ຂ່າວຫຼ້າສຸດ

ກະຕໍ້ລາວ ຍາດໄດ້ຫຼຽນທອງ ງານກີລານັກຮຽນອາຊຽນ

211 26 ກ.ກ. 2018 ວົງຈອນກີລາ
ກະຕໍ້ລາວ ຍາດໄດ້ຫຼຽນທອງ ງານກີລານັກຮຽນອາຊຽນ

   ນັກ​ກິ­ລາ​ກະ­ຕໍ້​ທີມ​ດ່ຽວ ນັກ­ຮຽນ​ລາວ ສາ­ມາດ​ຍາດ​ໄດ້​ຫຼຽນ​ທອງ ໃນ​ການ​ເຂົ້າ​ຮ່ວມ​ງານ​ມະ­ຫະ​ກຳ​ກີ­ລາ​ນັກ­ຮຽນ​ອາ​ຊຽນ ຄັ້ງ​ທີ 10 ທີ່​ປະ­ເທດ​ມາ​ເລ​ເຊຍ​ເປັນ​ເຈົ້າ­ພາບ​ໃນ​ລະ­ຫວ່າງ​ວັນ​ທີ 20-26 ກໍ­ລະ­ກົດ ລົງ​ແຂ່ງ­ຂັນ 5 ນ້ອງ ປະ­ກອບ​ມີ ທ້າວ ເອກ​ປັນ­ຍາ ທຸມ​ໃບ​ສີ ທ້າວ ສຸດ​ສະ​ດາ ວັງ­ສະ​ພົງ ທ້າວ ວຽງ​ສະ­ຫວັນ ຈັນ­ທະ​ລັງ­ສີ ທ້າວ ວິ­ໄລ​ສັກ​ຊາ​ພັກ­ດີ ແລະ ທ້າວ ສົມ­ບູນ ພອນ​ສະ­ໄຫວ.

   ສຳ­ລັບ​ການ​ແຂ່ງ­ຂັນ​ແມ່ນ​ໄດ້​ຈົກ​ສະ­ຫຼາກ​ໃຫ້​ເປັນ​ແຕ່​ລະ​ທີມ​ເຕະ​ນ໊ອກ​ເອົ້າ ຖ້າ​ຫາກ​ທີມ​ປະ­ເທດ​ໃດ​ເສຍ​ຖື​ວ່າ​ຕົກ​ຮອບ ຖ້າ​ຫາກ​ທີມ​ໃດ​ຊະ­ນະ​ຖື​ວ່າ​ເຂົ້າ​ຮອບ ເຊິ່ງ​ໃນ​ການ​ຈົກ​ສະ­ຫຼາກ​ນັ້ນ ນັກ​ກິ­ລາ​ກະ­ຕໍ້​ທີມ​ດ່ຽວ​ລາວ ແມ່ນ​ໄດ້​ພົບ​ກັບທີມ​ນັກ​ກີ­ລາ​ມຽນ​ມາ ແລະ ສາ­ມາດ​ເອົາ​ຊະ­ນະ​ທີ​ມຽນ​ມາ​ໄປ​ໄດ້ 2-0 ເຊັດ ເຊັດ​ທີ 1 ດ້ວຍ​ຄະ­ແນນ 21-16 ແລະ ເຊັດ​ທີ 2 ດ້ວຍ​ຄະ­ແນນ 21-15 ໄດ້​ເຂົ້າ​ຮອບ 4 ທີມ ສ່ວນ​ຮອບ 4 ທີມ​ນັ້ນ ນັກ​ກີ­ລາ​ທີມ​ດ່ຽວ​ກະ­ຕໍ້​ລາວ​ເຮົາ​ ໄດ້​ພົບ​ກັບທີມ​ນັກ​ກິ­ລາ​ຈາກ​ປະ­ເທດ​ໄທ ແລະ ໄດ້​ເສຍ​ໃຫ້​ທີມ​ນັກ​ກີ­ລາ​ຈາກ​ປະ­ເທດ​ໄທ​ໄປ 2-0 ເຊັດ ສະ­ນັ້ນ ຈຶ່ງ​ເຮັດ​ໃຫ້ທີມ​ນັກ​ກີລາ​ກະ­ຕໍ້​ດ່ຽວ​ລາວ ຍາດ​ໄດ້​ພຽງ​ອັນ​ດັບ​ທີ 3 ຮ່ວມ ແລະ ໄດ້​ຮັບ​ຫຼຽນ​ທອງ.

ຂ່າວທີ່ກ່ຽວຂ້ອງ