ­ທົບ​ຈາກ​ນ້ຳ​ຖ້ວມ​ຮ້າຍ​ແຮງ ຍ້ອນ​ເຫດ­ການ​ອຸ­ບັດ​ຕິ​ເຫດ​ໂຄງ­ການ​ກໍ່­ສ້າງ​ເຂື່ອນ​ໄຟ­ຟ້າ ເຊ​ປຽນ-ເຊ​ນ້ຳ​ນ້ອຍ ຢູ່​ແຂວງ​ອັດ​ຕະ​ປື​ດ່ວນ.

    ໂດຍ​ມອບ​ໃຫ້​ຫ້ອງ​ວ່າ­ການ ນວ ເປັນ­ໃຈ​ກາງ​ຕັ້ງ​ສູນ​ລວບ​ລວມ​ການ​ລະ­ດົມ ແລະ ຮັບ​ເຄື່ອງ​ບໍ­ລິ­ຈາກ​ໃຫ້​ເປັນ​ພູດ​ຂອງ​ຊາວ ນວ ບ່ອນ​ດຽວ (ເບີ­ໂທລະ­ສັບ 020 54964333 ທ່ານ ວຽງ​ສະ­ໄໝ ຜາ​ສະ​ເຫຼີ​ສຸກ 020 29464769 ທ່ານ ວຽງ​ໂຂງ ທອງ​ສະ​ຫວັດ ແລະ 020 22232944 ທ່ານ ນາງ ສິດ­ທິ​ພອນ ສິດ­ທິ​ລາດ) ເຊິ່ງ​ສຳ­ນັກ­ງານ​ຫ້ອງ​ວ່າ­ການ ນວ ຕັ້ງ​ຢູ່​ບ້ານ​ໂພນ​ໄຊ ເມືອງ​ໄຊ​ເຊດ​ຖາ ໃກ້​ກັບ​ວັດ​ທາດ​ຝຸ່ນ.

ຂ່າວທີ່ກ່ຽວຂ້ອງ